InfoHub Logo

ستۋدەنتتىك ءومىر – ءار ادام ومىرىندەگى قيىنشىلىعىمەن، قىزىقتىلىعىمەن ەستە قالاتىن كەزەڭ. ءتورت جىلى ءتورت كۇن سەكىلدى كوزدى اشىپ جۇمعانشا ءوتىپ كەتەدى. ستۋدەنت بولعاننان كەيىن قارنىننىڭ اش بولاتىن، ال شاكىرتاقى العان كەزدە توق بولاتىن كەزدەرىن بولادى. «پروفەسسور»، «لەكسيا»، «ستيپەنديا»، «كونفەرەنسيا»، «رۋبەجكا»، «سەمەستر» تەرميندەرىمەن تانىساسىڭ. العاشقى كۇندەرى اۋديتوريالاردى ىزدەپ ۋنيۆەرسيتەت ىشىندە شارق ۇراسىڭ. مەكتەپتەگى «ماتەماتيكا»، «فيزيكا»، «حيميا» دەگەن پاندەردى ۇمىتاسىڭ. تەك ءوزىڭنىڭ بولاشاق ماماندىعىنا قاتىستى پاندەرمەن عانا ءبىلىمىندى جالعاستىراسىڭ. سەمەستر كەزىندە ساباققا كەلمەي باعا قويار الدىندا ءمۇعالىمنىڭ ارتىنان جۇگىرىپ، ءبىر كۇن ىشىندە تاپسىرلامالاردى تاپسىراسىڭ. لەكسيا قىزىقسىز بولسا سوڭعى پارتاعا وتىرىپ، زەرىككەننەن ۇيىقتاپ كەتەتىن كەزدەرىندە بولادى. ستۋدەنتتىك ءومىر وسىندايلارىمەن قىزىق.

مەندە باسقا ستۋدەنتتەر سەكىلدى قاراپايىم ستۋدەنتپىن. ولاردان نە ارتىقشىلىعىم، نە كەمشىلىگىم جوق. كۇندە ساباققا بارىپ، ساباقتان قايتىپ، وزىمە جۇكتەلگەن مىندەتتەردى دەر كەزىندە ورىندايمىن. باسقا ستۋدەنتتەردەن ەشقانداي ەرەكشەلىگىم جوق. ال ستۋدەنتتىك ومىرىمە كەلەتىن بولسام مەنىڭ ستۋدەنتتىك ءومىرىم كەرەمەت وتۋدە. اتتەگەنى، سول قىزىقتى كۇندەر تەز وتۋدە. مىنە بيىل ءۇشىنشى جىل. ءبىر جىلدان اسا ۋاقىت قانا قالدى. ءيا، ستۋدەنتتىك ءومىردىڭ قيىڭ كەزدەرى دە بولادى عوي، ءبىراق تا ولار ۋاقىتشا عانا.

تاقىرىپقا قاراي اۋىسايىق. ۇلگىلى ستۋدەنتتىڭ بىركۇندىك ءومىرى. ستۋدەنتتىڭ ءار كۇنى قىزىقتى. مەنىڭ ءبىر كۇنىم قىزىق بولا مە ەكەن؟ وقىپ كورەيىك.

06.30-06.45. وياتقىشتىڭ داۋىسى. ۇيقىم تولىق اشىلماسا دا «ايدانا تۇر» دەپ وزىمە ايتامىن. كەيىن بۇگىنگى تولىق ءبىر كۇنىمدى جوسپارلاۋعا كىرىسەمىن. توسەكتەن تۇرىپ، ورنىمدى جيناپ، كيىنە باستايمىن.

06.45-07.00. تاڭعى جاتتىعۋ. نەگىزى مەكتەپ كەزدەرىندە جاتتىعۋ جاساعان مۇلدەم ۇنامايتىن. ءبىراق ستۋدەنت بولعاننان كەيىن قاجەت بولا باستادى. سەبەبى جاتتىعۋ جاساۋ ارقىلى ىشتەگى كۇيزەلىستى جويۋعا بولادى ەكەنىن ءتۇسىندىم. جاتتىعۋ كۇنىڭىزدىڭ جاقسى وتۋىنە ءوز پايداسىن تيگىزەدى. جاتتىعۋعا شامامەن 15  مينۋتىمدى ارنايمىن. سىزگە دە جەتكىلىكتى دەپ ويلايمىن.

07.00-07.25. جۋىنۋ پروسەسسى. قىز بولعاننان كەيىن ساندەنۋ، ارلەنۋ پروسەسى دە بار.

07.25-07.45. تاڭعى اس. نەگىزى تاڭعى استى مىندەتتى تۇردە تويىپ ءىشۋ كەرەك ەكەن. تاڭعى اسقا يممۋنيتەتتى كوتەرۋدە ءتۇرلى ءتۇرلى دارۋمەندەرگە تولى جەمىستەردى، كومىرسۋعا، اقۋىزعا باي تاعامداردى جەۋگە تىرىسامىن. كوكەنىستەردە پايدالى. ءبىراق وزىمە ۇنامايدى. سول سەبەپتەن مەنىڭ مازىرىمدە كوكەنىستەر شامالى عانا. تاتتىلەردى ءوزىمدى ەركەلەتكەن كەزدەردە عانا قابىلدايمىن.

