جاپوندىق 5S جۇيەسى
زاماناۋي تايم-مەنەدجەنت تۇسىنىگى تۋرالى ايتقاندا، ادامدار كوبىنە بىزگە باتىستان كەلگەن تۇلعالىق-ىس-ارەكەتتىك ۇيىمداستىرۋ جۇيەسى مەن ادىستەمەلەرىنە سىلتەمە جاسايدى. بۇنى دا تۇسىنۋگە بولادى، سەبەبى جەكە ۋاقىتتى ءتيىمدى باسقارۋعا مۇمكىندىك بەرەتىن بارلىق تەوريالىق جانە تاجىريبەلىك ءبىلىم بازاسى سول جاقتا پايدا بولعان.
مامانداردىڭ از بولىگى عانا شىعىستىڭ دا وزىندىك، ولاردان كەم تۇسپەيتىن (ءتىپتى، كەيبىر جاعىنان الىپ قاراعاندا باتىستىكىنەن دە اسىپ تۇسەتىن) ۋاقىتتى باسقارۋ تەحنيكالارى بار ەكەنىن بىلەدى. شىعىس دەگەندە، ارينە، ءوزىنىڭ بيزنەس-تەحنولوگيالارىنىڭ بىرەگەيلىگىمەن تانىمال جاپونيا ايتىلىپ تۇر. ءدال سول جاپونداردىڭ ارقاسىندا ءبىز 5S جۇيەسىنەن حاباردارمىز.
5S جۇيەسى دەگەن نە؟
جاپوندىق 5S جۇيەسى — وندىرىستە نەمەسە كەڭسەدە ءتيىمدى جۇمىس جاعدايلارىن جاساۋعا مۇمكىندىك بەرەتىن ناقتى قۇرىلىمدالعان جۇيە.
ءمىنسىز نەمەسە مىنسىزگە جاقىن شارتتاردى قالىپتاستىرۋ جۇمىس ورنىنداعى ءتارتىپتى ورناتۋ، تازالىق پەن ۇقىپتىلىقتى ساقتاۋ، ۋاقىت پەن قۋاتتى ۇنەمدەۋگە كومەكتەسەتىن شارالاردى ازىرلەۋ ارقىلى قول جەتكىزىلەدى.
باسقاشا ايتقاندا، 5S جۇيەسى — وندىرىستە، فيرمادا نەمەسە كەز-كەلگەن ۇجىمدا (كوپ ادامنان قۇرالعان كەز كەلگەن باسقا سالادا دا) تۋىندايتىن رەتسىزدىكتى قالىپقا كەلتىرۋگە باعىتتالعان جۇيە.
5S جۇيەسى ادىستەمەسىنىڭ قۇرامداس بولىكتەرى
5S ادىستەمەسى جۇمىس قۇرىلىمىندا بەس نەگىزگى قاعيداعا، نەمەسە جاپوندارشا ايتساق، 5 قادامعا نەگىزدەلگەن. ولاردى قىسقاشا قاراستىرايىق.
1ء-شى قادام — «سەيري»، جاپون تىلىنەن اۋدارعاندا سۇرىپتاۋدى، بارلىق قاجەتسىز، پايداسىز، زياندى نارسەدەن ارىلۋدى بىلدىرەدى.
تاجىريبەلىك تۇرعىدان العاندا 5S جۇيەسىنىڭ بۇل تارماعى جۇمىستاعى بارلىق قورشاعان زاتتاردى: قاجەتتى جانە قاجەتسىز دەگەن ەكى توپقا ءبولۋدى مەڭزەيدى. ادامدار زاتتاردى ءۇش ساناتقا ءبولىپ سۇرىپتايدى:
قاجەتسىز، ياعني قايتا وڭدەۋگە جىبەرىلەتىن زاتتار؛
قاجەت بولىپ قالۋى مۇمكىن — اندا-ساندا پايدالانىلۋى ىقتيمال زاتتار — ولاردى بولەك ورنالاستىرادى؛
قاجەتتى — كۇندەلىكتى جۇمىسقا كەرەك زاتتار، ياعني ولارسىز جۇمىس توقتاپ قالادى.
بۇل قادام ەڭبەكتىڭ مادەنيەتى مەن قاۋىپسىزدىگىن ارتتىرادى دەپ ەسەپتەلەدى.
