InfoHub Logo

16 قازان كۇنى استانا قالاسىندا «قازپوشتا» اق-نىڭ ۇيىمداستىرۋىمەن ەلەكتروندى ساۋدامەن اينالىساتىن كاسىپكەرلەر ءۇشىن «E-commerce Meet UP» وتكىزىلدى.

شارانى وتكىزۋدەگى باستى كوزدەلگەن ماقسات ەلىمىزدەگى ەلەكتروندى ساۋدانى دامىتىپ، ماڭىزىن جوعارىلاتۋ.

«قازپوشتا» اق ەلەكتروندى ساۋدا دەپارتامەنتىنىڭ ديرەكتورى مۇستافين سۇلتاننىڭ ايتۋىنشا نەگىزگى مىندەت ەلەكتروندى ساۋدامەن اينالىساتىن سەرىكتەستەردى ىسكە شاقىرۋ، وسى ارقىلى ەلەكتروندى ساۋدا نارىعىن العا شىعارۋ. بۇل ورتالىقتا ەلەكتروندى ساۋدامەن اينالىسقىسى كەلەتىن كاسىپكەرگە بارلىق جاعداي جاسالعان.

«بۇل جالپى ايتقاندا ينتەرنەت بيزنەسپەن اينالىساتىن كاسىپكەرلەرگە قىزمەت كورسەتۋ بولىمشەسى. قازپوشتا ءاردايىم بۇل جۇيەنى لوگيستيكا رەتىندە ۇسىنىپ وتىردى. ەندى ءبىز ناقتى بيزنەستى دامىتۋعا بەل بۋدىق. ياعني ءوزىمىز ەمەس، كەرىسىنشە وسى سالادا جۇمىس جاساۋعا قۇلشىنىس بىلدىرەتىن كاسىپكەرلەردى تارتۋ ارقىلى. دالىرەك ايتسام  وزگەلەردى تارتۋ ارقىلى قازاقستانداعى ەلەكتروندى ساۋدانىڭ وركەندەۋىنە ۇلەس قوسۋ»، – دەدى مۇستافين سۇلتان.

سونىمەن قاتار شارادا اتالعان ورتالىقتىڭ بىلىكتى ماماندارى كاسىپكەرلەردى ءوز قىزمەتتەرىمەن تانىستىرىپ، تەرەڭدەتىلگەن كەڭەس الۋعا شاقىردى.

«E-commerce ورتالىعىنىڭ جۇمىسى كاسىپكەرلەرگە باعىتتالعان. ءبىز سىزدەرگە كەلەسى قىزمەتتەردى ۇسىنامىز: ينتەرنەت ماركيتينگتى باسقارۋ، اۋتسورتينگ بۋحگالتەرى، CRM جۇيەسى، ساتۋ ءبولىمى، ونلاين ساتۋ بويىنشا ءوز سايتىن قۇرۋ. سىزگە ىڭعايلى بولۋ ءۇشىن كورشى زالدا ماماندار وتىرادى جانە ولار سىزگە كەڭەس بەرۋگە دايىن»، – دەپ حابارلاپ ءوتتى استانا قالاسى بويىنشا E-commerce جوباسىنىڭ جەتەكشىسى دۇيسەنبايەۆ ەركەبۇلان. 

سپيكەرلەر ينتەرنەت ماركەتينگكە سالىستىرمالى تالداۋ جاساپ، سەمينارعا قاتىسۋشىلاردى نەگىزگى ۇعىمدارمەن تانىستىردى. سونداي-اق landing page، ينتەرنەتتە تاۋارلاردى ساتۋ قىزمەتى، ءتيىمدى online ساتۋقۇرالدارى، تارگەت جارنامالارىنىڭ قىر-سىرى تۋرالى اقپاراتىمەن ءبولىستى.

---