
- 18 قار. 2020 00:00
- 378
«جاڭاشىل ءمۇعالىم – 2020» رەسپۋبليكالىق بايقاۋىنىڭ جۇلدە قورى 2 000 000 تەڭگە قۇرادى
«جاڭاشىل ءمۇعالىم» رەسپۋبليكالىق بايقاۋى Bilim Land سيفرلىق ءبىلىم بەرۋ پلاتفورماسىنىڭ ۇيىمداستىرۋىمەن 2015 جىلدان بەرى وتكىزىلىپ كەلەدى. بايقاۋعا باستاۋىش، ورتا، ارنايى ورتا جانە ينكليۋزيۆتى ءبىلىم بەرۋ مەكەمەلەرىنىڭ 4000-نان اسا پەداگوگى قاتىسىپ ۇلگەردى. بايقاۋدىڭ نەگىزگى ماقساتى – ءمۇعالىمنىڭ تاجىربيەسىندە سيفرلىق رەسۋرستاردى قولدانۋدىڭ وزىق ۇلگىسىن قالىپتاستىرۋ.
پاندەمياعا بايلانىستى وتكەن وقۋ جىلىنىڭ كوكتەمىندە «جاڭاشىل ءمۇعالىم – 2020» بايقاۋىنىڭ ەكىنشى كەزەڭىن وتكىزۋ ۋاقىتشا توقتاتىلعاندىقتان، جاڭا وقۋ جىلىنىڭ باسىندا اتالمىش بايقاۋدى جالعاستىرۋ جانە وعان فيناليستەردەن (بايقاۋدىڭ ەكىنشى كەزەڭىنىڭ ناتيجەسى بويىنشا 733 پەداگوگ سەرتيفيكات الدى) بولەك، ەل پەداگوگتەرىنىڭ بارلىعىن بايقاۋعا قاتىسۋعا شاقىرۋ تۋرالى شەشىم قابىلداندى. 2020 جىلعى 23 قازاننان 19 جەلتوقسانعا دەيىن بايقاۋعا قاتىسۋشىلاردىڭ بارلىعى تاڭدالعان اتالىمدار بويىنشا جۇمىستارىن ۆيدەو فورماتىندا (15 مينۋتتان اسپاۋى ءتيىس) جولداۋى ءتيىس.
اتالىمدار:
– «ءداستۇرلى ساباقتاعى اكت»؛
– «ونلاين ساباقتاعى اكت» – جاڭا اتالىم؛
– «تاربيە جۇمىسىنداعى اكت»؛
– «مەكتەپكە دەيىنگى ءبىلىم بەرۋدەگى اكت».
بايقاۋدىڭ جۇلدە قورى ءار اتالىمعا 500 000 تەڭگەدەن 2 000 000 تەڭگەنى قۇرايدى. بۇدان باسقا، بايقاۋ تالاپتارىنا ساي جۇمىستارىن جولداعان قاتىسۋشىلاردىڭ بارلىعى العىس حاتتارمەن ماراپاتتالادى.
بايقاۋعا كەلىپ تۇسكەن جۇمىستاردى تاۋەلسىز ساراپتاما كوميسسياسى باعالايدى. بايقاۋ قورىتىندىسى 2020 جىلدىڭ سوڭىنا دەيىن شىعارىلىپ، OnlineMektep.org، bilimland.kz سايتتارى مەن Facebook (@BILIM Land)، Instagram (@bilimland.kz) الەۋمەتتىك جەلىلەرىندە جاريالانادى.
بايقاۋعا قاتىسۋ شارتتارىمەن تولىعىراق كەلەسى سىلتەمە بويىنشا بىلە الاسىزدار: https://bilimland.kz/kk/contests/zhangashyl-mugalim/zhangashyl-mugalim-2020
ءبىز مەكتەپكە دەيىنگى جانە ورتا ءبىلىم بەرەتىن بارلىق پەداگوگتى بايقاۋىمىزعا قاتىسۋعا شاقىرامىز.
Call-ورتالىق: +77079449595، support@bilimmail.kz.