گەرمانيادان قازاقستانعا گۋمانيتارلىق كومەك كەلىپ جەتتى
گەرمانيا ەلىنەن گۋمانيتارلىق كومەك كەلدى. «Vogt Medical» كومپانياسى اۋرۋحانالارعا قاجەتتى مەديسينالىق قۇرال-جابدىق جىبەرگەن. شيرەك عاسىر بۇرىن اشىلعان ءىرى كاسىپورىننىڭ نەگىزىن قالاۋشى – ميحاەل فوگت وڭتۇستىك قازاقستاندا تۋىپ-وسكەن. تۋعان جەرگە بۇيرەگى بۇرعان كاسىپكەر قىسىلتاياڭ كەزەڭدە كومەگىن ۇسىندى. 1991 جىلى اشىلعان كومپانيا 2005 جىلدان باستاپ، قازاقستانمەن ارىپتەستىك ورناتقان. جالپى، كاسىپورىن امەريكادان باستاپ، الەمنىڭ 70 ەلىنە ءونىمىن جەتكىزەدى.
ميحاەل فوگت «VOGT MEDICAL» كومپانياسىنىڭ باس ديرەكتورى:
«قازىرگى تاڭدا قازاقستانعا ءبىز شىعاراتىن ونىمدەر وتە قاجەت. سوندىقتان، ماعان وسىنداي وي كەلدى. دەنساۋلىقساقتاۋ مينيسترلىگى مەن گەرمانيانىڭ فرانكفۋرت قالاسىنداعى باس كونسۋلدىقتىڭ كومەگىمەن وسى جۇكتى جىبەرىپ وتىرمىز. شامامەن 80 تەكشە مەتر كولەمىندە مەديسينالىق جابدىقتار بار. ءوزىم قازاقستاندا تۋعاندىقتان، ول ەلدىڭ تاعدىرىنا الاڭدايمىن.»
كومپانيا جىبەرگەن كومەك ەلورداعا جەتىپ، ونى «سك – فارماسيا» قابىلداپ الدى. بىررەتتىك مەديسينالىق قورعانىش جابدىقتارى ينفەكسيالىق جانە باسقا دا اۋرۋحانالارعا تاراتىلادى.
مەيىرجان ءابۋوۆ، «VOGT MEDICAL» كومپانياسىنىڭ قازاقستانداعى وكىلى:
«شپريستار بار، پەرچاتكالار بار، بۇكىل اۋرۋحاناعا كەرەكتى قازىرگى احۋالعا بايلانىستى كەرەك زاتتىڭ ءبارى ىشىندە جەتكىلىكتى. بەس مىڭ توننا ىشىندەگى مەديكامەنتتەر.»
كاسىپورىن قازاقستانمەن ارىپتەستىكتى ودان ءارى نىعايتۋعا مۇددەلى. ءقازىر ءبىرقاتار جاڭا جوبانى ىسكە اسىرىپ جاتىر. مىسالى، سيفرلىق دياگنوستيكا سالاسىنا قاجەتتى راديولوگيالىق رەنتگەن قۇرىلعىلارىن جاساي باستادى. ساپا مەن قاۋىپسىزدىكتى ءبىرىنشى كەزەككە قوياتىن كومپانيانىڭ ونىمىنە سۇرانىس جوعارى.
You Might Also Like
-
ول جەڭىل كيىنىپ دالاعا شىققان. كوكتەم مەزگىلى عوي. اسپان شايداي اشىق ەكەن. قىستا تىمىرايىپ، سۋىق سورىپ جاتاتىن قالا كوشەلەرى جادىراي قالعان. اۋادا ادەمى ءيىس بار. ءبىر ساتتە ءدۇر ەتىپ بۇرشىك اتىپ، جاپ...
-
سيدام دەنەلى، ءسۇيىر يىقتى، ۇشكىر مۇرىن، تىپ-تىك تەرگەۋشى وسى شاڭىراققا بۇگىن ءۇشىنشى رەت كەلىپ، ءۇشىنشى رەت داربازا قوڭىراۋىنىڭ تۇيمەدەي نۇكتەسىن باستى. قالانىڭ ءدال ورتالىعى، جانعا جايلى تىنىش جەر. ق...
