عىلىم جانە جاڭا ۇرپاق
تاۋەلسىز ەلدى وركەنيەتتى الەمگە تانىتاتىن، دامىعان ەلدەر قاتارىندا تەرەزەسىن تەڭ ەتەتىن كۇش – ءبىلىم جانە ءبىلىمدى ۇرپاق. سانالى ۇرپاق – ەگەمەندى ەلدىڭ بەرىك تىرەگى. ءبىز تاربيەلى، وزىق ويلى، ءبىلىمدى تۇلعا دەگەندە رۋحاني جان دۇنيەسى باي، ءبىلىمى مەن بىلىكتىلىگى جوعارى، تالاپ تالعامى تەرەڭ، سالاۋاتتى ءومىر سالتىن دۇرىس قالىپتاستىرعان تۇلعانى ايتامىز. كوپ جاعدايدا ءبىلىم مەن عىلىمدى اجىراتپايمىز، بۇل ەكەۋىن ءبىر دەپ قارايمىز. ارينە بۇل ەكەۋى ءبىر – بىرىنە وتە جاقىن، دۇنيەتانىم ناتيجەسى. ءبىراق، ءبىر ەمەس. بىرىنشىدەن، عىلىم بىلىمنەن كەيىن دۇنيەگە كەلدى. ونىڭ باستاۋى ادام بالاسى تاريحىمەن بايلانىستى. جانە ءار ەلدە، ءار ەتنوستا ءتۇرلى جاعدايلارعا بايلانىستى قالىپتاسىپ، دامىعان. ەلىمىزدە قازىرگى كەزەڭدەگى باستى ماسەلەنىڭ ءبىرى تەحنولوگيالاردىڭ دامۋ كەزەڭىندە بولاشاق ۇرپاقتىڭ تاربيەسى مەن ءبىلىم الۋى، ەگەمەن ەلىمىزدىڭ بولاشاعى، ونىڭ الەمدىك وركەنيەتتەگى ءوز ورنى، ەڭ الدىمەن ءبىلىم مەن تاربيەنىڭ باستاۋى – ۇستاز قولىندا. ۇلاعاتتى ۇستازدارىمىزدىڭ ارقاسىندا ءقازىر ەلىمىزدە جاس عالىمدار سانى ارتىپ كەلەدى، ارينە بۇل ۇستازداردىڭ جەڭىسى. بالاعا دۇرىس نۇسقاۋ بەردى، بار بىلگەنىن ۇيرەتتى. ناتيجەسىندە ەلىمىزدەگى عىلىم دامۋدىڭ داڭعىل جولىندا. جاس عالىمدارىمىزدىڭ اۋىز تولتىرىپ ايتارلىقتاي كوپتەگەن عىلىمي جۇمىستارى بار. ايتا كەتەتىن بولساق مەنى وزىق ويىمەن قىزىقتىرعان قازاقتىڭ جاس عالىمى نۇرعالي اقىلبەكوۆ ول باكتەريالارعا قارسى 10 ەسە بيولوگيالىق بەلسەندىلىك كورسەتەتىن پرەپارات ويلاپ تاپقان بولاتىن. نۇرعاليدىڭ جاڭالىعى حالىقارالىق دەڭگەيدە مويىندالىپ وتىر. ونىڭ ەڭبەكتەرى ەۋروپالىق باسىلىمداردا بىرنەشە رەت جارىق كوردى. ال وتكەن جىلى يتاليانىڭ ميلانو ماريتتيما قالاسىندا وتكەن جاس حيميكتەر سيمپوزيۋمىندا بايانداما جاساعان بولاتىن. وسىلايشا ەلىمىز الەمگە كەڭىنەن تانىلىپ كەلەدى. ياعىني ءبىز بۇنىمەن توقتاپ قالماۋىمىز كەرەك ماقساتىمىزعا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋى، ياعني ودان بۇرىن جاڭعىرىپ وتىرۋى ءتيىس. بۇل ساياسي جانە ەكونوميكالىق جاڭعىرۋلاردى تولىقتىرىپ قانا قويماي، ولاردىڭ وزەگىنە اينالادى. وسىلايشا تەرەڭىنەن دامي تۇسەمىز. وسى رەتتە ەلباسى نۇرسۇلتان نازاربايەۆ.
- تاۋەلسىز قازاقستاننىڭ عىلىمي سالاسى ەڭ الدىمەن الەمدىك عىلىمي كەڭىستىكتىڭ ءبىر تارماعى، سوندىقتان عىلىم جانە ءبىلىم مينيستىرلىگى وتاندىق عىلىمداعى ۇرپاق الماسۋ ۇردىستەرىنە نازار اۋدارۋى ءتيىس. زاماناۋي عىلىمعا قان جۇگىرتەتىن – جاستار، ولاردىڭ عىلىمداعى تىنىسىن قاداعالاپ وتىرۋ – ءبىزدىڭ قاسيەتتى بورىشىمىز. مەنى، سوڭعى جىلدارى جاستاردىڭ دەنى – عىلىمعا بەت بۇرا باستاعانى قۋانتادى،- دەپ ايتقان بولاتىن كەزەكتى ءبىر وتىرىسىندا. ەلباسىنىڭ بۇل سوزدەرى جاستاردىڭ عىلىمعا دەگەن قىزىعۋشىلىعىن ارتتىرا تۇسكەنى ءسوزسىز. قورىتا ايتقاندا، بۇگىنگى ۇرپاق – ەلىمىزدىڭ ەرتەڭى.ەندىگى قازاقستان مىنا ءبىزدىڭ قولىمىزدا، تىڭ يدەيالارىمىزبەن، عىلىمي جوبالارىمىزبەنەن دامىعان ەلىمىزدى ودان ءارى دامي تۇسۋىنە ۇلەسىمىزدى قوسۋ مىنا ءبىزدىڭ باستى مىندەتىمىز.
You Might Also Like
-
كەڭەسباي جاز جايلاۋدا، قىس قىستاۋدا جالعىز ءۇي وتىرادى ەكەن. ءبىر قاسقىر مالعا شاۋىپ مازا بەرمەپتى. سوندىقتان كەڭەسباي كورشى اۋىلدىڭ جىگىتتەرىن شاقىرىپ، قوناق اس بەرەدى دە:
-
ەرتەرەكتە نۇرپەيىس دەگەن قارت بولىپتى. ءوزى اۋقاتتى تۇرىپتى. جاسى توقساننان اسىپ، قارتايىپ، جاسى كەلگەن شاعىندا ءسوز رەتى كەلگەندە بالالارى مەن جاقىن تۋىستارىنا، اۋىلداستارىنا:
