InfoHub Logo

ءار ادام ومىردە ەكى ۇلكەن تاڭداۋدان وتەدى. ءبىرىنشىسى-ماماندىق تاڭداۋ بولسا، ەكىنشىسى-جار تاڭداۋ. ماماندىق تاڭداۋ ءوزىڭ اينالىسقىڭ كەلەتىن ءىستى تاڭداۋ عانا ەمەس، ءوزىڭ ارالاساتىن ورتانى، ءوزىڭنىڭ بارلىق تالانتىڭدى اشاتىن مۇمكىندىكتى تاڭداۋ بولىپ تابىلادى. سوندىقتان  ماماندىققا ءتورت جىل ءومىرىن ارنايتىن ستۋدەنت ماماندىق تاڭداۋدا قاتەلەسپەۋى كەرەك. مەن دە ءوز تاڭداۋىمدا 11 جىل بويى سارالاپ كەلگەن ماماندىقتى تاڭدادىم. مەنىڭ ماماندىعىم عىلىمي ماتەماتيكا. بۇل ماماندىقتى ارمانىمداعى ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم الىپ، مەڭگەرىپ جاتىرمىن. عىلىم مەن عۇمىردىڭ بۇلب ۇلى اتانعان ءال-فارابي اتىنداعى ۋنيۆەرسيتەتتە وقۋ مەن ءۇشىن ۇلكەن مارتەبە.

ءابۋناسىر ال-فارابي-قاسيەتتى وتىرار قالاسىندا دۇنيە ەسىگىن اشىپ، كۇندىز باعباندىقپەن، كەشكە عىلىممەن شۇعىلدانعان، بار تاپقان تيىنىن كىتاپقا جۇمساعان، التىن مەن جىبەككە قىزىقپاعان، تۇركى جۇرىتىنىڭ وركەنيەتىن الەمگە تانىتقان الەمنىڭ ەكىنشى ۇستازى. ءال-فارابيدىڭ دانالىعى مەن شىعارماشىلىعى، باعا جەتپەس ەڭبەكتەرى ءوز قۇندىلىعىن جوعالتپاي ءالى كۇنگە دەيىن ۇرپاقتان ۇرپاققا ساقتالىپ كەلە جاتىر. ۇلى عالىم اتىنداعى ۋنيۆەرسيتەت 1934 جىلدان بەرى ستۋدەنتتەردى بىلىممەن قامتاماسىز ەتىپ، ءوز جۇمىسىن جوعارى دەڭگەيدە اتقارۋدا. بۇل ۋنيۆەرسيتەتتە ءبىلىمنىڭ نۇرىن، عىلىمنىڭ عۇمىرىن كەزىپ، ءوزىنىڭ دارا جولىن قالاعاندار قانشاما. مۇمكىندىكتەرگە تولى قازۇۋ قالاشىعىندا ءاربىر ستۋدەنت عىلىمنىڭ شىراعىن جاعامىن، جاڭالىق اشىپ، ۇلەس قوسامىن دەگەن ارمان جەتەگىندە ءجۇر. ال، سول ارماننىڭ ورىندالۋىنا ۋنيۆەرسيتەتتەگى وقۋعا دەگەن جاعداي، بازا، عالىمدارىمىز جول اشادى، دامۋعا مۇمكىندىك بەرەدى. ءبىز ەرتەڭ ءبىلىمدى بويعا ءسىڭىرىپ، ىزدەنىپ جۇرەككە قابىلداساق، عىلىمنىڭ شىراعىن جاعا الامىز، ەلدىڭ دامۋىنا ءوز ۇلەسىمىزدى قوسا الامىز. جاڭا قازاقستاندى قۇرۋعا ات سالىساتىن جاستار بىزدەر بولامىز.

