InfoHub Logo

سۇلەيمەن پايعامبار جان­جانۋاردىڭ ءتىلىن بىلەتىن. سيىردىڭ موڭىرەگەنىنەن، ەسەكتىڭ اقىرعانىنان، قاراعانىنان نە ايتىپ تۇرعانىن ءبىلىپ قوياتىن.

ءبىر كىسى سۇلەيمەن پايعامبارعا ءوتىنىش ايتىپ: «جانۋاردىڭ ءتىلىن ۇيرەتشى»، — دەپ جالىندى. بىرنەشە ايدان سوڭ ۇيرەنىپ الدى.

الگى كىسى ۇيىنە كەلىپ، قورانىڭ سىرتىنان تىڭدادى. سويتسە، ەسەك پەن وگىز سويلەسىپ جاتىر ەكەن.

ەسەك:

— وگىز، باۋىرىم، ءحالىڭ قالاي؟ — دەيدى.

وگىز:

— اۋىر جۇمىستان شارشادىم. قوجايىنىم مەنى ايامايدى، — دەپ ىڭىرسيدى.

ەسەك وعان اقىل ايتادى:

— سەن بۇگىن ءشوپ بەرسە — جەمە، سۋ بەرسە — ىشپە. اۋىرىپ قالعان ەكەن دەپ، جۇمىستان قالدىرادى، — دەيدى.

وگىز ايتقاندى ورىندايدى. ءشوپ تە جەمەي، سۋ دا ىشپەي جاتىپ الادى. ەكەۋىنىڭ ءسوزىن ەسىتكەن قوجايىنى قۇلىنا ايتادى:

— ەرتەڭ وگىزدى قالدىر دا، ەسەكتى جۇمىسقا جەك! — دەيدى.

ەرتەڭىنە وگىزدىڭ بار جۇمىسىن ەسەككە سالادى. ەسەك اربا دا سۇيرەيدى، وتىن دا تاسيدى. ولەردەي شارشايدى. كەشكە اياعىن ازەر سۇيرەتىپ قوراعا كىرەدى.

وگىز بولسا، تىنىعىپ قالعان ەدى. قۋتىڭ­-قۋتىڭ ەتەدى.

— ءحالىڭ قالاي، دوستىم؟ — دەيدى ەسەككە.

ابدەن شارشاعان ەسەك كۇيىپ كەتىپ:

— سەنى قوجايىن سويىپ جەيمىن دەپ جاتىر. وت وتتاپ، سۋ ىشپەسەڭ، ەرتەڭ سويادى، — دەپ الدايدى.

قورقىپ كەتكەن وگىز دەرەۋ ءشوپ جەۋگە كىرىسەدى. قورانىڭ سىرتىنان تىڭداپ تۇرعان قوجايىنى ەسەكتىڭ قۋلىعىنا ابدەن كۇلەدى

---