تالاپكەرلەر جوو-عا قۇجاتتى ەلەكتروندى تۇردە تاپسىرادى — بعم
ماۋسىم ايىنان باستاپ بارلىق جوو-لار قۇجاتتاردى ەلەكتروندى تۇردە قابىلداي باستايدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ونلاين كونفەرەنسيادا ايتتى.
«سيفرلاندىرۋ ماسەلەسى وتە وزەكتى بولىپ تۇر. ءبىز بيىل ءبىرىنشى رەت سيفرلىق رەجيمدە ۇبت تاپسىرۋعا قۇجاتتاردى قابىلدادىق. الدىڭعى جىلمەن سالىستىرعاندا قۇجاتتاردىڭ سانى ءبىراز كوبەيدى. سيفرلاندىرۋ ماسەلەسى ارى قاراي دا ءبىزدىڭ باستى نازارىمىزدا بولادى»، — دەيدى ق ر ءبىلىم جانە عىلىم ءمينيسترى اسحات ايماعامبەتوۆ.
ونىڭ ايتۋىنشا، ەندى جوو مەن كوللەدجدەرگە قۇجات قابىلداۋ ناۋقانى باستالادى. بۇل ماسەلەنى دە قازىرگى جاعدايعا سايكەس دۇرىس جولعا قويىپ، ءتيىمدى ىسكە اسىرۋ كەرەك. «جىل سايىن 300 مىڭنان استام تۇلەك كوللەدج بەن جوو-عا قۇجاتتار تاپسىرادى. قۇجاتتار پاكەتى فوتوسۋرەت، كوشىرمە، كۋالىكتەن جانە باسقا دا 6 قۇجاتتان تۇرادى. بۇل قۇجاتتاردى جيناۋ ءۇشىن شامامەن 4 مىڭ تەڭگە كەتەدى. جىل سايىن وسىنداي قۇجاتتاردى تاپسىرۋعا 1 مرلد تەڭگە جۇمسالادى. سونىمەن قاتار قۇجاتتاردى بارىپ تاپسىرۋ، كەزەككە تۇرۋ كەرەك. مۇنداي قاجەتسىز كەزەككە تۇرۋدى بولدىرماۋ ءۇشىن قۇجاتتاردى قابىلداۋدى اۆتوماتتاندىرۋ كەرەك. بيىل بارلىق ءبىلىم بەرۋ ۇيىمدارىنا قابىلداۋ ەلەكتروندىق ۇكىمەت پورتالى ارقىلى جۇزەگە اسىرىلادى. پورتالدا كىشكەنە اپاتتىق جاعداي ورىن العاندىقتان، ونىڭ قالاي جۇزەگە اسىرىلاتىنىن ءقازىر كورسەتە المايمىز. ماۋسىم ايىنان باستاپ بارلىق جوو-لار قۇجاتتاردى ەلەكتروندى تۇردە قابىلدايدى»، — دەيدى ءبىلىم جانە عىلىم ۆيسە-مينيسترى رۇستەم بيعارى.
You Might Also Like
-
ءبىلىم سالاسىن سيفرلاندىرۋ، قاشىقتان وكىتۋدى جەتىلدىرۋگە قاتىستى پرەزيدەنت مىندەتتەگەن تاپسىرمالار ورىندالادى.
-
«بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋدىڭ جاڭا ەرەجەسى بەكىتىلدى.
