InfoHub Logo

اتىراۋ وبلىسىنداعى ەجەلگى سارايشىق قالاسىن ساقتاپ قالۋ ءۇشىن ءجۇرىپ جاتقان جايىق جاعاسىن بەكىتۋ كەزىندە جۇمىس الاڭىنان ادام سۇيەكتەرى شىقتى، دەپ bilim-all.kz حابارلايدى.

ايتا كەتەلىك، جەتى حان جەرلەنگەن دەلىنەتىن كونە شاھاردى جايىق وزەنىنىڭ شايىپ بارا جاتقانى بەلگىلى. بۇنى توقتاتۋ ءۇشىن بىلتىر ءوڭىر باسشىسى نۇرلان نوعايەۆ جەرگىلىكتى قازىنادان 1،5 ميلليارد تەڭگە بولىنگەنىن مالىمدەگەن ەدى.

وبلىستىق تاريxي-ولكەتانۋ مۋزەيىنىڭ باسشىسى راشيدا حاريپوۆانىڭ ايتۋىنشا، جۇمىس الاڭىنان شىققان سۇيەكتەر ارنايى زەرتتەۋلەر جۇرگىزىلىپ سىزبالارى سىزىلىپ الىنعاننان كەيىن جينالىپ، اۋىل ماڭىنداعى بەيىتكە قايتا جەرلەنىپ جاتىر. ول ەجەلدە مۇندا ورىس كازاكتارىنىڭ، نوعايلاردىڭ جانە ونى التىنشى عاسىرداعى قازاقتاردىڭ جەرلەنگەنى بەلگىلى بولعانىن ايتتى. سۇيەكتەردىڭ استىندا سارايشىق قالاسى ورنالاسقان.

ول جايىق وزەنىنىڭ جاعاسىنداعى اپاتتى جاعدايداعى قازبا ورنىن ساقتاپ قالۋ ماقساتىنداعى ارحەولوگيالىق قازبا جۇمىسىنىڭ بيىلدان باستاپ قولعا الىنعاندىعىن جانە 2020 جىلعا دەيىن جالعاساتىنىن دا حابارلادى. اياقتالعان قازبا ورىندارىن رەستاۆراسيالاۋ باستالعان. جالپى قازبا جۇمىستارىنا تاريح عىلىمدارىنىڭ دوكتورى، ارحەولوگ زەينوللا ساماشيەۆ عىلىمي جەتەكشىلىك ەتەدى.

ال، جاعانى بەكىتۋ جۇمىسىن جۇرگىزىپ جاتقان مەردىگەر كومپانيانىڭ وكىلى اسقار تولەنوۆ قۇرىلىس 2018 جىلدىڭ باسىندا اياقتالادى دەپ جوسپارلانعانىن ايتتى.

بۇعان دەيىن مادەنيەت جانە سپورت مينيسترلىگى شاھاردى قالپىنا كەلتىرۋ ءۇشىن 100 ميلليون تەڭگە بولەتىنىن حابارلادى. قازىردە قالانىڭ ورنىن تۋريستىك ورتالىققا اينالدىرۋ كوزدەلىپ وتىر.

ايتا كەتەلىك، سارايشىق اتىراۋ قالاسىنان 45 شاقىرىم جەردە ورنالاسقان. التىن وردانىڭ ساياسي، ەكونوميكالىق ورتالىقتارىنىڭ ءبىرى بولعان قالا قاسىم حاننىڭ تۇسىندا قازاق حاندىعىنىڭ استاناسى اتاندى. جىبەك جولىنىڭ بويىندا تۇرعان مۇندا، تاريحشىلاردىڭ ايتۋىنشا، 7 حان جەرلەنگەن. ولار: موڭكە، توقتاعۋ، جانىبەك، ءامىر وقاس، قاسىم حان، شيح ماماي جانە ءجۇسىپ حاندار. قالاشىق "بولاشاققا باعدار: رۋحاني جاڭعىرۋ" باعدارلاماسى اياسىنداعى «قازاقستاننىڭ كيەلى جەرلەر گەوگرافياسى» تىزىمىنە ەنگەن. 

---