قازاقستاندا ونلاين ساۋدا جاساۋشىلاردىڭ كوپشىلىگى 18-34 جاستاعى ازاماتتار
ەلىمىزدە «قازپوشتا» اق ارقىلى ونلاين تاپسىرىس بەرىپ، ساۋدا جاساۋشىلاردىڭ دەنى جاستار، ونىڭ ىشىندە 59%- ى ايەل ادامدار بولسا، 41%-ى ەرلەردى قۇرايدى. بۇل جونىندە «قازپوشتا» اق ەلەكتروندى ساۋدا دەپارتامەنتىنىڭ ديرەكتورى مۇستافين سۇلتان مالىمدەدى.
«قازپوشتا» اق ءار ساعات سايىن 10 مىڭنان استام جونەلتىمدەردى قابىلداپ جىبەرىپ وتىرادى. ونلاين تاپسىرىس بەرىپ ساۋدا جاسايتىنداردىڭ كوپشىلىگى جاستار. قازاقستاندا ەلەكتروندى ساۋدانى دامىتۋشى، تاپسىرىس بەرۋشى قالالار ەسەبىنە الماتى قالاسى ءبىرىنشى ورىندى قۇرايدى، بۇل پايىزدىق كورسەتكىشپەن 70%»، – دەدى مۇستافين سۇلتان.
2016 جىلى قازاقستانعا جەتكىزىلگەن پوسىلكالاردىڭ سانى 15،3 ملن. بىرلىكتى قۇرادى، ونىڭ ىشىندە سۋپەرماركەتتەر ارقىلى - 553 مىڭ، 2017 جىلى - 21،9 ملن.، سۋپەرماركەتتەر ارقىلى – 1،8ملن.، ال 2018 جىلى بەس ايدا - 11،6 ملن.، سۋپەرماركەتتەر ارقىلى - 2 ملن. پوشتاماتتار ارقىلى، 2017 جىلى 500 مىڭ پوسىلكا جەتكىزىلسە، اعىمداعى جىلدىڭ باسىنان باستاپ بۇل كورسەتكىش - 306 مىڭدى قۇراپ وتىر.
«بۇگىنگى تاڭدا «قازپوچتا» اق جانە باسقا دا پوشتا اكىمشىلىكتەرى ەلەكتروندىق ساۋدا نارىقتىڭ باستى درايۆەرى ەكەنىن انىقتادى. سەبەبى پوشتانىڭ ەلەكتروندىق ساۋدانى دامىتۋدان باسقا، ينتەرنەت-دۇكەندەردەن، قارجىلىق تەحنولوگيالاردان جانە دە باسقاسىنان ءبولىپ قاراساق، جەتكىزىپ وتىرۋ نەگىزگى قىزمەتى جانە ەرەكشەلىگى بولىپ وتىر. ياعني نەعۇرلىم جەتكىزۋ جىلدامىراق بولسا، وندا ادامدار ونلاين ساتىپ الۋدى سوعۇرلىم كوبەيتىپ وتىرادى»، – دەپ ايتىپ ءوتتى ول.
2018 جىلدىڭ العاشقى 5 ايىندا قازاقستاندا ەلەكتروندى كوممەرسيا نارىعىنىڭ كولەمى 101 ملرد. تەڭگەنى قۇراپ وتىر. «قازپوچتا» اق بولجامىنا سايكەس، جىلدىڭ سوڭىنا دەيىن بۇل كورسەتكىش 302 ملرد. تەڭگەگە دەيىن وسەدى جانە بولشەك ساۋدانىڭ 2،9%-ىن قۇرايدى.
سونداي-اق، س. مۋستافين «قازپوچتا» اق-نىڭ ماڭىزدى باعىتتارىنىڭ ءبىرى قازاقستاندا ەلەكتروندىق كوممەرسيانى دامىتۋمەن قوسا، ەلەكتروندىق كوممەرسياعا تىكەلەي باعىتتالعان ءبىرقاتار جوبالار بار. كومپانيادا ءىرى ايماقتارعا پوسىلكالار EMS Kazpost جەتكىزۋ قىزمەتى ارقىلى تاۋلىك سايىن جەتكىزىلەتىنىن اتاپ ءوتتى.
ايتا كەتەلىك، ەكسپرەسس پوشتا قىزمەتى (EMS) - الەمنىڭ 200 ەلىنە جەدەل جونەلتىمدەردى جەتكىزۋ قىزمەتى. قازاقستاندا بۇل قىزمەتتى «EMS-Kazpost» كومپانياسى كورسەتىپ وتىرادى، ول جەدەل جانە شۇعىل قۇجاتتاردى جانە جۇكتەردى قازاقستانعا الىس-جاقىن شەتەلدەردىڭ كەز كەلگەن نۇكتەسىنە جىلدام ءارى ءتيىمدى جەتكىزۋدى قامتاماسىز ەتەدى. ءار تۇتىنۋشى EMS جونەلتىمدەرىنىڭ جۇمىس بارىسى جونىنەن «قازپوچتا» اق www.kazpost.kz سايتىندا نەمەسە EMS Kazpost Call-center وپەراتورى ارقىلى حاباردار بولىپ وتىرادى.
You Might Also Like
-
Google سەرۆيسىندەگى ءسىزدىڭ جەكە دەرەكتەرىڭىز كەنەتتەن باسقالار ءۇشىن قولجەتىمدى بولىپ قالۋى مۇمكىن. ءبىز سىزدەرگە مۇنداي كەلەڭسىزدىكتى قالاي تۇزەۋگە بولاتىنىن ايتامىز.
