عالامتور ارباۋىنداعى الەم
عالامتور - الەمدى جاۋلاعان الپاۋىت كۇش. قازىرگى الەم عالامتورمەن تىكەلەي بايلانىستى. عالامتور قۇددى ورمەكشىنىڭ تورى سەكىلدى، تۇتاسقان الەم. قاجەتىڭدى الدىڭا لەزدە قويىپ بەرەتىن ادامزاتتىڭ جەتكەن عاجايىپ جەتىستىكتەرىنىڭ ءبىرى دەرسىز.
عالامتور جۇيەسىنىڭ پايدالى جانە زيان تۇستارى بارى انىق. ولاردىڭ بارلىعىن ءتىزىپ شىعۋ مۇمكىن ەمەس. ءبىراق جاھاندىق ماسەلەگە اينالعان بىرنەشە مىسالدار كەلتىرۋگە بولادى.
بىرىنشىدەن عالامتور جەلىسىندە كۇنىڭىزدىڭ تەڭ جارتىسىن وتكىزەسىز. الايدا ونى ەش بايقامايسىز.وسىلايشا قانشاما جاندار ءوز ۋاقىتتارىنىڭ ءقادىرىن جوعالتۋدا.
سونىمەن قاتار ءبىزدىڭ زامانىمىزدا بولىپ جاتقان كەيبىر قارىن اشىتارلىق جايتتاردا وسى عالامتوردىڭ ناتيجەسى. جاسوسپىرىمدەردىڭ ميىن ۋلاعان، تۇككە تۇرعىسىز قوسىمشالاردى دا جاسىرىپ قالۋ مۇمكىن ەمەس. قانشاما جەتكىنشەكتەردى ولىمگە يتەرمەلەگەن جايتتار دا بولدى. كەي بالالاردىڭ ادام ايتسا نانعىسىز وزەرۋى دە وسى عالامتور جەمىسى بولار.
الايدا عالامتور تەك زياندى تۇستان تۇرمايتىنى دا بەلگىلى. قازىرگى كەزدە كوپتەگەن ادامداردىڭ جۇمىستارى وسى عىلىم جەتىستىگىنە تىكەلەي بايلانىستى. عالامتوردىڭ عاجايىپ كومەگىمەن ءوز ءناپاقاسىن تاۋىپ جۇرگەندەر قانشاما. ياعني بۇرىنعى كەزدەگىدەي جۇمىس تابالدىرىعىن توزدىرماي اق، ۇيدەن شىقپاي جۇمىس جاساۋعا مۇمكىندىك بار ەكەنىنە كوزىمىز انىق جەتتى. سونىمەن قاتار پايدالى، قولجەتىمدى اقپاراتتار. مۇنى ءبىز ادەتتە زامان جەتىستىگى دەپ اتايمىز.
عالامتور قۇددى ۇڭگىر سەكىلدى. بەرگى بەتى جارىق، الايدا ارى قاراي بارعان سايىن تۇبىنە جەتپەيتىن قاراڭعىلىق. بۇل عىلىم جەتىستىگى قولىمىزعا بەرىلگەن الپاۋىت كۇش. پايدالانا بىلگەن ادامعا مارجان، ال بىلمەگەنگە تاس قۇرلى تاتىمى جوق.
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى (1934) - قازاقستان رەسپۋبليكاسىنداعى ەڭ ۇزدىك، جەتەكشى ۇلتتىق ۋنيۆەرسيتەت. قازۇۋ الەمدەگى ەڭ ۇزدىك 150 ۋنيۆەرسيتەت قاتارىندا.بۇل مەكەمە كوپ جىلدىق وقۋ ج...
-
اقىن، ويشىل ابايدىڭ رۋحاني قالىپتاسۋ، ومىردەن ءوز ورنىن ىزدەۋدىڭ ءرولى وراسان زور بولدى. بۇل رەتتە ءدىن ماڭىزدى ءرول اتقارعانى ءسوزسىز. اباي ءوزىنىڭ اقىندىق شىعارماشىلىعىن ۇرپاقتارىنا امانات ەتۋگە مىندەت...
