InfoHub Logo

Java شىنىندا دا جەلىلىك ورتادا قۇندى قۇرال بولىپ تابىلادى. ءبىراق ول تەك ونىمەن شەكتەلىپ قالمايدى. Java ءتىلى ءارتۇرلى باعدارلاما جاساۋ ءۇشىن قولدانىلاتىن ۋنيۆەرسالدى ءتىل. وعان قوسا Java پلاتفورماعا تاۋەلسىز پروەكتەر جاساۋ ءۇشىن قولدانىلادى. باعدارلاۋدىڭ قاراپايىمدىلىعى جانە قاۋىپسىزدىك امالدارى تەز جانە تۇسىنىكتى كود جازۋعا مۇمكىندىك بەرەدى. باسقا باعدارلاۋ تىلدەرىندە كەڭىنەن تاراعان قاتەلەر Java باعدارلامالارىندا بولمايدى. دەسەكتە، بارلىق ىشكى ءادىس-امالدارىنا قاراماستان Java باعدارلاۋ ءتىلى قاراپايىم، ۇيرەنۋگە وڭاي ءتىل.

ارتىقشىلىقتارى:
ارحيتەكتۋراعا تاۋەلسىز
ينتەرنەت باعدارلامالار ءۇشىن ءمىنسىز
ءبىر رەت جازىلعان كود باسقا جەرلەردە ورىندالادى
كوپ اعىمدى
باعدارلامالار جەلى ارقىلى تاپسىرمانى ورىنداي الادى
ديناميكالى
كود قاجەت بولعان جاعدايدا عانا قولدانىلادى
ووپ-نىڭ بار بولۋى
Java باعدارلاۋ ءتىلى قازىرگى ووپ نەگىزىنە سايكەس باعدارلامالار جازۋ ءۇشىن قولدانىلادى
جاد باسقارىلمالى
جاد اۆتوماتتى تۇردە بولىنەدى
“Garbage collector” قولدانىلمايتىن جادتى ءوشىرىپ وتىرادى
سەنىمدى
قاتتى تيپتەلگەن
كورسەتكىشتەر جوق (س باعدارلاۋ ءتىلىن وتكەندە تۇسىنەسىزدەر :-))
قاراپايىم
بىر-بىرىمەن وتە جاقسى قيىسقان ءتىلدىڭ ەلەمەنتتەرى ونىڭ قولدانىسىن جەڭىلدەتەدى.

Java باعدارلاۋ ءتىلى – ول JDK (Java Development Kit). ياعني، باعدارلاۋ ءتىلى بىر-بىرىمەن توپتاسقان كوپتەگەن كىشكەنتاي بولشەكتەردەن، كلاسستاردان، تۇرادى. دەمەك، Java-دا جازىلعان باعدارلامالار، نەگىزىندە، وسى كلاسستاردىڭ جيىنتىعىن، پاكەتتەردى، قولدانادى.

سونىمەن، Java-دا باعدارلاۋ كەزىندە قولدانىلادى:
Java-نىڭ ستراندارتتى پاكەتتەرىندەگى كلاسستار
ءوزىمىز جاڭادان جازعان كلاسستار
باسقالاردىڭ كوپشىلىك ءۇشىن جازعان كلاسستارى

Java-دا باعدارلامانىڭ جازۋ پروسەسسى:
جازۋ: .java فايلىن جازۋ ارقىلى ءوزىمىزدىڭ كلاسستى انىقتايمىز.
كومپيلياسيا: جازىلعان .java فايلدى Java كومپيلياتورىنا جىبەرىپ .class فايلدى الامىز.
ورىنداۋ: پايدا بولعان .class فايلدى Java ينتەرپرەتاتورىنا كودتى ورىنداۋ ءۇشىن جىبەرەمىز.

Java كومپيلياتورى – جازىلعان كودتى ورىنداۋ ءۇشىن دايىندايدى جانە بايت-كودى بار .class فايلدى شىعارادى. ەگەر كومپيلياسيا كەزىندە قاتەلەر بولسا، وندا كودتاعى قاتەلەردى تۇزەتىپ قايتادان كومپيلياسيادان وتكىزۋ كەرەك.

بايت-كود – Java ۆيرتۋالدى ماشيناسىندا ورىندالاتىن وڭتايلاندىرىلعان نۇسقاۋلاردىڭ جيىنتىعى. ياعني، JVM بايت-كودتىڭ ينتەرپرەتاتورى. بۇل ءادىس باسىندا ادەتتەگىدەن تىس بولىپ كورىنۋى مۇمكىن، ويتكەنى قازىرگى كەزدەگى باعدارلاۋ تىلدەرىنىڭ كومپيلياتورلارى بايت-كودتى شىعارماي بىردەن ورىندالاتىن كودتى شىعارادى (.exe). ءبىراق بۇنداي ءادىستىڭ وزىندىك ارتىقشىلىقتارى بار جانە جىلدامدىق ەرەكشەلىكتەرى زور ەمەس.

Java ينتەرپرەتاتورى (JVM – Java Virtual Machine) – .class فايلدى وقىپ ونى كومپيۋتەرگە تۇسىنىكتى تىلگە اۋدارادى، ياعني باعدارلامانى ورىندايدى.

---