جاڭا مەديا دەگەن نە؟
جاڭا مەديانىڭ ۇعىمىن ميچيگان جوعارعى ءبىلىم بەرۋ ۋنيۆەرسيتەتىنىڭ پروفەسسورى راسسەل نويمان جاقسى ءتۇسىندىرىپ، بىلاي دەيدى:
"New media-سيفرلىق قۇرىلعىلاردا ءارقاشان قولجەتىمدى بولاتىن سونىمەن قاتار پايدالانۋشىلاردىڭ كونتەنتتى قۇرىپ، تاراتۋىندا بەلسەندى قاتىسۋىن كوزدەيتىن بۇقارالىق اقپارات قۇرالدارىنىڭ جۇمىس جاساۋىنىڭ سۋ جاڭا جۇيەسى بولىپ تابىلادى".
كومپيۋتەرلىك، ساندىق تەحنولوگيالار مەن جەلىلىك تىلدەسۋلەردى ۇعىندىراتىن جاڭا مەديا تەرمين. ولاردىڭ بۇقارالىلىعى جانە قول جەتىمدىلىگى قوعامدى كومپيۋتەرلەندىرۋمەن جانە كەيىنگى سيفرلىق ساۋاتتىلىقپەن تىعىز بايلانىستا. تەحنولوگيانىڭ قارقىندى دامۋىمەن، عالامتوردىڭ پايدا بولۋىمەن مەديانىڭ جىلدام وزگەرۋى بايقالادى. وسى سياقتى وزگەرىستەردىڭ ناتيجەسى كونۆەرگەنتتى جۋرناليستيكاعا، كونۆەرگەنتتى رەداكسيالارعا اكەپ سوقتىردى. ءداستۇرلى ب ا ق مۋلتيمەدياعا اينالادى جانە ءوز ءىسىنىڭ بارىسىندا ءتۇرلى زاماناۋي تەحنولوگيالاردى قولدانادى: ساندىق كەسكىندەردى وڭدەۋ، الەۋمەتتىك مەديا، مەسسەندجەرلەردەگى ارنالار، عالامتورداعى تىكەلەي ەفيرلەر، لونگريدتەر، ءموبيلدى قوسىمشالار جانە باسقالار.
زاماناۋي ادامدارعا قابىلدانىلاتىن اقپاراتتىڭ كوپتىگى قيىندىق تۋعىزىدى. سول ءۇشىن تۇتىنۋشىنىڭ نازارىن «ايعايلاپ تۇراتىن» تاقىرىپتار قولدانىلادى. بۇنداي جولدار گەيميفيكاسيا دەپ اتالادى. قازىرگى قوعامنىڭ مينيمالدى كۇش پەن شىعىنداردىڭ ارقاسىندا كەز-كەلگەن فورماتتاعى، جەكە باسىلىم شىعارا الاتىندىعى ايقىن.
قازاقستاندا جاڭا مەديانى تاراتۋدىڭ كوپتەگەن جولدارىن بايقاۋعا بولادى. سونىڭ ىشىنەن ءموبيلدى قوسىمشالارعا توقتالا كەتسەك. ولار:Facebook، Telegram، Instagram، TikTok، ۆكونتاكتە جانە ت. ب. مۇندا ءىرى دە كىشى دە باسىلىمدار ماتەريالدار جاريالاي الادى. بۇل قوسىمشالار وزدەرىنىڭ ىڭعايلىلىعى مەن جىلدامدىعىمەن ەرەكشەلەنەدى. ال بۇل اقپاراتتى تۇتىنۋشىعا دا ونى تارتۋشىعا دا ۇلكەن جاردەم ەكەنى ءسوزسىز.
You Might Also Like
