InfoHub Logo

قازىرگى تاڭدا جۇمىسىمىزدىڭ كوپ بولىگىن كومپيۋتەردىڭ كومەگىمەن اتقارۋعا تۋرا كەلەدى. ال ونىڭ كوزىمىزگە، جالپى دەنساۋلىعىمىزعا زياندى تۇستارىن ايتپاي-اق بىلەسىزدەر. سوندىقتان ماماندار كوزىمىزدى قورعاۋ ءۇشىن ءسابىز شىرىنىن ىشۋگە كەڭەس بەرەدى. ول ادامنىڭ وپتيكالىق جۇيەسىن جاقسارتادى. ونىڭ قۇرامىنداعى پايدالى ەلەمەنتتەر قاناينالىمدى دا قالىپقا كەلتىرۋگە كومەكتەسەدى. سونىمەن قاتار جۇرەك-قان تامىر اۋرۋلارى، بۇيرەك، باۋىر اۋرۋلارىنا شالدىققان كەزدە وتە پايدالى. دارۋمەن مەن مينەرالعا باي جانە دەنەنىڭ كۇندەلىكتى قاجەتتىلىگىن قامتاماسىز ەتۋدە كومەكشى بولادى. ونى اسقازان ءسولىنىڭ قىشقىلدىعىن تومەندەتۋ ءۇشىن دە تۇتىنادى.

دەنەمىزگە كوپ جاعىنان پايدالى بولعان ءسابىزدىڭ جانە ءسابىز شىرىنىنىڭ ەڭ ماڭىزدى 10 پايداسى:

1) باۋىر فۋنكسيالارىنىڭ قورعانىسى جانە اس قورىتۋ جۇيەسىندە وتە اسەرلى.

2) قۇرامىنداعى ە دارۋمەنىمەن قاتەرلى ىسىك اۋرۋىنىڭ الدىن الادى.

3) قارتايۋمەن بايلانىستى شىعاتىن اۋرۋ، سىزداۋلار ءسابىز شىرىنىن ءىشۋ ارقىلى ازايتىلۋى مۇمكىن.

4) تابيعي ا دارۋمەنىنىڭ قاينار كوزى بولعاندىقتان كوز ساۋلىعىن، كورۋ قۋاتىن ارتتىرادى. سۇيەككە جانە وستەوپوروزعا جاقسى اسەر ەتەدى. 

5) قۇرامىنداعى كالييمەن حولەستەرينگە جانە گيپەرتونياعا قارسى كۇرەسەدى.

6) ءوت جانە باۋىر فەرمەنتەرىنىڭ جاقسارۋىنا اسەر ەتەدى. ماي جينالۋىن ازايتادى.

7) تەرىنى جانداندىرادى، ادەمىلەيدى.

8) ءسابىز شىرىنى كۇشتى انتيوكسيدانت بەتا-كاروتەننەن باي بولعاندىقتان جاسۋشا دەگەنەراسياسىنىڭ الدىن الادى.

9) ءبىراز ليمون جانە ءزايتۇن مايى قوسىلىپ دايىندالعان ءسابىز سالاتى نەمەسە ءسابىز شىرىنى زەيىندى اشادى، ويلاۋ قابىلەتىن دامىتىپ، ۇيرەنۋدى جىلدامداتادى.

10) ءسابىزدىڭ جانە ءسابىز شىرىنىنىڭ كالورياسى از بولسا دا قارىندى تويدىرادى. ارىقتاۋدا جانە سالماقتى ساقتاۋدا جاقسى اسەر ەتەدى. كۇنىنە 1، 2 دانا كىشكەنە ءسابىزدىڭ جەلىنۋى نەمەسە شىرىنىنىڭ ءىشىلۋى قارىندى توق ۇستايدى.

---