جاڭا عاسىردىڭ - سۋ جاڭا اقىنى
2020 جىلدىڭ 28 قاراشا كۇنى الماتى وبلىسى، كۇرتى اۋدانى، اقشي اۋلىندا "حابار" اگەنتتىگىنىڭ الماتى وبلىسىنداعى مەنشىكتى ءتىلشىسى، تەلەجۋرنالشى ارداق ايبار ۇلىنىڭ “تامىرىمدى بۇلكىلدەت جىلعالى ولەڭ” اتتى العاشقى جيناعىنىڭ تۇساۋكەسەرى ءوتتى. بۇل شاراعا الماتى، نۇر-سۇلتان، ورال، تالدىقورعان قالالارىنان كەلگەن وتكىر ءتىلدى جۋرناليستەر قاتىستى. اقشي اۋىلىنىڭ تۇرعىندارى دا وسى شىعارماشىلىق كەشتىڭ قۋانىشتى كۋاگەرلەرى اتاندى. ادام سانى كوروناۆيرۋس ىندەتىنىڭ تارالۋىنا بايلانىستى 50-دەن اسپادى. جۋرناليستەردىڭ ىشىنەن اتتارى تاريحتا قالاتىن، تەرەڭ ويلى ارداگەر ءتىلشى تىلەۋقابىل مىڭجاسار اتامىز بەن ىلە اۋدانىنىڭ قۇرمەتتى ازاماتى، قازاقستان جۋرناليستەر وداعىنىڭ مۇشەسى، جەرگىلىكتى “ىلە تاڭى” گازەتى باس رەداكتورىنىڭ ورىنباسارى ايداربەكوۆا روزا مارات قىزى كىتاپتىڭ تۇساۋىن كەسىپ، ىزگى نيەتەرى مەن تىلەكتەرىن ايتىپ، اق باتاسىن بەردى. بۇل كەشتە كىتاپتىڭ عانا ەمەس، "ءاقشيىم" اتتى ءاننىڭ دە تۇساۋى كەسىلدى. اتالعان ءاندى العاشقىلاردىڭ ءبىرى بولىپ ورىنداۋ باقىتى تۇرعىنالي داۋىتوۆ اعامىزعا بۇيىردى. كىتاپتىڭ وزىنە كەلەتىن بولساق، ولەڭدەرىندەگى وي ورامدارى، تاقىرىپ تاڭداۋ مەن ونى جۇرەككە ۇيالاتا بىلۋدەگى وزىنە عانا ءتان ساۋلەسى بىردەن ەرەكشەلەنىپ تۇر. سونداي-اق قىسقا بولعانىمەن تۇششىمدى ءارى قىزعىلىقتى ورىلگەن اڭگىمەلەرى وقىرمانداردىڭ كوڭىلىن بىردەن اۋلايتىنى ءسوزسىز. كىتاپتىڭ باس بەتتەرىنەن باستاپ ارداق ايبارۇىلىنىڭ ارىپتەستەرىنىڭ قالدىرعان پىكىرلەرى بەدەرلەنگەن. ءبىرىنشى بولىپ اقىن، قازاقستاننىڭ ەڭبەك سىڭىرگەن قايراتكەرى جاناربەك ءاشىمجان، -قولىمىزعا تيگەن قولجازبانى وقىپ شىققان سوڭ، ارداقتىڭ قالامىنىڭ كوركەمدىك قۋاتىنا ريزا بولدىق. نەگىزىنەن، ليريكالىق اعىسقا قۇرىلعان ارداق ولەڭدەرىندە ءومىر، قوعام، زامان تىنىسى وتە شىنايى سۋرەتتەلگەن. اۆتور قانداي تاقىرىپقا قالام تەربەسە دە، وتە نانىمدى جانە شۇرايلى جازادى. جان دۇنيەنى جارىپ شاققان ويدى كوركەمدىك دەڭگەيگە كوتەرۋ – قالام يەسىنىڭ ءبىرىنشى پارىزى”،- دەپ اتاپ وتكەن. ويىمدى قورىتىندىلاي كەلە، ارداق ايبارۇلىنا العىسىمدى ءبىلدىرىپ، باس يەمىن. سەبەبى جاڭا ۇرپاق ءۇشىن بۇل كىتاپ ناعىز قورەك. كىتاپ زامان اعىمىنا ساي جازىلىپ، ەلباسىمىزدىڭ “رۋحاني جاڭعىرۋ” اتتى باعدارلاماسىمەن ۇشتاسىپ تۇر.
كۋلبايەۆا ايلينا كانات قىزى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ 1-كۋرس ستۋدەنتى
You Might Also Like
-
س.تورايعىروۆ اتىنداعى وبلىستىق كىتاپحانانىڭ بالالار ادەبيەتى ءبولىمى كۇردەلى جوندەۋدەن ءوتىپ، قولدانىسقا قايتا بەرىلدى. بۇگىن قايتا جاڭارتىلعان كىتاپحاناعا وبلىس اكىمى ءابىلقايىر سقاقوۆ ارنايى كەلىپ، ...
-
اقتاسپايدىڭ اتى اتالعان جەردە بۇل اۋىلدىڭ ەركەك كىندىك بالاسىنا دەيىن ءبىر سويلەمەي قالمايدى. ءتىپتى قاتىن-قالاشى دا: «ە، الگى ءبىزدىڭ جيەن بە؟» — دەپ نەمەسە: «ءوي، سول جىندىنى ...