قازۇۋ الەمدىك عىلىمي ءبىلىم بەرۋ كەڭىستىگىندەگى جوعارى دەڭگەيدەگى ۋنيۆەرسيتەت. مايكرسوفت كومپانياسى قازۇۋ دىڭ سيفرلىق مودەلىن ۇزدىك تاجىريبەلەردىڭ ءبىرى رەتىندە تانىدى. ۋنيۆەرسيتەتتە الەمگە ايگىلى جوعارى تەحنولوگيالىق كورپاراسيالاردىڭ عىلىمي ءبىلىم بەرۋ ورتالىقتارى اشىلعان. ۋنيۆەرسيتەت كوپتەگەن ءىرى مەملەكەتتەرمەن كەلىسىمشارتتار، قارىم قاتىناستار جاساعان. سونىمەن قاتار، قازۇۋ-دىڭ شەت ەلدەردە فيلالدارى جۇمىس ىستەيدى، قازاقستاننىڭ باسقا وڭىرلەرىندە ءال-فارابي فيلالدارى قىزمەت كورسەتەدى. قازۇۋ-دا تەك قازاقستاندىق ازاماتتار عانا ەمەس ءار ءتۇرلى ۇلت وكىلدەرى ءبىلىم الۋدا. ولاردىڭ جوعارى دەڭگەيدە ءبىلىم الىپ، قالاشىقتاعى كەرەمەت اتموسفەرانى سەزىنۋلەرى ءۇشىن بارلىق جاعدايلار جاسالعان. ولارمەن بىرگە ءبىلىم الا ءجۇرىپ، ءار ءتۇرلى تىلدەردى مەڭگەرۋگە، ول ۇلتتىڭ مادەنيەتىمەن، كورىكتى جەرلەرىمەن تانىسۋعا، جالپى ۇلتتى تانۋعا ۇلكەن مۇمكىندىك الامىز. ستۋدەنتتەرگە ۋاقىتتارىن ءتيىمدى وتكىزۋلەرى ءۇشىن ءتۇرلى ستۋدەنتتىك ۇيىمدار جۇمىس جاسايدى. ولاردىڭ ءبىرى ستۋدەنتتەردىڭ ترانسپورتتىق جول كارتاسىن دايىندايتىن، اشىلماعان تالانتتارىن اشاتىن، ولارعا بارلىق جاعىنان كومەكتەسەتىن «سۇڭقار» ستۋندەنتتەر مەن ماگيسترانتتار كاسىپوداعى ستدەنتتەردىڭ الەۋمەتتىك ەكونوميكالىق جانە قۇقىقتىق مۇددەلەرىن، ەڭبەك قۇقىعىن قورعاۋ بويىنشا ءوز جۇمىسىن اتقارۋدا. سونىمەن قاتار، ستۋدەنتتەردى جاقسى ىستەر ىستەۋگە شاقىراتىن «كومەك» قوعامدىق قورى، ستۋدەنتتەردىڭ ءوزىن-وزى باسقارۋدىڭ جوعارعى ورگانى «ستۋدەنتتەر سەناتى»، جاتاقحانا تازالىعى مەن ستۋدەنتتەردىڭ تىنىشتىعىن ساقتاپ، مەرەكەلىك ءىس شارالاردىڭ ءوتۋىن قاداعالايتىن «ستۋدەنتتىك كەڭەس»، «التىن ساپا» ينتەللەكتۋالدىق پىكىرسايىس كلۋبى جانە ت. ب. ۇيىمدار جۇمىس جاسايدى. بۇل ۇيىمدار ستۋدەنتكە جارقىن ەستەلىكتەرمەن قىزىقتى ساتتەردى بەرىپ، عىلىم مەن ءبىلىم جولىندا ايانباي ەڭبەك ەتىپ، قوعامدا ءوز ورىندارىن تۇلعا رەتىندە قالىپتاستىرۋعا جول اشادى. ۋنيۆەرسيتەتتە تاريحي، تانىمال تۇلعالارمەن، شەت ەلدىك پروفەسسورلارمەن بىرگە ءتۇرلى كەزدەسۋلەر، كونفەرەنسيالار، ءىس شارالار  ۇيىمداستىرىلپ تۇرادى. وسىنداي جارقىن جۇزدەسۋلەر ستۋەنتتەردىڭ جان- جاقتى دامۋىنا، وزدەرىنە كەڭەس پەن تاجىريبە جيناقتاۋىنا زور ۇلەسىن قوسادى. ستۋدەنتتەردى ءبىلىم نارىمەن سۋسىنداتاتىن دارا تۇلعالار، بىلىكتى وقىتۋشىلار تەك وقىتىپ عانا قويماي ، ءال ءفارابيدىڭ «تاربيەسىز بەرگەن ءبىلىم-ادامزاتتىڭ قاس جاۋى» دەگەن ناقىل ءسوزىن باسشىلىققا الا وتىرىپ تاربيە بەرىپ، ەتيكا مەن ەستەتيكانى ساقتاۋعا، ءتارتىپ پەن ۇقىپتىلىقتى ساقتاۋعا، العان ءبىلىم مەن عىلىمدى مىنەزبەن ۇشتاستىرۋعا ۇيرەتەدى. ۋنيۆەرسيتەتتە ستۋدەنتتەرگە سپورت، باسسەين كەشەندەرىمەن، ءار فاكۋلتەتكە ارنالعان كورپۋستارمەن، اسحانالارمەن، ساباققا دايىندالاتىن ورىندارمەن، دۇكەندەرمەن، «كەرەمەت» ستۋدەنتتەرگە قىزمەت كورسەتۋ ورتالىعىمەن، ينتەرنەت ورتالىعىمەن، ءو. جولداسبەكوۆ اتىنداعى جاستار سارايىمەن، بۇگىنگى كۇنى اشىلعان «Magnum daily» ماركەتىمەن، ءال فارابي اتىنداعى كىتاپحانامەن بارلىق ۋاقىتىن ۇنەمدەپ، ءتيىمدى وتكىزەتىندەي جاعداي جاسالعان. سونىمەن قاتار، قازۇۋ قالاشىعىنىڭ ءتيىمدى جەردە ورنالاسقاندىعى دا ستۋدەنتكە تاعى ءبىر مۇمكىندىكتىڭ اشىلۋى. تاڭەرتەڭگى تازا اۋا، تاۋلاردىڭ اسەم كورىنىسى، تيىنداردىڭ سۇيكىمدى قيمىلدارى، تابيعاتى كەلىسكەن كەرەمەت كورىنىستى كۇن سايىن كورۋ جان تىنىشتىعىنمەن، رۋحاني ءنار الۋدى، تازارۋدى بەرەدى. قازۇۋ جەرى قازاقتىڭ كەڭ بايتاق جەرىندەي كەڭ، حالقى قازاق حالقىنداي كوپۇلتتى.

