قازۇۋ - ءبىلىمدى جاستار وشاعى
ءال-فارابي اتىنداعى قازاق ۇلتتىق ۋنيۆەرسيتەتى (1934) - قازاقستان رەسپۋبليكاسىنداعى ەڭ ۇزدىك، جەتەكشى ۇلتتىق ۋنيۆەرسيتەت. قازۇۋ الەمدەگى ەڭ ۇزدىك 150 ۋنيۆەرسيتەت قاتارىندا.بۇل مەكەمە كوپ جىلدىق وقۋ جانە عىلىمي جۇمىس تاجىريبەسىنە باي. قازۇۋ قازاقستاننىڭ جوعارعى وقۋ ورىندارىنىڭ باس رەيتينگىسىنىڭ كوشباسشىسى بولىپ تابىلادى. ۋنيۆەرسيتەت جوعارى بىلىكتى مامانداردى دايارلاۋعا، الەمدىك ءبىلىم بەرۋ كەڭىستىگىنە كىرىگۋگە، ىرگەلى جانە قولدانبالى زەرتتەۋلەردى دامىتۋعا، ولاردى وندىرىسكە ەنگىزۋگە باعىتتالعان ءبىلىم بەرۋ، عىلىمي، رۋحاني-تاربيەلىك جانە وندىرىستىك الەۋەتكە يە. ۋنيۆەرسيتەتتە 16 فاكۋلتەت، 32 عىلىمي-زەرتتەۋ ينستيتۋتتارى مەن ورتالىقتار، تەحنوپارك جانە ت.ب. ورتالىقتار جۇمىس ىستەيدى. بۇل ۋنيۆەرسيتەتتە قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى، مەملەكەتىك جانە اتاۋلى سىيلىقتىڭ لاۋرەاتى اتانعان اتاقتىلار، عالىم-پروفەسسورالار، دوكتورلار،كانديداتتار جانە ت.ب. زيالىلار جۇمىس ىستەيدى. جالپى، قازۇۋ – ءبىلىمدى جاستار وشاعى.
قازۇۋ قالاشىعى - مۇمكىندىكتەر مەكەنى دەپ اتالاتىندىقتان، بۇل ۋنيۆەرسيتەتتە بولاشاق ماماندارعا، ياعني ستۋدەنتتەرگە بارلىق جاعداي جاسالعان. بۇل قالاشىقتا ءال-فارابي كىتاپحاناسى، «كەرەمەت» ستۋدەنتتەرگە قىزمەت كورسەتۋ ورتالىعى، ءو.جولداسبەكوۆ اتىنداعى ستۋدەنتتەر سارايى، ستۋدەنتتەر جاتاحاناسى، تاماقتانۋ ورتالىقتارى جانە باسقا دا مەكەمەلەرمەن قامتىلعان. سونداي-اق، ستۋدەنتتەردىڭ كوشباسشىلىق قابىلەتتەرىن، ۇيىمداستىرۋشىلىق قاسيەتتەرىن دامىتۋ ماقساتىندا جاستار ۇيىمدارى كوميتەتى جۇمىس جاسايدى.
مەن ءۇشىن قازۇۋ عىلىممەن اينالىسقىسى كەلەتىن ستۋدەنتتەر ءۇشىن ۇلكەن مۇمكىندىكتەر مەكەنى. مەن 2022 جىلى وسىنداي كەرەمەت ۋنيۆەرسيتەتتىڭ ستۋدەنتى اتاندىم. قازۇۋ قالاشىعىنا العاش قادام جاساعالى جۇرەگىمدە ەڭ ىستىق سەزىمدەر پايدا بولا باستادى. بۇل قالاشىق ءوزىنىڭ اسەم تابيعاتىمەن كوزدىڭ جاۋىن الادى. ارينە، تەك تابيعاتىنا قىزىققانىم ەمەس، ەڭ باستىسى ءبىلىم ساپاسى وتە جوعارى. بۇل جوعارى وقۋ ورىنىنا ءتۇسۋ اركىمنىڭ ارمانى دەپ بىلەمىن.قازىرگى تاڭدا، قازۇۋ دا ءبىلىم الىپ باستاعالى، ستۋدەنتتىڭ قابىلەتىن اشىپ، دارىنىن دامىتاتىنىن بايقادىم. قازۇۋ دا وتكىزىپ جۇرگەن ءاربىر ءساتىمدى ومىرىمدەگى ەڭ ۇلكەن ساتتىلىك دەپ سانايمىن.الدىمىزداعى 4 جىل ستۋدەنتتىك ءومىرىمدى عىلىمعا تولى باعدارمەن جانە وتە قىزىقتى ساتتەرمەن وتكىزەمىن دەپ تىلەيمىن. ەڭ باستى تىلەيتىنىم جوعارى دارەجەلى ديپلومدى قورعاپ شىعىپ، ءال-فارابي اتىنداعى قازاق ۇلتتىق ۋنيۆەرسيتەتىنىڭ بىلدەي ءبىر پروفەسسورى بولىپ، ءبىلىم بەرگەن ءاربىر وقىتۋشىنىڭ ءۇمىتىن اقتاۋ بولىپ تابىلادى.
كىمدە-كىم «قازۇۋ قالاشىعى قانداي؟» دەپ مەننەن سۇراسا، ايتارىم قازۇۋ - سىيلاستىق پەن شىنايى دوستىقتىڭ مەكەنى، قازۇۋ – ءبىلىمدى جاستار وشاعى، قازۇۋ – ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەتىن مەكەن. سوندىقتان دا، قازۇۋ – ستۋدەنتتىڭ ايقىن بولاشاعى دەپ سانايمىن.
ورىنداعان: مەحانيكا-ماتەماتيكا فاكۋلتەتىنىڭ “ماتەماتيكا” ماماندىعىنىڭ 1ء-شى كۋرس ستۋدەنتى سامارحان جانەل جەتەكشىسى: ۋرازگالييەۆا س. ا.
You Might Also Like
-
تيان-شان تاۋلارىنىڭ سولتۇستىگىنەن باستالىپ، ىلە الاتاۋىنىڭ قويناۋىنان ورىن تەپكەن، قازاقستاننىڭ ەڭ ءىرى مەگاپوليسى سانالاتىن، ءار ادامنىڭ العاشقى ماحابباتى-الماتىنىڭ تورىندە ورنالاسقان ءال-فارابي اتى...
-
عالامتور - الەمدى جاۋلاعان الپاۋىت كۇش. قازىرگى الەم عالامتورمەن تىكەلەي بايلانىستى. عالامتور قۇددى ورمەكشىنىڭ تورى سەكىلدى، تۇتاسقان الەم. قاجەتىڭدى الدىڭا لەزدە قويىپ بەرەتىن ادامزاتتىڭ جەتكەن عا...