2ء-شى قادام — «ۇقىپتىلىق، ءتيىستى ءتارتىپتىڭ ساقتالۋى» دەپ اۋدارۋعا بولاتىن «سەيتون».
بۇل قادام كۇندەلىكتى جۇمىسقا قاجەتتى زاتتاردى رەتكە كەلتىرۋگە باعىتتالعان. زاتتاردى كەرەك كەزىندە وڭاي الۋعا بولاتىن جەرلەرگە ورنالاستىرۋ. جىلدام ىزدەپ، تابا الۋ ءۇشىن بارلىق زاتتارعا بەلگى قويۋعا كەڭەس بەرىلەدى.
3ء-شى قادام — «سەيسو» — «رەتكە كەلتىرۋ، تازا ساقتاۋ، جىلتىراتۋ» دەپ اۋدارىلادى.
بۇل قادام وندىرىستە تازالىق ورناتۋعا باعىتتالعان. جۇمىس ورنىن ۆيزۋالدى ەتىپ بىرنەشە فۋنكسيونالدى ايماققا ءبولۋ كەرەك. بارلىق قۇرالداردى تازا ۇستاۋ، ولاردى ۋاقتىلى تەكسەرىپ تۇرۋ كەرەك. بۇل نارسە ءتيىمدى جۇمىس جاساۋعا كەدەرگى كەلتىرەتىن ماسەلەلەردىڭ الدىن الۋعا كومەكتەسەدى، مىسالى، زاتتاردىڭ بۇزىلۋى مەن ىستەن شىعۋى.
4ء-شى قادام — «سەيكەسۋ» — تۋرا اۋدارعاندا «ستاندارتتاۋ» دەپ اۋدارىلاتىن ءسوز.
بۇل كەزەڭدە اتالمىش ءۇش قادامدى جۇزەگە اسىرۋدان پايدا بولعان ناتيجەلەرى تالدانادى، ناتيجەلەر ارنايى جازۋ كىتاپشاسىنا جازىلادى (نەمەسە ەلەكتروندى تۇردە جازىپ الىنادى). ەڭ ءتيىمدى شەشىمدەر جۇمىس پروسەسىن ستاندارتتاۋ مەن اۆتوماتتاندىرۋعا بەكىتىلەدى.
5ء-شى قادام — «سيسۋكە» — بۇل ۇعىم اۋدارمادا «جەتىلدىرۋ، ءتارتىپتى، جۇيەنى، تۇراقتىلىقتى قالىپتاستىرۋ» دەگەندى بىلدىرەدى.
5Sء-تى فيلوسوفيا تۇرىندە تۇيسىنۋگە باعىتتالعان سوڭعى قادام. الدىڭعى قادامداردى جۇزەگە اسىرۋ بارىسىندا پايدا بولعان ۇقىپتى، ۇنەمدى ءوندىرىس جۇيەسى تۇتاس العاندا بۇكىل جۇمىس تيىمدىلىگىن ايتارلىقتاي جاقسارتۋعا مۇمكىندىك بەرەدى. تۇپتەپ كەلگەندە، تايم-مەنەدجمەنتتىڭ باستى ماقساتى دا وسى.
كوزقاراستار مەن پىكىرلەر
ەگەر ءسىز جاپوندىق 5S جۇيەسىن پايدالانىپ ۇلگەرسەڭىز نەمەسە بۇل تۋرالى دوستارىڭىز بەن ارىپتەستەرىڭىزدەن ەستىگەن بولساڭىز، پىكىر قالدىرىپ، ونىڭ بەرگەن ناتيجەلەرى جونىندە ايتىپ بەرۋىڭىزگە بولادى.
You Might Also Like
-
جامبىل وبلىسى تالاس اۋدانى قاراتاۋ قالاسى «ءۇمىت» مەكتەپ–ينتەرناتى 5 سىنىپ وقۋشىسى سادىق قايسار جەتەكشىسى: بولجىروۆا گۋلجان
-
ستۋدەنتتىك ءومىر – ءار ادام ومىرىندەگى قيىنشىلىعىمەن، قىزىقتىلىعىمەن ەستە قالاتىن كەزەڭ. ءتورت جىلى ءتورت كۇن سەكىلدى كوزدى اشىپ جۇمعانشا ءوتىپ كەتەدى. ستۋدەنت بولعاننان كەيىن قارنىننىڭ اش بولاتىن...
