تۇڭعىش پرەزيدەنت كۇنى
تۇڭعىش پرەزيدەنت كۇنى 2011 جىلدىڭ 10 جەلتوقسانىندا پارلامەنت سەناتىنىڭ تولىق وتىرىسىندا قول قويىلىپ، بۇكىل ەلدەن قولداۋ تابا بىلگەن مەرەكە.
بۇل مەملەكەتتىك دەڭگەيدە اتالىپ وتىلەتىن مەيرامنىڭ ماڭىزى دا ەرەكشە. تاريحى دا تەرەڭدە جاتىر. 1991 جىلدىڭ 1 جەلتوقسانىندا تۇڭعىش رەت قازاق دالاسىندا پرەزيدەنت سايلاۋى بولىپ ءوتتى
مىنە، وسىناۋ تاريحي كۇنى قازاقتىڭ ماڭدايىنا نۇرسۇلتانداي ۇلت پەرزەنتىن جازدى. بۇكىلحالىقتىق سايلاۋدا داۋىس بەرۋشىلەردىڭ 98،7 % داۋسىنا يە بولىپ ءبىر اۋىزدان ەل پرەزيدەنتى اتاندى.قازاقستاننىڭ تاعدىرىن ءوز قولىنا العان ۇلت كوشباسشىسى ءدال سول جىلى 16 جەلتوقساندا بابالارىمىزدىڭ ارمانىنا اينالعان قازاقستان رەسپۋبليكاسىنىڭ تاۋەلسىزدىگىن بۇكىل ەلگە جاريالاۋ باقىتىنا يە بولدى. ول ەلگە تاۋەلسىزدىك سىيلاعان تۇلعا رەتىندە دە ۇلكەن قۇرمەتكە يە. ول پرەزيدەنتتىك قىزمەتىن باستاعان ساتتەن اق سول كەزەڭدەگى " ەگەمەندى قازاقستان " گازەتىنىڭ باس رەداكتورى شەرحان مۇرتازاعا بەرگەن سۇحباتىندا: " قازىرگى الەمدە ەشبىر قارىم - قاتىناسسىز، الىس - بەرىسسىز، جەكە - دارا وقشاۋ قالۋعا مۇلدە بولمايدى. تاۋەلسىزدىك باياندى بولادى سوندا عانا: ەگەر ءبىز حالىقتار اراسىندا دۇرىس ساياسات ۇستاساق، ەگەر ءبىز بىرلىگىمىزدى ساقتاي بىلسەك، ەگەر ءبىز سوزدەن گورى ىسكە كوشىپ، جۇمىلا جۇمىس ىستەپ، بارلىق سالادا ءونىمدى كوبەيتسەك،سول ەرەن ەڭبەك ارقىلى باسقالارعا تىلەنشەك بولىپ، الاقان جايماساق..." ەلباسىنىڭ وسىنداي سوزدەرىنەن كەيىن تاۋەلسىزدىكتىڭ العاشقى كەزىندەگى اتقارعان ەڭبەگىنىڭ ەرەن ەكەنىن بىلەمىز.
بۇگىندە بۇكىل ەلدىڭ قولداۋىمەن سەنىمىنە يە بولىپ، ەلباسى ءوز ورنىن ەلىمىزدى بولاشاققا ايقىن باستاپ كەلە جاتقان جاستارعا تابىستادى. نۇرسۇلتان نازاربايەۆتىڭ قۇرمەتىنە تويلاناتىن - تۇڭعىش پرەزيدەنت كۇنى ءبىز ءۇشىن دە وتە ءقادىرلى مەرەكە. ەندەشە مەرەكەلەرىڭىز قۇتتى بولسىن قازاق ەلى!
اسان نۇرداۋلەت
You Might Also Like
-
قىز بالاسى-ەگەمەن ەلىمىزدىڭ، جانعا شيپا، دەرتكە داۋا سايىن دالامىزدىڭ قۇندى قازىناسى ىسپەتتەس.جان دۇنيەسىنىڭ اسەمدىگى جايىندا سىر شەرتەتىن قاراقات كوزى، قولاڭ شاشى، كەسكىن-كەلبەتى، سىڭعىرلاعان ءارى ...
-
سوڭعى جىلدارى سولتۇستىك كورەيا سىرتقى الەمگە اقىرىنداپ اشىلىپ، تۋريستتەردى قابىلداي باستاعانىنا قاراماستان، ول جەردە قاراپايىم ادامدار قالاي تۇرىپ جاتقانىنان حابارىمىز جوقتىڭ قاسى. شەتەلدىكتەرگە جەر...