ءار ءبىر ادام ءۇشىن ەرەكشە كەزەڭ ستۋدەنتتىك ءومىرىمدى قازۇۋ جاستارىمەن بىرگە وتكىزۋ ۇلكەن مارتەبە. سەبەبى، ولاردىڭ  تاربيەسى مەن دۇنيەتانىمى ەرەكشە، ولار بارلىق جاعىنان جەتىلگەن، ءوز شابىتتارى مەن تالانتتارىن اشا بىلگەن تۇلعالار دەپ بىلەمىن. بولاشاقتا ولار ءبىلىم مەن عىلىمنىڭ كوشباسشى، دارا تۇلعالارى بولىپ قالىپتاسىپ، جوعارى ساپالى مامان يەسى بولىپ، كەلەكشەك ۇرپاقتى ءبىلىم نارىمەن سۋسىنداتىپ، قازاقستاننىڭ وركەندەۋى جولىندا ەڭبەك ەتىپ وشپەس ءىز قالدىراتىنىنا سەنىمدىمىن. قازاقستاننىڭ بولاشاعى جاستار بولعاندىقتان دارا تۇلعالاردىڭ سارا جولدارىن جالعاستىرىپ، ءبىلىمنىڭ بيىك شىڭىنا شىعىپ، ۇلتتىق مادەني كودتى ساقتاپ، ەلدىڭ دامۋ جولىندا ۇلەس قوسۋىمىز ءۇشىن ، ءبىلىمدى دە سانالى بولۋىمىز ماڭىزدى. ىنتىماعى مەن اۋىزبىرشىلىگى جاراسقان قازۇۋ قالاشىعىندا ءبىلىم الۋعا، ستۋدەنتتىك ءومىردىڭ قىزىعى مەن كەرەمەت ساتتەرىن سەزىنۋگە بارلىق ءبىتىرۋشى تۇلەكتەردىڭ مۇمكىندىگى بار. مەن دە ءال-فارابيدىڭ دانا، ابايدىڭ دارا جولىن جالعاستىرىپ، ادامزات دامۋىنا ءوز ۇلەسىمدى قوسىپ، وتانىمنىڭ  گۇلدەنۋى جولىندا جۇمىس جاسايمىن. «ءبىزدىڭ جولىمىز ۇلت بىرلىگىنىڭ جولى».

                                                                                                                                                                                                                        ءتالىپ شۇعىلا

مەحانيكا-ماتەماتيكا فاكۋلتەتىنىڭ 1 كۋرس ستۋدەنتى
جەتەكشىسى: ۋرازگالييەۆا سۆەتلانا

---