جاسىل قۇرباقا
جاسىل قۇرباقا — قازاكستاندا كەڭ تارالعان قوسمەكەندى. دالا، ءشول، شولەيتتەردى مەكەندەيدى. باقادان ايىرماشىلىعى ۋاقىتىنىڭ كوبىن سۋدان تىس جەردە وتكىزەدى، سۋعا تەك كوبەيۋ كەزىندە، ياعني ۋىلدىرىعىن شاشاتىن كەزدە بارادى. دەنەسىنىڭ ۇزىندىعى 7-14 سم. تەرىسى كەدىر-بۇدىرلى، ءۇستى سۇر نەمەسە سۇرجاسىل ءتۇستى. ىمىرت پەن تۇندە بەلسەندى ۇشىپ جۇرگەن جاندىكتەردى، اسىرەسە قاتتى قاناتتىلاردى ۇزىن تىلىمەن ۇستاپ قورەكتەنەدى. كەمىرگىشتەر ىنىندە، تاس استىندا جانە باسقا دا باسپانالاردا قازان-قاراشادان ناۋرىزعا دەيىن قىستايدى. كۇيلەۋ كەزىندە اتالىعى ءان سالادى، قۇس داۋىسىنا ۇقساس ۇزاق قۇبىلعان دىبىس شىعارادى. انالىعى مامىر-ماۋسىمدا توسپا سۋلاردا 12 مىڭ ۋىلدىرىق شاشادى. شىققان يتشاباقتارى بالىقتار عانا ەمەس، باسقا دا جانۋارلار ءۇشىن قورەك. سوندىقتان يتشاباقتاردىڭ شامالىسى عانا كىشكەنە قۇرباقالارعا اينالادى، ءبىراق سونىڭ ءوزى، اسىرەسە شولدەگى قۇرعاپ جاتقان شالشىقتاردا كوپ بولادى. قۇرباقا — وتە پايدالى جانۋارلاردىڭ ءبىرى.
You Might Also Like
-
قازاق حالقىنىڭ كەڭىنەن تانىمال بولعان سپورتشىلارىنىڭ ءبىرى — گرەك-ريم كۇرەسىنەن وليمپيادا ويىندارىنىڭ جەڭىمپازى، بالۋان ۇشكەمپىروۆ جاقسىلىق ءامىرالى ۇلى. 1951 جىلى 6 مامىردا جامبىل وبلىسى بايزاق...
