پلاستيكالىق بوتەلكەدەگى سۋدى ساتىپ الار الدىندا نەنى تەكسەرۋ قاجەت؟
بوتەلكەدەگى سۋدى ساتىپ الار كەزدە نەنى تەكسەرۋ قاجەت ەكەنىن بىلەسىز بە؟ «بوتەلكەنىڭ ءتۇبى ساۋ بولسا بولعانى» دەگەن كەڭەستى عانا ەستىگەن شىعارسىز. دەنساۋلىعىڭىزدى قورعاۋ ءۇشىن بۇل جەتكىلىكسىز.
پلاستيكالىق بوتەلكەلەردىڭ جاپسىرماسىندا، بوتەلكە قانداي پلاستيكتان جاسالعانى تۋرالى جازبا بولادى. بۇل اقپارات وتە ماڭىزدى. سەبەبى كەز كەلگەن پلاستيكتان بوتەلكەنىڭ ىشىندەگى نارسەگە ءارتۇرلى دارەجەدە ءقاۋىپتى حيميكاتتار بولىنەدى.
كەز كەلگەن بوتەلكەدە تومەندەگى بەلگىلەردىڭ بىرەۋى بولادى.
PET نەمەسە PETE
بۇل پەت-تەر نەمەسە ءبىر رەت پايدالاناتىن بوتەلكەلەر. ولار سۇيىقتىققا ادامنىڭ گورمونالدىڭ بالانسىنا اسەر ەتەتىن اۋىر مەتالل مەن زاتتاردى ءبولۋى مۇمكىن. پەت — الەمدە ءجيى پايدالانىلاتىن پلاستماسستىڭ ءتۇرى. ەستە ساقتاۋ كەرەك بولعان نارسە ول تەك ءبىر رەت پايدالانۋعا ارنالعان. ەگەر ءسىز مۇنداي بوتەلكەگە ءوز سۋىڭىزدى قۇياتىن بولساڭىز، ءسىزدىڭ اعزاڭىزعا كەيبىر ءسىلتىلى ەلەمەنتتەر مەن كوپ مولشەردە باكتەريالار ەنۋى مۇمكىن.
HDP نەمەسە HDPE
ەشقانداي زياندى زاتتار بولمەيتىن، وتە جاقسى پلاستيك بولىپ تابىلادى. ماماندار مۇمكىن بولسا وسىنداي بوتەلكەدەگى سۋلاردى الۋعا كەڭەس بەرەدى. ءقاۋىپسىز، ءارى قورشاعان ورتا ءۇشىن دە پايدالى: پلاستيكتىڭ بۇل ءتۇرىن قايتا وڭدەۋگە بولادى. ول پلاستيكتىڭ قاتتى تۇرىنە جاتادى، كوبىنەسە ءسۇت، ويىنشىق، جۋعىش زاتتاردى ساقتاۋعا جانە كەيبىر پلاستيكالىق پاكەتتەردى وندىرۋگە قولدانىلادى.
PVC نەمەسە V
بۇل ماتەريالدان جاسالعان زاتتار كەم دەگەندە ەكى زياندى حيميكاتتى بولەدى. ەكەۋى دە ادامنىڭ گورمونالدى بالانسىنا كەرى اسەرىن تيگىزەدى. بۇل جۇمساق، يىلگىش پلاستيك، كوبىنەسە سۇيىق ماي مەن بالالاردىڭ ويىنشىقتارىن ساقتاۋعا پايدالانىلادى. ودان حالىق تۇتىناتىن كوپتەگەن تاۋارلارعا بليستەرلى وراما جاسالىنادى. سونىمەن قاتار ول كومپيۋتەر كابەلدەرىن قاپتاۋعا پايدالانىلادى. ودان پلاستيكالىق قۇبىرلار مەن سانتەحنيكاعا قاجەت بولشەكتەر جاسالىنادى. PVC-كە تىكەلەي كۇن ساۋلەسى مەن اۋا رايى اسەرىن تيگىزبەيتىندىكتەن ودان تەرەزە رامالارى مەن ب ا ق قۇبىرشەگى جاسالىنادى. ساراپشىلار بالاماسىن تابا الاتىن جاعدايدا PVC-تەگى سۋسىندى ساتىپ الماۋىڭىزعا كەڭەس بەرەدى.
