InfoHub Logo

جۇكتىلىكتىڭ ۇيرەنشىكتى ءۇزىلىسى ۇرىقتانعان كۇننەن باستاپ 37 اپتاعا دەيىنگى ارالىقتا جۇكتىلىكتىڭ وزدىگىنەن ءۇزىلۋى. ەگەر ايەلدە كەم دەگەندە ەكى جۇكتىلىك وزدىگىنەن تۇسىك تاستاۋمەن اياقتالسا، بۇل جۇكتىلىكتىڭ ۇيرەنشىكتى ءۇزىلىسى دەپ اتالادى.

16 اپتاعا دەيىنگى تۇسىك — ەرتە مەرزىمدەگى وزىندىك تۇسىك؛ 22 اپتاعا دەيىنگى تۇسىك — كەش مەرزىمدەگى وزىندىك تۇسىك.

سەبەپتەرى

الەۋمەتتىك فاكتورلار:

1. جاعىمسىز ادەتتەر؛

2. جاعىمسىز وندىرىستىك جاعدايلار؛

3. وتباسىنداعى جايسىزدىقتار؛

4. اۋىر دەنە ەڭبەگى؛

5. سترەسس.

مەديسينالىڭ فاكتورلار:

1. اتا-اناسىنىن كاريوتيپتەرىنىڭ گەنەتيكالىق پاتولوگياسى؛

2. ەندوكريندىك بۇزىلىستار؛

3. جاتىردىڭ دامۋ اۋىتقۋلارى (جاتىردىڭ گيپوپلازياسى نەمەسە ينفانتيليزم)؛

4. ينفەكسيالىق اۋرۋلار (ىشكى جىنىس اعزالارىنىڭ قابىنۋ اۋرۋلارى)؛

5. بۇرىن جاسالعان جاساندى تۇسىكتەر؛

6. گيپوۆيتامينوزدار؛

7. جاراقاتتار.

بەلگىلەرى

ءىشتىڭ تومەنگى جاعىندا اۋرۋ سەزىمى، كەيدە جاتىردىڭ وزدىگىنەن جيىرىلۋى. قىناپتىق تەكسەرۋدە سەرۆيكالدى كانالعا 1-2 ساۋساق ەركىن وتەدى. جۇكتىلىكتىڭ ەرتە مەزگىلدە ۇيرەنشىكتى ءۇزىلۋى (10-12 اپتا) كوبىنە ەندوكريندىك جەتكىلىكسىزدىكتەن بولادى. الدىمەن قاعاناق سۋىنىڭ ءبولىنۋى
جانە ۇرىكتىڭ اۋىرسىنۋسىز تۋىلۋى.

الدىن-الۋ شارالارى

ءار جاعدايدا جۇكتىلىك الدىندا انامنەز، فۋنكسيونالدىق دياگنوستيكا، جۇيكە جۇيەسىنىڭ جاعدايى، ىشكى اعزالار مەن ەندوكريندىك جۇيە مۇقيات تەكسەرىلەدى. ءبىرىنشى تۇسىكتەن كەيىن تەز ارادا ناۋقاستى ايەلدەر كەڭەسىنە ارنايى تىركەۋگە الىپ، تەكسەرىپ، پاتوگەنەتيكالىك ەمدەۋ جۇرگىزۋ كەرەك.

ەمى

تۇسىكتەن كەيىنگى العاشقى 2-3 كۇنى ءىشتىڭ تومەنگى بولىگىنە سۋىق قويۋ، سەرۆيكالدى كانالدىڭ انتيبيوتيكتەرگە سەزىمتالدىعىن انىقتاعان سوڭ پەنيسيلليندى 200000 ءاب بۇلشىق ەتكە كۇنىنە 4 رەت،سترەپتوميسين 500000 ءاب كۇنىنە 2 رەت نەمەسە ءسۋلفانيلاميدتى زاتتاردى (سترەپتوسيد، سۋلفوليميزين) 0،5-1 گر كۇنىنە 3 رەت تاعايىندايدى. 5-6 ايعا دەيىن كونتراسەپتيۆتى زاتتار قولدانۋ كەرەك. 2-3 ايدان سوڭ جالپى دەمەۋشى ەم جانە جالپى ۋلبتراكۇلگىن ساۋلەلەندىرۋ 1-2 رەت جۇرگىزىلەدى.

ايەل ەمدىك دەنە شىنىقتىرۋمەن شۇعىلدانىپ، دۇرىس جانە ۋاقىتىلى تاماقتانۋ كەرەك. وزدىگىنەن تۇسىك تاستايتىن رەجيمى قاجەت. جۇمىس ۋاقىتىن جانە دەمالىستى دۇرىس ۇيىمداستىرىپ، كەشەندى گورموندىق ەم جۇرگىزۋ شارت.

ر. ا. قادىروۆا

---