07.45-08.20. كىتاپ وقۋ نەمەسە ءۇي تاپسىرمالارىن قايتالاۋ. تاڭەرتەڭ كىتاپ وقىعاندى جاقسى كورەمىن. دەرەكتەرگە سۇيەنسەك، ادام ەستە ساقتاۋ قابىلەتىنە قاراي كەشتەن گورى تاڭەرتەڭ اقپاراتتى ەسىنە كوپ ساقتايدى ەكەن. سوندىقتان ءۇي تاپسىرمالارىڭىزدى تاڭەرتەڭ قايتالاپ الساڭىزدار وزدەرىڭىزگە جاقسى. ال كىتاپ وقۋعا كەلەتىن بولساق، كىتاپ ادامنىڭ ويلاۋ، ەسكە ساقتاۋ قابىلەتىن دامىتادى. سوندىقتان كىتاپتى كوپ وقيىق. ءبىلىمدى بولايىق.

08.20-08.50. ۋنيۆەرسيتەتكە بارۋ. وقۋعا قوعامدىق كولىكتەرمەن بارامىن. كەي كەزدەردە ءۇش ءتورت ايالدامادان بۇرىن ءتۇسىپ، جاياۋ بارۋدى قالايمىن. كىتاپ وقۋ سياقتى جاياۋ ءجۇرۋ كىتاپ وقۋدان ەكى ەسە پايدالى. سەبەبى جاياۋ ءجۇرۋ ءسىزدىڭ دەنساۋلىعىڭىزدى كوتەرۋدە ءوز جاردەمىن كورسەتەدى.

09.00-13.00. تۇسكى اس. اسحاناعا تاماقتانۋعا بارعاندا مايلى، تەز جاسالىناتىن فاست-فۋد، اسقازان تەز قورىتا المايتىن ونىمدەردەن مۇلدەم باس تارتامىن.

13.00-14.00. ۇيگە قايتپاستان بۇرىن ساياباقتاردا سەرۋەندەگەندى قاتتى جاقسى كورەمىن. سەرۋەندەگەندە وتە پايدالى. نەگە ەكەنىن بىلمەيمىن ءبىراق دەمالىس ورىندارىندا وتىرعاندا بويىما وزىنەن-وزى شابىت كەلگەندەي بولىپ ءوز ويىندى كۇندەلىككە جازا باستايسىڭ.

14.00-16.00. بۇل ۋاقىت ۇيگە بەرىلگەن تاپسىرمالاردى ورىنداۋعا ارنالادى. وزىمە بەرىلگەن جۇمىستى ءوز ۋاقىتىنان بۇرىن ەرتە تاپسىرعاندى جاقسى كورگەندىكتەن ءبارىن ءوز ۋاقىتىمەن بولعانىن قالايمىن. ءوز ۋاقىتىمەن جۇرەتىن اداممىن.

16.00-17.30. وسى ۋاقىتتاردا پاۆلودار قالاسىنداعى جاستار ورتالىعىنىڭ ەرىكتىسى رەتىندە كومەككە مۇقتاج جاندارعا كومەكتەسۋگە اسىعامىن، كەي كەزدەردە ۇيدە ءۇي شارۋاسىمەن اينالىسامىن.

17.30-18.00. كەشكى اس ۋاقىتى. ساعات 6 دان كەيىن تاماقتانبايمىن. جوق، ديەتا ەمەس. نەگىزى مۇنى سالاۋاتتى ءومىر سالتىن ۇستانۋ جانە دۇرىس تاماقتانۋ دەپ ەسەپتەيمىن.

18.00-23.00. ءوزىمنىڭ حوببيىممەن اينالىسۋ. وعان: كىتاپ وقۋدى، مۋزىكا تىڭداۋدى، كينو كورۋدى، تازا اۋادا سەرۋەندەۋدى، ساباق كاراۋدى، دوستارىممەن بىرگە ۋاقىت وتكىزۋدى جاتقىزا الامىن.

23.00. ۇيىقتاۋ. ءار ۇيىقتار الدىندا ەرتەڭگى كۇنىمنىڭ جاقسى ءوتۋىن قۇدايدان تىلەيمىن. جالپى ءار ادام ورتا ەسەپپەن ساناعاندا 24 ساعاتىنىڭ شامامەن 6-7 ساعاتىن ۇيقىعا ءبولۋى كەرەك ەكەن. سول سەبەپتەن وسى ۋاقىتپەن ۇيىقتاۋعا تىرىسامىن.

مىنە، بۇل مەنىڭ بىركۇندىك ستۋدەنتتىك ءومىرىم. باسقا ادامداردان، باسقا ستۋدەنتتەردەن ەشقانداي ايىرماشىلىعىم جوق. قاراپايىم قىزبىن. وز-وزىمە سەنىمدىمىن، قيىندىققا بەرىلمەيمىن.

---