سقو-دا «اقىلدى تەحنولوگيالاردىڭ» ارقاسىندا اگروونەركاسىپتەگى ونىمدىلىك 30 پايىزعا ارتتى
سولتۇستىك قازاقستان وبلىسىنىڭ تيميريازيەۆ اۋدانىنا قاراستى «اتامەكەن-اگرو-تيميريازيەۆ» جشس-نە يننوۆاسيالىق تەحنولوگيالاردى ەنگىزۋدىڭ ناتيجەسىندە ونىمدىلىك 20-30 پايىزعا ارتقان.
باسىلىم مالىمەتىنشە، دوكۋچايەۆ اۋىلدىق وكرۋگى اۋماعىندا ورنالاسقان شارۋاشىلىقتىڭ ونىمدىلىگى يننوۆاسيالىق سيپاتقا يە باعدارلامالاردىڭ ارقاسىندا 20-30 پروسەنتكە ارتقانى بايقالعان.
«اتامەكەن-اگرو-تيميريازيەۆ» ج ش س باسشىسى ايدارحان قادىرحان ۇلىنىڭ ايتۋىنشا، «اقىلدى تەحنولوگيالاردىڭ» اۋىلشارۋاشىلىعىنا بەرەر پايداسى كوپ.
«اقىلدى تەحنولوگيالار» ارقىلى اگروونەركاسىپ كەشەنىن قارقىندى دامىتۋدى يگەرۋدەمىز. ونىڭ مينەرالدىق تىڭايتقىش سىڭىرۋدەگى، زيانكەستەرمەن، ارامشوپپەن كۇرەسۋدەگى، ەگىن ەگۋ مەن استىق جيناۋدىڭ وڭتايلى ۋاقىتىن بولجامداۋداعى ماڭىزى وراسان. جاڭا باعدارلامالار ادام فاكتورىنا، اۋا رايىنا تاۋەلدىلىكتى ازايتىپ، ارتىقشىلىقتارىن ءتيىمدى قولدانۋعا زور مۇمكىندىك بەرەدى»، – دەيدى ا. قادىرحان ۇلى.
ونىڭ ايتۋىنشا، اۋىل شارۋاشىلىعى سالاسىن جاڭا دەڭگەيگە كوتەرۋدىڭ ءبىر جولى – ماشينا-تراكتور پاركىن جاڭارتۋ. ۋاقىت كوشىنەن قالماۋدى باستى ماقسات ەتكەن مۇندا تەحنيكا كۇشى جەتكىلىكتى. جوعارى ءونىمدى 14 ەگىس كەشەنى مەن 37 استىق كومباينى، 57 «ك-700»، «متز-80» تراكتورى، 21 «كاماز» جۇك كولىگى كوكتەمگى، كۇزگى دالا جۇمىستارىنىڭ بەل ورتاسىندا جۇرەدى. تەحنيكالاردىجاڭالاۋعا 258 ميلليون تەڭگەباعىتتالىپ، 87 ميلليون تەڭگەگە«تۋكانو 570» ماركالى كومباين ساتىپالىنعان.
سونداي-اق، اگروكەشەندە «ءدال ەگىنشىلىك» جۇيەسى قولدانىلىپ، ول ءوز كەزەگىندە شىعىن كولەمىن ازايتۋعا اسەر ەتىپ جاتىر.
«بۇرىن گەربيسيد ەگىستىك القاپتارعا تۇتاس شاشىلاتىن. ەندى تەحنيكاعا ناۆيگاسيالىق قوندىرعىلار ورناتىلعالى شىعىن كولەمى 20-25 پروسەنتكە دەيىن ازايتىلدى»، - دەيدى شارۋاشىلىق كومباينشىلارى.
بۇعان قوسا، كومبايندار مەن تراكتورلارعا ارنايى باعدارلامالارى بار پلانشەتتەر قويىلعان. «GPS» قۇرىلعىلارى بار كومباينداردا بيدايدىڭ سالماعى مەن ساپاسى مونيتور ارقىلى كورسەتىلەدى ەكەن. جانار-جاعارماي شىعىنى دا ناقتى ەسەپتەلەدى. ەگىس القاپتارىنىڭ ەلەكتروندى كارتاسى جاسالىپ، جەر سەرىگىنىڭ كومەگىمەن مونيتورينگ جۇرگىزىلەدى.
ماقالاداعى مالىمەتكە سايكەس، شارۋا ورتالىعىندا ەگىنشىلىكپەن قاتار مال شارۋاشىلىعى دا جاقسى دامىپ كەلەدى. وسى رەتتە، «ەلەكتر باقتاشى» قۇرىلعىسى ساتىپ الىنىپ، مالشىلاردىڭ جۇمىسى الدەقايدا جەڭىلدەپتى. مالدىڭ قاي جەردە جايىلىپ جۇرگەنى كومپيۋتەر مەن سمارتفون ارقىلى باقىلانادى. بارلىق ۆەتەرينارلىق اقپاراتتار ەلەكتروندى بازاعا ەنگىزىلگەن.
اتالعان اگروقۇرىلىم 2004 جىلى اۋىلداعى «جامانشۇبار» سەرىكتەستىگى نەگىزىندە قۇرىلعان. ءقازىر جالپى جەر كولەمى 50 مىڭ گەكتار. ونىڭ 32،9 مىڭ گەكتارى ەگىستىك القابىنا تيەسىلى. بيىل 25 مىڭ گەكتارعا ءداندى داقىل، 7443 گەكتارعا مايلى داقىل ەگىلگەن.
You Might Also Like
-
ءبىز — وقىعاننان گورى، كورىپ تاماشالاعاندى ۇناتاتىن ۇرپاقتاردىڭ قاتارىنانبىز. بۇگىندە اتاقتى بلوگەر بولۋدى ارمانداۋشىلار سانى بۇرىنعى عارىشكەر نەمەسە ءورت ءسوندىرۋشى بولۋدى ارمانداعاندار سانىنان...
-
لۋيزيانا شتاتى ۋنيۆەرسيتەتىنىڭ ماماندارى زەرتتەۋ جۇرگىزىپ، جاڭعاقتىڭ اس قورىتۋ جۇيەسىن جاقسارتاتىنىن، جاڭعاق تۇتىنۋ اسقازانداعى پروبيوتيكتەردى ارتتىرىپ اس قورىتۋ جۇيەسىنە پايدالى كەلەتىندىگىن ءمالىم...
