InfoHub Logo

ءجۇرۋ دەنساۋلىققا اسا پايدالى. جاياۋ ءجۇرۋ — ادام اعزاسىنىڭ فيزيكالىق جاعدايىن جاقسارتاتىن ءتيىمدى قۇرال. اسىرەسە جۇرەك بۇلشىق ەتتەرىنىڭ قالىپتى جۇمىس جاساۋىنا جاعداي جاسايدى. كۇندەلىكتى كۇيبەڭ تىرشىلىكپەن قانشا شاقىرىم جول ءجۇرىپ، قانشا قيمىل-قوزعالىس جاساعانىمىزدى قاپەرگە الا بەرمەيمىز. دەسە دە تەحنولوگيا دامىعان زاماندا قيمىل-قوزعالىسىمىز ازايىپ بارا جاتقانىن مويىنداۋعا ءتيىسپىز. 

ماماندار كۇنىنە كەم دەگەندە 30 مينۋت جاياۋ ءجۇرۋدىڭ پايداسىن بىلايشا تىزبەكتەيدى:

— رۋحاني سەرگەكتىك بەرەدى. مەزگىل وزگەرىستەرىندە اسىرەسە كۇز ايلارىندا دەپرەسسياعا بەيىمدىلىك بايقالادى. ال جاياۋ ءجۇرۋ شوكولادتان دا كوپ باقىت گورمونىنىڭ ءتۇزىلۋىن قامتاماسىز ەتەدى. ونىڭ ۇستىنە كالورياسىز تۇردە.

— مي جاقسى جۇمىس ىستەيدى. ميعا قاتىستى زەرتتەۋلەر قوزعالىستاعى ادامنىڭ ميى وتىرىپ جۇمىس ىستەيتىن ادامعا قاراعاندا جىلدام ويلاناتىنى جانە جاڭا پىكىرلەر قالىپتاستىرا الاتىندىعى انىقتالعان.

— ارىقتاۋعا كومەكتەسەدى. ۇيدەن جۇمىسقا، جۇمىستان ۇيگە كەم دەگەندە 30 مين جاياۋ جۇرەتىن بولساڭىز، مايدىڭ ەرۋىنە 2 پايىزعا ىقپال ەتكەن بولاسىز.

— سونداي-اق زەرتتەۋلەر اسىقپاي، باياۋ جۇرۋگە قاراعاندا ءبىر قالىپتى جىلدام تەمپتى ءجۇرۋدىڭ پايداسى كوبىرەك ەكەندىگىن كورسەتكەن.

— سوزىلمالى اۋرۋلاردان قورعاناسىز. جاياۋ ءجۇرۋ قان قىسىمىن 11 بالعا ازايتادى جانە سال اۋرۋىنا شالدىعۋ ءقاۋىپىن 20-30 پايىزعا ازايتادى. اپتادا 5 كۇن 30 مينۋت جاياۋ ءجۇرۋ ارقىلى جۇرەك اۋرۋ ءقاۋىپىن 30 پايىزعا ازايتا الاسىز.

— جۇيەلى تۇردە جاياۋ ءجۇرۋ ۆاريكوز اۋرۋى ءقاۋىپىن ازايتادى. قان اينالىمىن رەتكە كەلتىرەدى.

— جاياۋ ءجۇرۋ سالماق تاستاتىپ بۋىندارعا تۇسەتىن جۇكتى ازايتۋ مەن قاتار وتتەگىنىڭ بۋىندارعا جاقسى تاراۋىن قامتاماسىز ەتەدى.

— وزىڭىزگە ۋاقىت بولە الماي جۇرگەن بولساڭىز جاياۋ ءجۇرىڭىز. ادام كوبىنەسە جۇرگەن كەزدە جەكە قالادى جانە ويلانادى. تۇرمىس-تىرشىلىگىڭىزدى تالداۋ، كەلەڭسىزدىكتەرگە شەشىم ىزدەۋ، كوپشىلىكتەن جىراق شىعىپ ىشكى سەزىمدەردى تىڭداۋ ءۇشىن جاياۋ ءجۇرۋدى بايقاپ كورىڭىز. 

---