جەڭىس اتىراۋدا
18-22 قاراشا ارالىعىندا اتىراۋ وبلىسى اكىمدىگىنىن قولداۋىمەن وبلىستىق مادەنيەت،ارحيۆتەر جانە قۇجاتتاما باسقارماسى،ماحامبەت اتىنداعى اكادەميالىق قازاق دراما تەاترى جانە ر.وتاربايەۆ اتىنداعى «رۋحانيات» قورىنىن ۇيىمداستىرۋىمەن ر.وتاربايەۆ اتىنداعى III رەسپۋبليكالىق تەاتر فەستيۆالى ءوتتى.
جازۋشى دراماتۋرگ،قازاقستاننىڭ ەڭبەك سىڭىرگەن قايراتكەرى، حالىقارالىق شىڭعىس ايتماتوۆ اتىنداعى اكادەمياسىنىڭ اكادەميگى،پاراسات وردەنىنىڭ يەگەرى راحىمجان وتاربايەۆ اتىنداعى رەسپۋبليكالىق دراما تەاترلار فەستيۆالى بيىل ءۇشىنشى جىل ءداستۇرلى تۇردە وتكىزىلىپ وتىر.فەستيۆالگە ەلىمىزدىڭ ءار ايماعىنان كەلگەن توعىز تەاتر ۇجىمى ءوز ونەرلەرىن كورسەتتى.
تالاسقا تۇسكەن بۇل بايقاۋدا، ءاسانالى ءاشىموۆ باستاعان ءادىل قازىلار القاسى باس جۇلدە مەن 1 ملن تەڭگە سىياقىنى وتاربايەۆتىڭ «جالعىزدىق» سپەكتاكلى ءۇشىن ماحامبەت اتىنداعى اتىراۋ وبلىستىق اكادەميالىق قازاق دراما تەاترىنا بەردى. ءبىرىنشى ورىندى «امىرە» دراماسىن قويعان استانا قالالىق ق.قۋانىشبايەۆ اتىنداعى قازاق مەملەكەتتىك اكادەميالىق دراما تەاترىنا (800 مىڭ تەڭگە)، ەكىنشى ورىندى «مۇقاعالي مەن فاريزا»، «تەمىر-ناركوم» درامالارى ءۇشىن ن.ءجانتورين اتىنداعى ماڭعىستاۋ وبلىستىق مۋزىكالىق دراما تەاترى جانە ت.احتانوۆ اتىنداعى اقتوبە وبلىستىق دراما تەاترلارى (600 مىڭ تەڭگە) جەڭىپ الدى.جۇلدەلى ءۇشىنشى ورىن «باس»، «مۇستافا شوقاي» درامالارى ءۇشىن ج.شانين اتىنداعى شىمكەنت قالالىق اكادەميالىق قازاق دراما تەاترى مەن تۇركىستان قالالىق ر.سەيتمەتوۆ اتىنداعى سازدى دراما تەاترىنا (400 مىڭ تەڭگە) بۇيىردى.
ح.دوسمۇحامەدوۆ اتىنداعى
اتىراۋ مەملەكەتتىك ۋنيۆەرسيتەتىنىڭ
جۋرناليستيكا ماماندىعىنىڭ 3-كۋرس ستۋدەنتى
سەرىكقالييەۆا اقبوتا
You Might Also Like
-
قازىرگى تاڭداعى ءوسىپ كەلە جاتقان جاستار تاربيەسى وزەكتى ماسەلە بولىپ سانالادى. جاستاردىڭ تاربيەسى تۇسىنىكسىز، يا، بارلىعى تاربيە كورگەن كوزى اشىق جاندار. ءبىراق وسى تاربيەگە كەلگەندە وسال جەرلەرى ءوت...
-
بالا بويىندا ءبىلىم ءنارىن سەبەتىن، ادامگەرشىلىك ءدانىن ەگەتىن باستى تۇلعا - ۇستاز. ادام جانىن نۇرلاندىرار ۇعىمىنىڭ ۇلىسى – ۇستاز. ەلباسىمىز ن. نازاربايەۆ حالقىمىزدىڭ بولاشاعى تۋرالى تەرەڭنەن تول...
