جاڭعاقتىڭ اسقازانعا پايداسى
لۋيزيانا شتاتى ۋنيۆەرسيتەتىنىڭ ماماندارى زەرتتەۋ جۇرگىزىپ، جاڭعاقتىڭ اس قورىتۋ جۇيەسىن جاقسارتاتىنىن، جاڭعاق تۇتىنۋ اسقازانداعى پروبيوتيكتەردى ارتتىرىپ اس قورىتۋ جۇيەسىنە پايدالى كەلەتىندىگىن مالىمدەدى. زەرتتەۋشىلەر 10 اپتا بويى تىشقانداردىڭ ءبىر بولىگىنە ۇگىتىلگەن جاڭعاعى بار تاعام بەرىپ، ەكىنشى بولىگىنە كەزدەيسوق تاعامدار بەرەدى. ەكى توپتىڭ دا كالورياسى مەن ازىقتىڭ قۇنارى بىردەي بولعانىمەن جاڭعاعى بار ازىقتارمەن قورەكتەنگەن تىشقانداردا لاكتوباسيل، روزبەري جانە رۋميناكوككۋس سەكىلدى ءبىرشاما پايدالى باكتەريالاردىڭ ارتا تۇسكەنى بايقالعان. زەرتتەۋ ناتيجەسى بويىنشا جاڭعاقتىڭ اس قورىتۋ جۇيەسىن ساۋلىقتى ۇستاپ تۇراتىن باكتەريالاردى كۇشەيتەتىن پروبيوتيك سەكىلدى اسەر ەتەتىندىگى مالىمدەندى. اسقازاننىڭ ساۋلىعى باسقا بۇكىل مۇشەلەردىڭ ساۋلىعى مەن تىعىز بايلانىستى ەكەندىگىن ايتقان دوسەنت، دوكتور لاۋري بايەرلي بىلاي دەيدى: «جاساعان زەرتتەۋىمىز جاڭعاقتىڭ اسقازاندى جاقسى جاعىنان وزگەرتكەنىن كورۋدەمىز. بۇل - جاڭعاق تۇتىنۋدىڭ جۇرەك، مي سەكىلدى دەنەنىڭ باسقا دا مۇشەلەرىنە قالايشا پايدا تيگىزەتىنىن اشا تۇسكەندەي. جاڭعاقتىڭ قۇرامىنداعى بيواكتيۆتى زاتتار دەنساۋلىققا پايدالىلىعىن ارتتىرا تۇسەتىن فاكتور بولۋى مۇمكىن. جاڭعاق – قۇرامىندا ەداۋىر مولشەردە وسىمدىك ءسىلتىلى ومەگا-3 ماي قىشقىلى بولىپ تابىلاتىن الفا-لينولەندى قىشقىلى (الق) بار جالعىز قابىقتى جەمىس (1 ۋنس جاڭعاقتا 2،5 گر الق بار)، سونداي-اق پروتەين (1 ۋنس 4 گر) جانە تالشىقتارى (1 ۋنس 2 گر) مەن دە پايدالى بولىپ تابىلادى.»
You Might Also Like
-
سولتۇستىك قازاقستان وبلىسىنىڭ تيميريازيەۆ اۋدانىنا قاراستى «اتامەكەن-اگرو-تيميريازيەۆ» جشس-نە يننوۆاسيالىق تەحنولوگيالاردى ەنگىزۋدىڭ ناتيجەسىندە ونىمدىلىك 20-30 پايىزعا ارتقان.
-
مالدى «چيپتەۋ» ولاردى جوعالۋ قاۋپىنەن جانە جول-كولىك وقيعاسىنان ساقتايتىن بولادى. بۇعان قوسا، شارۋالار اراسىندا مالدىڭ يەسىن انىقتاۋ بويىنشا بولاتىن تۇسىنىسپەۋشىلىكتەردى الدىنالۋعا بولادى.
