InfoHub Logo

تاقىرىبى: «جاڭا اقپاراتتىق تەحنولوگيالار - كلاستان تىس ءىس - شارالار ۇيىمداستىرۋدىڭ قىزىقتى دا ءتيىمدى جولى»
مازمۇنى
كىرىسپە.
نەگىزگى ءبولىم.
1 - تاراۋ. جاڭا اقپاراتتىق تەحنولوگيالار ءبىلىم جۇيەسىندە.
1. 1. جاڭا اقپاراتتىق تەحنولوگيالاردىڭ ءبىلىم جۇيەسىنە ەنگىزىلۋى.
1. 2. جاڭا اقپاراتتىق تەحنولوگيالاردىڭ ءبىلىم جۇيەسىندە الاتىن ورنى.
2 - تاراۋ. جاڭا اقپاراتتىق تەحنولوگيالار - كلاستان تىس ءىس - شارالاردى وتكىزۋدىڭ قىزىقتى دا، ءتيىمدى جولى
2. 1. ينتەراكتيۆتى تاقتا كومەگىمەن وتكىزىلگەن «ءبىلىم پاتشالىعى» اتتى كلاستان تىس شارا
قورىتىندى.
پايدالانىلعان ادەبيەتتەر.

اننوتاسيا
ەلىمىزدەگى وزگەرىستەر، قايتا جاڭعىرلار ءبىلىم بەرۋ جۇيەسىنە دە ايتۋلى رەفورمالار مەن جاڭا ماقساتتار اكەلدى. قوعامداعى جاڭا وزگەرىستەر جانە ونىڭ تەز اقپاراتتاندىرۋى مەن دامۋ جىلدامدىعى ءبىلىم بەرۋگە دەگەن تالاپتاردى دا تۇبەگەيلى وزگەرتىپ، قوعام قاجەتتىلىگىن قاناعاتتاندىرۋ ءۇشىن ءبىلىم بەرۋ سالاسىنا تومەندەگىدەي مىندەتتەردى قويىپ وتىر: ءبىلىم ساپاسىن ارتتىرۋ، الەمدىك ءبىلىم بەرۋ كەڭەستىگىنە ەنۋ، ءبىلىم بەرۋ جۇيەسىن اقپاراتتاندىرۋ، ينتەرنەت جەلىسىن پايدالانۋ، ەلەكتروندىق وقۋلىقتار، مۋلتيمەديالىق تەحنولوگيالاردى پايدالانۋ، تەلەكوممۋنيكاسيالىق تەحنولوگيالاردى پايدالانۋ، قاشىقتىقتان باسقارۋ جانە ت. ب.
جۇمىستىڭ ماقساتى: جاڭا اقپاراتتىق تەحنولوگيالاردى قولدانۋ ارقىلى كلاستان تىس ءىس - شارالاردى وتكىزۋ بارىسىندا قانشالىقتى وزگەرىس بولاتىنىن بايقاۋ.
جۇمىستىڭ بولجامدىلىعىن: جاڭا اقپاراتتىق تەحنولوگيالار وزگەرمەلى دۇنيە جاعدايىندا ءومىر سۇرۋگە بەيىم، باسەكەگە قابىلەتتى تۇلعالاردى قالىپتاستىرۋعا، وقۋشىلاردىڭ شىعارماشىلىق قۇزىرەتتىلىگىن، جان - جاقتى دامۋىن جەتىلدىرۋگە جول اشاتىن ادىستەردىڭ ءبىرى بولعاندىقتان، كلاستان تىس ءىس - شارالاردىڭ جوسپارىن جاڭا اقپاراتتىق تەحنولوگيالاردىڭ كۇشىنە سۇيەنە وتىرىپ قۇرسا، وندا ولاردىڭ قىزىقتى دا، ءتيىمدى تۇردە وتەتىنى انىق.
جۇمىستىڭ تەوريالىق ماندىلىگى: جاڭا اقپاراتتىق تەحنولوگيالاردى كلاستان تىس ءىس - شارالاردى ۇيىمداستىرۋدا ماڭىزدىلىعى تۋرالى تۇسىنىك بەرۋ
جۇمىستىڭ پراكتيكالىق ماندىلىگى: جاڭا اقپاراتتىق تەحنولوگيالار كومەگىمەن قۇرىلعان كلاستان تىس ءىس - شارالار جوسپارلارىمەن تانىسۋ، ادىستەمەلىك قۇرال ەسەبىندە پايدالانۋ.
جۇمىس بارىسىنداعى ءادىس - تاسىلدەر: اناليز، سينتەز، سالىستىرۋ، سالعاستىرۋ، باقىلاۋ، سۇراۋ ادىستەرى.

