عيبرات – بالا تىلىمەن
اكەم كەشكە ۇيگە شارشاپ كەلەتىن. مەن كۇنى بويى ۇيدە وتىرا بەرىپ جالىعىپ، ونىڭ كەلۋىن سابىرسىزدىقپەن كۇتەتىن ەدىم. ول ەسىكتەن كىرۋىمەن-اق الدىنان جۇگىرىپ شىعىپ، قۇشاقتاپ، ونىمەن ويناعىم كەلەتىن. اكەم قۇشاقتاپ، ءسۇيىپ: «قانە بولمەڭە بار ەندى» دەيتىن. امال جوعىنان باسىم سالبىراپ بولمەمە بەتتەيتىن ەدىم. اكەم ارتىمنان: «كەزىندە ءبىزدىڭ بولمەمىز دە جوق ەدى. مۇنىڭ بارلىق نارسەسى بار، تاعى نە كەرەك تۇسىنبەيمىن» دەپ ايقايلايتىن.
ءبىر كۇنى، ۇندەمەستەن جۇرەتىن بولسام اكەممەن جاقسى تۇسىنىسەتىنىمىزدى اڭعاردىم. بۇل جولى ۇندەمەي ىستەي الاتىن ويىندار ويناي باستادىم. الدىمەن سۋرەت سالا باستادىم. اكەم سالعان سۋرەتتەرىمدى ۇناتىپ: «مىنە وسىلاي تىنىش وتىرىپ ويناساڭ بولادى ەكەن عوي!» دەيتىن. بۇدان بۇلاي اشۋلانىپ، بولمەمە قۋمايتىن بولدى.
وسى ويلاردىڭ ىشىندە ءبىر كۇنى وتباسىمىزدىڭ سۋرەتىن سالدىم. تاماقتان كەيىن سۋرەتىمدى الىپ كەلدىم. اكەم قاراپ تۇرىپ:
– ممم، وتە ادەمى شىعىپتى. مىنا كىسى مەن شىعارمىن؟
– جوق، ول كىسى ەمەس، مىنا بالا ءسىزسىز.
– جوق، بۇل كىسى مەنمىن، اناۋ بالا سەنسىڭ، ال جانىنداعى كىشكەنتاي قىز سەنىڭ قۇربىڭ شىعار.
– جوق، ول كىسى مەنمىن، مىنا بالا ءسىزسىز، ال قاسىڭىزداعى مىنا قىز انام،-دەدىم. اكەم مەنىمەن ايتىسۋدى توقتاتىپ، مەنەن سۇرادى:
– ال نەگە ءبىزدى كىشكەنتاي بالا قىلىپ سالدىڭ؟- دەدى. مەن قاتتى قوبالجىپ، ءتۇسىندىرۋدى باستادىم:
– مەن ءوسىپ، ۇلكەن كىسى بولىپپىن. ءبىر جۇمىس تاۋىپ، جۇمىس ىستەۋدى باستاپپىن. سىزدەر قارتايىپ، كورشىمىز مارات كوكە مەن ساندۋعاش اپا سياقتى بەلدەرىڭىز بۇگىلىپ كىشىرەيىپ قالىپسىزدار. سول كەزدە مەن جۇمىستان شارشاپ كەلەمىن. ءسىز مەنىمەن سويلەسكىڭىز كەلەدى، الايدا مەن جۇمىستا ميىم اشىپ كەتكەننەن ءسىزدى تىڭدامايمىن دا. ءسىز مەنىمەن وي بولىسكىڭىز كەلگەندە: «قانە، بولمەلەرىڭىزگە بارىڭىزدار، مەن ءبىراز دەمالايىن!» دەيمىن. جانە ارتىنشا: «بارلىق نارسەلەرى بار. جىلى بولمەلەرى دە بار، بۇلارعا تاعى نە كەرەك تۇسىنبەيمىن» دەپ ايقايلامىن.
مەن ايتىپ بولعاننان كەيىن اكە-شەشەمنىڭ كوزدەرى اشىلدى. ەستىگەندەرىنە سەنە المادى. كەيىن مەنى قاتتى قۇشاقتاعانى سونشالىق، بۇدان بىلاي ەشقاشان توقتاماي سويلەي بەرسەم دە جالىقپاي تىڭداي بەرەتىن سياقتى ەدى.
You Might Also Like
-
ءبىر عانا سۋرەت ۇلكەن اڭگىمەنى بايانداۋى مۇمكىن، سونىمەن قوسا ۇلكەن ەموسيا تۋدىرادى. بۇل جيناققا جارتى جىلدا جينالعان كۇلكىلى، ادەمى، جان تۇرشىگەرلىك، تاڭ قالدىراتىن سۋرەتتەر توپتاماسىن جينالعان.
-
اڭداردىڭ پاتشاسى ارىستان بايگە جاريالاپتى. ءبىر قازان سۋدى قايناتتىرىپ قويىپ:
