بيىل جوعارى وقۋ ورنىنداعى پروفەسسورلاردىڭ جالاقىسى كوبەيدى – بانۋ ناربەكوۆا
بيىل جوعارى وقۋ ورىندارىنداعى پروفەسسورلاردىڭ جالاقىسى كوبەيدى. وسىنداي قيىن جاعدايدا وقىتۋشىلاردى قولداۋ كەرەك. بۇل تۋرالى ورتالىق كوممۋنيكاسيالار قىزمەتىندە وتكەن ونلاين بريفينگتە بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى بانۋ ناربەكوۆا ايتتى.
«سەسسيا قاراشادان باستاپ جەلتوقسان ايىنىڭ سوڭىنا دەيىن جۇرگىزىلەدى. مينيسترلىك تاراپىنان جۇرگىزىلگەن پىسىقتاۋ ناتيجەسى بويىنشا، ءبىزدىڭ جوعارى وقۋ ورىندارى سەسسيا وتكىزۋگە دايىن. سونداي-اق، ءبىز انتيپلاگيات جۇيەسىن قولدانىپ وتىرمىز. ەلىمىزدەگى بارلىق جوعارى وقۋ ورنى وسى جۇيەنى پايدالانادى»، — دەيدى بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى بانۋ ناربەكوۆا.
ونىڭ ايتۋىنشا، قاشىقتان وقىتۋدىڭ ءداستۇرلى ءبىلىم بەرۋدەن ەشقانداي ايىرماشىلىعى جوق.
«ءبىز باعالاۋعا قاتىستى ءوزىن-وزى باعالاۋ تەحنولوگياسىن ەنگىزىپ وتىرمىز. ءبىر جاعىنان ستۋدەنتتەردىڭ وزىنە سەنەمىز، ەكىنشىدەن بۇل ولاردىڭ ءبىلىم دەڭگەيى، وقۋ ۇلگەرىمىن باعالاي بىلۋگە، وقۋعا دەگەن قۇشتارلىق دەڭگەيىن انىقتاۋعا كومەكتەسەدى. سونداي-اق، بيىل جوعارى وقۋ ورىندارىنداعى پروفەسسورلاردىڭ جالاقىسى كوبەيدى. وسىنداي قيىن جاعدايدا وقىتۋشىلاردى قولداۋ كەرەك»، — دەيدى ول.
You Might Also Like
-
ۇلكەن كيىز ءۇيدىڭ ەسىگىنە جاقىنداي بەرىپ، التىن اجەي كىلت توقتادى. اجەسىنىڭ ەتەگىنەن ۇستاپ، بىرەسە سەكىرىپ، بىرەسە تومپاڭداپ جۇگىرىپ كەلە جاتقان سەرىك ۇيگە بۇرىنىراق كىرىپ كەتكەن.
