InfoHub Logo

يننوۆاسيالىق تەحنولوگيالار ارقىلى وقىتۋدىڭ دا ءتۇپ تامىرى – ساپالى بىلىمگە يە، باسەكەگە قابىلەتتى بولاشاق مامان يەلەرىن دايىنداۋ. 

وقۋشىلاردىڭ مەكتەپتە يگەرگەن ءبىلىمى بولاشاقتا وزدەرىنە جۇمىس جاساۋى قاجەت دەگەن پىكىردى ۇستانامىن. قازىرگى شەتەل تاجىريبەسىنە زەر سالساق، الدىمەن وقۋشىنىڭ پسيحولوگيالىق تۇرعىدا دامۋىن ءبىرىنشى ورىنعا قويادى. 

ءبىزدىڭ تاريحي ۇلتتىق وقىتۋ جۇيەمىزدە دە وسى ماسەلەگە ناقتى توقتالعان. مىسال رەتىندە ءوزىمىزدىڭ اقىن، ۇستاز م. جۇماباي ۇلىنىڭ دا وقۋشىلاردى تاربيەلەۋ مەن وقىتۋ ءۇشىن ۇسىنعان ءبىرقاتار تۇجىرىمدارى بار. وقۋشى ءبىلىم الۋ بارىسىندا وقۋدىڭ قيىن ەمەس، كەرىسىنشە جەڭىل ءارى قىزىقتى ەكەنىن ۇعىنۋى كەرەك. ۇستازدىڭ وقۋشىعا ساباقتى ءتۇسىندىرۋ كەزىندە ءار بالامەن جەكە جۇمىس جاساپ، دەڭگەيلەرىنە ساي جۇمىس جاساۋى قاجەت. 

ال قازاقتىڭ ۇلى اقىنى ابايدىڭ دا سىني ويلاۋيننوۆاسيالىق تەحنولوگياسىنا قوسار ۇلەسى زور. ونىڭ «قارا سوزدەرىنەن» بولەك، جازعان ولەڭدەرى مەن اۋدارمالارىندا جاس ۇرپاققا قاجەت ءىلىم بار. 

ءقازىر اقپاراتتىق دامۋ زامانىندا وقۋشىنىڭ بۇرىس جاققا قاراي «ەلىكتەپ» كەتپەۋى ءۇشىن جانە وزىندىك جەكە پىكىرى قالىپتاسۋ ءۇشىن سىني تۇرعىدا ويلاۋ ماڭىزدى. ۇلى اقىن ابايدىڭ «عىلىم تاپپاي ماقتانبا» ولەڭىندە: 

اقىل سەنبەي، سەنبەڭىز،

ءبىر ىسكە كەز كەلسەڭىز.

اقساقال ايتتى، باي ايتتى،

كىم بولسا، مەيلى سول ايتتى،

اقىلمەنەن جەڭسەڭىز- دەيدى. بۇل ناعىز مەنىڭ ويىمشا، ناعىز ءححى عاسىردىڭ ۇرپاعىنا ارنالعان اقىل-كەڭەس. قازاق ءتىلدى ەمەس مەكتەپتەگى وقۋشىلاردىڭ قازاق ءتىلى مەن ادەبيەتىن وقىتۋ بارىسىندا، ابايدىڭ وسى ولەڭىن وقي وتىرىپ، سىني ويلاۋ داعدىسىن قالىپتاستىرا الادى. ءار وقۋشى قانداي دا ءبىر اقپاراتتى ياكي ءبىلىمدى ساناسىنا قابىلداۋ كەزىندە ويلانىپ، اقىلمەن ارەكەت قىلادى. دەمەك وقۋشىنىڭ ميىندا: «قانداي؟»، «نە سەبەپتى؟»، «نە ءۇشىن؟» دەگەن سياقتى ساۋالدار تۋىنداپ، ودان ءارى ءپاندى وقۋعا دەگەن ىنتاسى ارتادى. وسىلايشا باسەكەگە قابىلەتتى بولاشاق مامان مەكتەپ قابىرعاسىنان باستاپ اقپاراتتى «سۇزگىدەن وتكىزۋگە» داعدىلانادى. 

ورتا ءبىلىم بەرۋدىڭ جاڭارتىلعان ءبىلىم مازمۇنى اياسىندا قازاق ءتىلدى ەمەس مەكتەپتەردە قازاق ءتىلى مەن ادەبيەتىن وقىتۋدىڭ يننوۆاسيالىق تەحنولوگيالارىن دامىتۋ ءۇشىن ۇستازدار اناعۇرلىم بىلىكتى بولۋى شارت. زاماننىڭ تالابىنا ساي شەت ەلدىڭ تاجىريبەسىن دە ءوزىمىزدىڭ ۇلتتىق تاجىريبيەمىزدى دە ۇشتاستىرۋ قاجەت دەپ ويلايمىن.

تاجەنوۆا گۇلجان

---