InfoHub Logo

تاقىرىبى: «عاجايىپ ماتەماتيكا»
ماقساتى: 5 كولەمىندە سانداردى ەسەپتەۋگە ۇيرەتۋ. سانداردى تۋرا جانە كەرى ساناۋ، بالالاردىڭ ءتىلىن دامىتۋ جۇمىستارىن جالعاستىرۋ، گەومەتريالىق پىشىندەر تۋرالى ۇعىمدارىن تياناقتاپ، تۇستەردى اجىراتۋعا، قارىم - قاتىناس، كومەك كورسەتۋ، سىيلاستىقتى قالىپتاستىرۋ. بالالاردى تاپقىرلىققا، ىزدەنىمپازدىلىققا تاربيەلەۋ.
ءادىس ءتاسىلى: ءتۇسىندىرۋ، سۇراق - جاۋاپ
قۇرال جابدىقتار: سۋرەتتەر، شار، گەومەتريالىق پىشىندەر، ساندار، ۇلەستىرمەلى ماتەريالدار

بالالار شەڭبەرگە تۇرىپ شاتتىق شەڭبەرىن جاسايدى.
ءبىز ادەپتى بالامىز
ايتقان ءتىلدى الامىز
الدىمەنەن قوناقپەن
امانداسىپ الامىز.
بالالار مەن سەندەرگە ءقازىر جۇمباق جاسىرامىن شەشۋىن تابامىز.
1. ۇيقىمىزدان تۇرامىز،
بەتى – قولدى جۋامىز.
اكەمىزگە ەرەمىز،
باقشامىزعا كەلەمىز.
بۇل قاي كەزدە، بالالار؟ تاڭەرتەڭ
2. ءبىز ءتارتىپتى بالامىز،
ساباقتى دا وقيمىز.
سەرۋەنگە شىعامىز، قىدىرامىز.
بۇل قاي كەز، بالالار؟ ءتۇس
3. كۇن باتادى قىزارىپ،
مامامىزدى كۇتەمىز.
بۇل قاي كەز، بالالار؟ كەش
4. ۇيلەردە شام جانادى،
دەم الادى بار الەم،
دەپ الديلەر اق اجەم. ءتۇن
- جارايسىڭدار، بالالار، ەندى تىڭدايىقشى ەسىك قاعىپ بىرەۋ قوناققا كەلە جاتىرعان سياقتى.
سايقىمازاق: بالالار مەن سەندەرگە قۇر قول كەلگەن جوقپىن وزىممەن بىرگە مىنا شارلاردى الا كەلدىم.
- ءبىر جىلدا نەشە مەزگىل بار؟
- ءتورت مەزگىل. كانە، اتاپ شىعايىق... (قىس، كوكتەم، كۇز، جاز)
بۇل شارلاردىڭ ءتۇسى دە سول ءتورت مەزگىلدى بەلگىلەيدى.
مىنا شاردىڭ ءتۇسى قانداي؟(اق)
- بۇل شاردىڭ ءتۇسى قاي مەزگىلدى بىلدىرەدى؟
قىس. قىستا جەر قانداي بولادى (اق)
سارى شاردى كورسەتۋ
بۇل ءتۇس قانداي جىل مەزگىلىن بىلدىرەدى.(كۇز)
- سەبەبى كۇزدە اعاشتاردىڭ جاپىراقتارى سارعايىپ جەرگە تۇسەدى.
جەر بەتى سارى كىلەمگە ۇقسايدى.
جاسىل شاردى كورسەتۋ.
بۇل ءتۇس شوپتەردىڭ ءتۇسى سياقتى.
- تابيعات كوكتەمدە ويانىپ، جەر بەتى جاسىل شوپكە تولادى..
اعاشتار بۇرشىك جارا باستايدى.(كوكتەم)
قىزىل شاردى كورسەتۋ.
- قىزىل ءتۇس قانداي جىل مەزگىلىن بىلدىرەدى.؟
قاي ۋاقىتتا گۇلدەر قىزىل تۇسكە بويالادى؟.(جاز)
- بالالار، تۇستەرىن بىلدىك، ەندى سيقىرلى شاردىڭ ىشىندە نە بار ەكەنىن بىلگىلەرىڭ كەلە مە؟
بۇل سيقىرلى شارلار تاپسىرمالار الا كەلىپتى. ەندەشە ورنىمىزعا وتىرايىق جىل مەزگىلدەردىڭ تاپسىرماسىن ورىندايمىز. ءقازىر بىزدە كۇز مەزگىلى، ەندەشە كۇز مەزگىلىنىڭ تاپسىرماسىن ورىندايىق.
1 - تاپسىرما. 1 - دەن 5 - كە دەيىن تۋرا جانە كەرى ساناۋ
بالالار ەندى مىنا سۋرەتكە قارايىقشى، بىزدە قويان نەنى جاقسى كورەدى؟
- ءسابىزدى
ەندەشە قويان ءسابىزىن الا الماي تۇر ەكەن، قويان سابىزىنە جەتۋ ءۇشىن نە قاجەت؟
- ساتى
ول ساتىنى نەدەن جاسايمىز؟
- سانداردان، قاتار ەتىپ قويىپ

قىستىڭ تاپسىرماسى
2 - تاپسىرما. تۇستەردى پىشىندەرمەن سايكەستىرۋ
دەنەش بلوگى

كورشىسىن تاپ
... 2...... 4...

سەرگىتۋ ءساتى
1 دەگەندە تۇرايىق،
2، 3، 4 – الاقاندى سوعايىق،
وڭ جاققا بۇرىلىپ،
سول جاققا بۇرىلىپ،
ءبىر وتىرىپ، ءبىر تۇرىپ،
ءبىز جۇگىرىپ الايىق.
5 دەگەندە اسىقپاي،
ورنىمىزدى تابايىق.

كوكتەم مەزگىلىنىڭ تاپسىرماسى
3 - تاپسىرما.
جازىقتىقتا كەڭىستىكتى باعدارلاۋ

جاز مەزگىلىنىڭ تاپسىرماسى (قىزىل ءتۇستى شار)
4 - تاپسىرما گەومەتريالىق پىشىندەردەن ويىنشىقتار قۇراستىرۋ
ماشينا، روبوت، قويان، ءۇي
قورىتىندى:
بالالار بۇگىنگى ساباقتا قانداي تاپسىرمالار ورىندادىق؟
1 - دەن 5 - كە دەيىن تۋرا جانە كەرى سانادىق.
قويانعا كومەكتەستىك
گەومەتريالىق پىشىندەردەن ويىنشىقتار قۇراستىردىك
سانداردىڭ كورشىسىن تاپتىق
تۇستەردى پىشىندەرمەن سايكەستەندىردىك
سايقىمازاقتىڭ تاپسىرمالارىن ورىنداپ بەرگەن ءۇشىن سەندەرگە ريزا بولىپ جاتىر.
- جارايسىڭدار، بالالار، ءبارىمىز كەلگەن قوناقتارمەن قوشتاسايىق.
كورىسكەنشە كۇن جاقسى،
ساۋ سالامات بولايىق.
كۇتىلەتىن ناتيجە:
ءبىلۋ كەرەك: گەومەتريالىق پىشىندەردى اجىراتۋدى
يگەرۋ كەرەك: سانداردى تۋرا جانە كەرى ساناۋ، تۇستەردى پىشىندەرمەن سايكەستەندىرۋدى
مەڭگەرۋ كەرەك: جازىقتىقتا كەڭىستىكتى باعدارلاۋدى