InfoHub Logo

اقشانى كوپ تابۋ عانا ماڭىزدى ەمەس، سونىمەن قاتار ونى دۇرىس جاراتا ءبىلۋ دە ونەر. بۇگىن «حوۋم كرەديت بانك» ارنايى Bilim-all.kz  وقىرماندارى ءۇشىن قارجىلىق تاۋەلسىزدىككە ءبىر قادام جاقىنداۋعا سەپتىگىن تيگىزەتىن كىتاپتاردى وقۋعا كەڭەس بەرەدى.

1. «ءاميان، الدە ءومىر؟» (كوشەلوك يلي جيزن؟)، اۆتورى ۆيكي روبين.

كىتاپ اقشاعا دەگەن قارىم-قاتىناسىڭىزدى وزگەرتىپ، اقشا ءۇشىن ءومىر ءسۇرۋدى ەمەس، اقشانى باقىلاۋدا ۇستاۋدى ۇيرەتەدى.

وزگەرمەيتىن ديلەمما: ومىرىڭىزدە ءسىز اقشانى باسقاراسىز نەمەسە كەرىسىنشە اقشا ءسىزدى باسقارادى. ەگەر ءومىرىڭىزدى بارلىق قۋانىشتاردى ۇمىتىپ، اقشانىڭ ارتىنان قۋۋعا ارناعىڭىز كەلمەسە — بۇل كىتاپ ءسىز ءۇشىن تاپتىرماس كومەكشى.

2. «اقشانىڭ قۇپيا ءتىلى. اقىلدى قارجىلىق شەشىمدەردى قالاي قابىلداۋ كەرەك» (تاينىي يازىك دەنەگ. كاك پرينيمات رازۋمنىە فينانسوۆىە رەشەنيا)، اۆتورى ديەۆيد كريۋگەر.

بارلىعىمىز اقىلعا قونىمسىز شىعىندارعا اكەلىپ سوعاتىن بەلگىلى ءبىر قاتەلىكتەردى قايتالاي بەرەمىز. ءوزىمىزدىڭ تاپقان تابىسىمىزدان شىعىندارىمىز كوپ، اقشا ءۇشىن كوڭىل-كۇيىمىز ءتۇسىپ، جانجال شىعارامىز. بۇل كىتاپ ءوزىڭنىڭ قارجىلىق جاعدايىن جاقسارتقىسى كەلەتىن، الايدا بۇعان قالاي قول جەتكىزۋ كەرەگىن بىلمەيتىن جاندارعا ارنالعان.

3. «اۋقاتتى اكە، كەدەي اكە» (بوگاتىي پاپا، بەدنىي پاپا)، اۆتورلارى روبەرت كييوساكي جانە شارون لەچتەر.

اۆتورلار بالالار ءۇشىن قارجىلىق ءبىلىمنىڭ قاجەتتىلىگىن جاڭاشا كوزقاراستا كورسەتۋگە تىرىسقان. كىتاپ قارجىلىق قارىم-قاتىناستى ماتەريالدىق ءال-اۋقاتتىڭ ىرگەتاسىن قالايتىن قۇرال رەتىندە كورسەتىپ، قارجىلىق ونىمدىلىكتىڭ قاعيدالارىن تۇسىنۋگە ۇيرەتەدى.
قارجىلىق تۇراقتىلىققا قول جەتكىزۋدى كوزدەيتىندەرگە وسى كىتاپتى وقۋعا كەڭەس بەرەمىز.

4. «اقشا. ويىندى مەڭگەر» (دەنگي. وۆلادەي يگروي)، اۆتورى ەنتوني روببينس.

كىتاپتا ءوزىڭىز جانە وتباسىڭىز ءۇشىن قارجىلىق تاۋەلسىزدىككە قالاي قول جەتكىزۋگە بولاتىنى جايلى جازىلعان. بۇل قىزىقتى كىتاپ زەينەتاقىنى داۋلەتتى ادام رەتىندە قارسى الۋعا، جەكە قارجىنى ءتيىمدى باسقارۋعا كومەكتەسەدى.

5. «قاراجات الەمىنە ساياحات. بالالارعا ارنالعان وتباسىلىق قارجى تۋرالى ءوزىن-وزى وقىتۋ قۇرالى (دەتي ي دەنگي. ساموۋچيتەل سەمەينىح فينانسوۆ دليا دەتەي)، ەۆگەنيا بليسكاۆكا.

كىتاپ بالالارعا قارجى نەگىزدەرىن تۇسىندىرۋگە، ءارى سول ءبىلىمدى بىردەن تاجىريبە جۇزىندە پايدالانۋعا كومەكتەسەدى. بالالار تاپسىرمالاردى  كىتاپتان تىكەلەي ورىنداۋ مۇمكىندىگىنە، ال اتا-انالار بالالارمەن قىزىقتى دا پايدالى ۋاقىت وتكىزۋگە قۋانارى انىق.

---