InfoHub Logo

مەن الماتى قالاسىندا ورنالاسقان ءال-فارابي اتىنداعى قازۇۋ ءنىڭ "عىلىمي ماتەماتيكا" ماماندىعىنىڭ، مەحانيكا- ماتەماتيكا فاكۋلتەتىنىڭ 1ءشى كۋرس ستۋدەنتىمىن. ءقازىر وسى ۋنيۆەرسيتەتتى تاڭداعانىما قاتتى قۋانامىن. مەنىڭ ماماندىعىم مۇندا كەرەمەت وقىتىلادى. ماتەماتيكا - كوپشىلىككە قيىن ءارى تۇسىنىكسىز عىلىم بولار،  ءبىراق مەن ءۇشىن بۇل وتە قىزىقتى جانە ءتارتىپتى تالاپ ەتەتىن عىلىم.

نە ءۇشىن قازۇۋ؟ جىل سايىن بارلىق 11 سىنىپ تۇلەكتەرى اراسىندا جاۋاپتى جىل بولادى: ۇبت تاپسىرۋ، دۇرىس ماماندىق تاڭداۋ، مەملەكەتتىك ەمتيحاندار تاپسىرۋ،  ۋنيۆەرسيتەت جانە قالا تاڭداۋ، اتا- انا كوڭىلىنەن شىعۋ. وسى جولدان بارلىق تۇلەكتەر وتەدى، سونىڭ قاتارىندا مەن دە بارمىن. الدىمدا مەملەكەتىمىزدىڭ 100 دەن اسا وقۋ ورىندارى تۇردى، ءارقايسىسى ءار قالادا، ءار ايماقتا. ءبىراق قازۇۋ مەنىڭ كوزىمە بىردەن ءتۇستى. ەڭ الدىمەن ءوزىنىڭ كوز تارتارلىق كورىنىسىمەن جانە عيماراتتارىمەن. باس رەكتوراتتىڭ الىپ عيماراتىن الەمنىڭ باسقا ەش جەرىمەن شاتاستىرا المايسىڭ، ال الماتىنىڭ تاۋلارى بۇل كورىنىسكە تەك ايبىندىلىقتى قوسادى. الماتىنىڭ تاۋلارى بۇلتسىز، اشىق اسپاندى كۇنى- ومىرىمدەگى ەڭ كەرەمەت كورىنىستەردىڭ ءبىرى. بۇل كورىنىستى تاماشالاۋعا ەشقاشان شارشاماسپىن.

قازۇۋ دى تاڭداۋىمنىڭ كەلەسى سەبەبى - ونىڭ رەيتينگ بويىنشا الاتىن جوعارعى ورنى. QS WUR الەمدىك رەيتينگ بويىنشا توپ-150 مىقتى ۋنيۆەرسيتەتتەردىڭ قاتارىنا كىردى. ال QS University Rankings رەيتينگىسىندە شىعىس ەۋروپا مەن ورتالىق ازيا مەملەكەتتەرى اراسىندا قازۇۋ 200 ورىننىڭ ىشىندە 11ءشى ورىندى الدى. ەكى رەيتينگ بويىنشا دا قازۇۋ قازاقستان جانە ورتالىق ازيا بويىنشا ەڭ جوعارعى ناتيجەنى كورسەتتى. دەمەك، قازۇۋ- قازاقستانداعى ەڭ مىقتى ۋنيۆەرسيتەت دەسەم قاتە بولمايدى.

كەلەسى سەبەپكەر - قازۇۋ كوپسالالى ۋنيۆەرسيتەت. مۇندا 16 فاكۋلتەت، 67 كافەدرا، 32 عىلىمي - زەرتتەۋ ينستيتۋتتارى مەن ورتالىقتارى سونىمەن قاتار اسكەري كافەدراسى بار؛ 2 مىڭنان استام پروفەسسورلار، دوكتورلار، عىلىم كانديداتتارى، ەڭ اۋقىمدى اكادەميالاردان 100گە جۋىق اكادەميكتەر جانە ت.ب. اتاقتى ماماندار جۇمىس جاسايدى. ءقازىر 67 ماماندىق بويىنشا 20 مىڭنان استام ستۋدەنت، ماگيسترانتتار مەن دوكتورانتتار وقىپ جاتىر. سونىمەن قاتار 9 ۇيىم جانە سپورتتىق- شىعارماشىلىق كلۋبتار ستۋدەنتتەرگە ءوز ونەرلەرىن تانىتۋعا، بىلىمنەن بولەك جان-جاقتى بولۋعا كومەكتەسەدى. مۇندا ءوزىڭ سەكىلدى ستۋدەنتتەر ءتۇرلى ءىس-شارالارعا قاتىسۋ ارقىلى ساعان دامۋعا جانە اشىلۋعا ىقپالىن تيگىزدى. الەمنىڭ 418 جوو مەن بايلانىستىڭ ارقاسىندا ءبىزدىڭ ستۋدەنتتەر شەت ەلدىڭ ۋنيۆەرسيتەتتەرىنە تاجىريبە الۋعا، ستۋدەنت الماسۋعا، ورتاق جوبالار جاساۋعا بارا الادى. سونىمەن قاتار قازۇۋدا باسقا ەلدەردەن كەلگەن ستۋدەنتتەر وقۋعا كەلەدى: ءۇندىستان، افريكا، جۇڭگو جانە ت.ب. تمد مەملەكەتتەرىنەن ستۋدەنتتەر وقۋعا كەلەدى. مۇنىڭ ءوزىن ۇلكەن مۇمكىندىك دەپ كورەمىن: شەت ەلدىك ستۋدەنتتەر ءۇشىن - ساپالى ءبىلىم الۋ، قازاقستاندىق ستۋدەنتتەر ءۇشىن- شەت ەل ستۋدەنتتەرىمەن تانىسۋ، جاڭا دوستار تابۋ، شەت ەلدەردىڭ مادەنيەتىمەن تانىسۋ.

قازۇۋ - مەن ءۇشىن ەڭ كەرەمەت ۋنيۆەرسيتەت. 1 جىل بۇرىنعى ءومىرىم جانە قازىرگى ومىرىمدە ۇلكەن ايىرماشىلىقتار بار. مۇندا ءتۇرلى ۇلت وكىلدەرىمەن، قازاقستاننىڭ تۇكپىر تۇكپىرىنەن وقۋ ىزدەپ جينالعان ستۋدەنتتەرىمەن جاقسى قارىم- قاتىناستامىن. ايگىلى پروفەسسورلاردان جانە بىلىكتى وقىتۋشىلاردان ءبىلىم ۇيرەنەمىن. ەرىكتىلەر ۇيىمىمەن جوبالار ۇيىمداستىرىپ، قايىرىمدىلىق جاساپ، الەمدى جاقسى جاققا وزگەرتۋگە كىشكەنتاي بولسىن ءوز ۇلەسىمدى قوسۋدامىن.  بۇدان ارتىق كەشەگى تۇلەك ءۇشىن قانداي باقىت كەرەك؟

ورىنداعان: قازۇۋ ۋنيۆەرسيتەتىنىڭ مەحانيكا-ماتەماتيكا فاكۋلتەتىنىڭ 1ءشى كۋرس ستۋدەنتى سەيسەنبەكوۆا جۇلدىزاي

جەتەكشىسى: اعا وقىتۋشىسى ۋرازگالييەۆا سۆەتلانا امانجولوۆنا

---