LDPE
پلاستيكتىڭ بۇل ءتۇرى بوتەلكە جانە پلاستيكالىق پاكەت وندىرىسىندە پايدالانىلادى. ول ءوزى ساقتاپ تۇرعان سۋعا ەشقانداي حيميالىق زاتتار بولمەيدى. پلاستيكتىڭ بۇل ءتۇرى تەك سۋ ساقتاۋعا عانا زيانسىز. ازىق-تۇلىك دۇكەنىنەن ودان جاسالىنعان پاكەتتەردى ساتىپ الماعانىڭىز ءجون بولادى. ساتىپ العان ازىق-تۇلىگىڭىزبەن قوسا جۇرەگىڭىزگە زياندى حيميكاتتاردى دا جەپ قويۋىڭىز مۇمكىن.
PP
پلاستيكتىڭ بۇل ءتۇرىنىڭ ءتۇسى اق نەمەسە ءمولدىر تۇستە بولادى. سيروپتار مەن يوگۋرتتار قاپتاماسى رەتىندە پايدالانىلادى. پوليپروپيلەن ءوزىنىڭ قىزۋعا تۇراقتىلىعىمەن باعالانادى. ونى قىزدىرعان كەزدە ول بالقىمايدى. سالىستىرمالى تۇردە زيانى جوق.
PS
كوبىنەسە كوفە ستاقانى مەن جىلدام تاماقتانۋداعى كونتەينەرلەردى جاساۋعا پايدالانىلادى. قىزدىرعان كەزدە زياندى حيميالىق قوسپالار بولىنەدى. پوليستيرول — ارزان، جەڭىل ءارى مىقتى پلاستيك بولىپ ەسەپتەلىنەدى. ءبىراق ىستىق تاماق پەن ىستىق سۋسىندار ساقتاۋعا جارامايدى.
PC نەمەسە ارنايى بەلگىلەرى جوق پلاستماسسا
بۇل پلاستيكتىڭ ەڭ زياندى ءتۇرى. سۋلارعا ارنالعا بوتەلكەلەر مەن تاماق كونتەينەرلەرىن وندىرۋدە پايدالانىلادى. پوليكاربوناتتان جاسالىنعان ىدىستاردا تاماق پەن سۋدى ساقتاۋعا بولمايدى. ول بيسفەنول ا دەگەن زات بولەدى. ول زات ادامنىڭ ەندوكريندىك جۇيەسىن بۇزادى. ەستروگەن گورمونىنىڭ ءبولىنۋىن السىرەتەدى.
پلاستيكالىق قاپتامادا ءبىر نارسە ساتىپ الاردا جاقسىلاپ ويلانىڭىز. بالكىم، شىنى اينەك الدەقايدا ءقاۋىپسىز بولار.
You Might Also Like
-
بايبەك ۇلى ايتەكە بي (ايتىق) (1644—1700) — قازاقتىڭ تاۋكە، بولات، سامەكە، ابىلمامبەت، ابىلاي حاندارى تۇسىندا مەملەكەت باسقارۋ ىسىنە ارالاسقان مەملەكەت جانە قوعام قايراتكەرى، ءاز تاۋك...
-
دۋباي - بىرىككەن اراب امىرلىكتەرىندەگى ەڭ ۇلكەن قالا، دۋباي امىرلىگىنىڭ اكىمشىلىك ورتالىعى. كولەمى بويىنشا 3885 كم-دى قۇرايتىن ەكىنشى ەميرات، حالقىنىڭ سانى – 600 مىڭ ادام. 30 جىلدىڭ ءىشى...