كىرىسپە
ەلباسىنىڭ «جاڭا الەمدەگى جاڭا قازاقستان» اتتى جولداۋىندا: «ءبىز بۇكىل ەلىمىز بويىنشا الەمدىك ستاندارتتار دەڭگەيىنە ساپالى ءبىلىم بەرۋ قىزمەتىن كورسەتۋگە قول جەتكىزۋىمىز كەرەك» دەسە، وسى جولداۋدىڭ 3 - تاراۋى 18 - باعىتىنىڭ 7 - تارماقشاسىندا: «اقپاراتتىق تەحنولوگيالار مەن اقپاراتتى تاراتۋدىڭ جاڭا نىساندارىنا باعىتتالعان ماماندىرىلعان ءبىلىم بەرۋ باعىتتارىن قۇرۋ مىندەتى دە الدىمىزدا تۇر» دەلىنگەن، سونداي اق، 17 - باعىتتىڭ 3 - تارماقشاسىندا «ون - لاين تاسىلىندە وقىتۋ تاجىريبەسىن دامىتىپ، ەلىمىزدە وقۋ تەلەديدارىن قۇرۋ قاجەت» دەپ اتاپ كورسەتكەندەي بۇگىنگى كۇنى ءبىلىم بەرۋ جۇيەسى جاڭا پەداگوگيكالىق تەحنولوگياعا نەگىزدەلۋىن جانە اقپاراتتىق قۇرالداردىڭ كەڭىنەن قولدانىلۋىن قاجەت ەتەدى. وسىلايشا وقۋ - تاربيە ۇردىسىندە جاڭا اقپاراتتىق تەحنولوگيالاردى قولدانۋ زامان تالابىنان تۋىنداپ وتىر.
قازاقستان رەسپۋبليكاسىنىڭ ءبىلىم تۋرالى زاڭىندا: «ءبىلىم بەرۋ جۇيەسىنىڭ باستى مىندەتتەرىنىڭ ءبىرى - ءبىلىم بەرۋ باعدارلامالارىن مەڭگەرۋ ءۇشىن جاعدايلار جاساۋ كەرەك» دەپ كورسەتىلگەن. سولاردىڭ ءبىرى - ءبىلىم بەرۋدى اقپاراتتاندىرۋ بارىسىندا ديداكتيكالىق جانە وقىتۋ قۇرالى بولىپ كومپيۋتەر سانالادى.
قازاقستان رەسپۋبليكاسىنىڭ پرەزيدەنتى ن. ءا. نازاربايەۆ قازاقستاندىق مەكتەپتەردە مۇمكىندىگىنشە تولىق كومپيۋتەرلەندىرۋ مىندەتىن ءبىلىم بەرۋ سالاسىنىڭ باستى ماقساتىنىڭ ءبىرى دەپ كورسەتتى. بۇل ماسەلە 2006 - جىلدىڭ ناۋرىز ايىنداعى قازاقستاندىقتارعا ارنالعان جولداۋىندا ءبىلىم بەرۋ سالاسىنىڭ بولاشاعى ءۇشىن ماڭىزدى فاكتور رەتىندە بەلگىلەنەدى.
قازاقستان رەسپۋبليكاسىنداعى وقۋ - تاربيە جۇيەسىن تەحنيكالاندىرۋ مەن اۆتوماتتاندىرۋ تەندەنسياسىنىڭ بولاشاق قارقىنى مەن قادامدارى ىزدەۋمەن جانە كومپيۋتەرلىك جۇيەنى وقۋ - تاربيە ۇردىسىنە ەنگىزۋمەن تىعىز بايلانىستى. سول جولدا ءقازىر وقىتۋدى تولىق ەلەكتروندىق وقىتۋ جۇيەسىنە كوشىرۋ دە قولعا الىنۋدا. قازاقستان رەسپۋبليكاسىنىڭ «ءبىلىم تۋرالى» زاڭىندا قازىرگى زامانداعى ءبىلىم بەرۋ جۇيەسىنىڭ جاڭا تەحنولوگيالارمەن قامتاماسىز ەتىلۋى ءتيىس.

نەگىزگى ءبولىم
1. 1. جاڭا اقپاراتتىق تەحنولوگيالاردىڭ ءبىلىم جۇيەسىنە ەنگىزىلۋى..
XXI عاسىردا ادامدار جاڭا تەحنولوگيالار تاسقىنىنىڭ كۋاگەرى بولدى. كومپيۋتەر مەن ينتەرنەت، جاڭا بايلانىس قۇرالدارى، جاڭا ماتەريالدار مەن قىزمەت كورسەتۋلەر، جاڭا عىلىمي جاڭالىقتار، وسىنىڭ ءبارى وقۋشىلاردىڭ وي - ورىسىنە اسەرىن تيگىزدى جانە تاڭقالدىردى.
قوعامداعى جاڭا وزگەرىستەر جانە ونىڭ تەز اقپاراتتاندىرۋى مەن دامۋ جىلدامدىعى ءبىلىم بەرۋگە قوياتىن تالاپتاردى دا تۇبەگەيلى وزگەرتىپ، قوعام قاجەتتىلىگىن قاناعاتتاندىرۋ ءۇشىن ءبىلىم بەرۋ سالاسىنا تومەندەگىدەي مىندەتتەردى قويىپ وتىر: ءبىلىم ساپاسىن ارتتىرۋ، الەمدىك ءبىلىم بەرۋ كەڭىستىگىنە ەنۋ، ءبىلىم بەرۋ جۇيەسىن اقپاراتتاندىرۋ، ينتەرنەت جەلىسىن پايدالانۋ، ەلەكتروندىق وقۋلىقتار، مۋلتيمەديالىق تەحنولوگيالاردى پايدالانۋ، تەلەكوممۋنيكاسيالىق تەحنولوگيالاردى پايدالانۋ، قاشىقتىقتان باسقارۋ جانە ت. ب.