InfoHub Logo

تاربيە ساعاتى
ساباقتىڭ تاقىرىبى: «جول تاپتىم بار حالىقتىڭ جۇرەگىنە...»
ساباقتىڭ ماقساتى: ءسابيت مۇقانوۆتىڭ ءومىرى مەن شىعارماشىلىعى تۋرالى دەرەكتەر كەلتىرىپ، اقىن ولەڭدەرىنىڭ مازمۇنىن ۇعىندىرۋ، جاتقا وقىتۋ. اقىن جايلى ەستەلىكتەردى ەسكە ءتۇسىرۋ، مانەرىمەن ايتقىزۋ.
اقىل - ويىن، جاتقا ايتۋ، مانەرلەپ وقۋ قابىلەتىن شىڭداۋ.
بيىك ادامگەرشىلىككە، ءومىردى سۇيە بىلۋگە باۋلۋ.

جۇرگىزۋشى:
ءى. ايتا سالعان ءسوزىم ەمەس دالەلسىز -
تانىعانعا ءسىز ءبىر بايتاق ءالىمسىز!
جەردى اينالىپ كۇندەر، تۇندەر... توقتاۋسىز
ءوتىپ جاتىر، ءوتىپ جاتىر سابەڭسىز.
ويىم اسەم ورنەكتەلمەس مانەرسىز،
قاتە دەرسىز،
بالكىم ءجون - اۋ، ءيا!- دەرسىز.
جيىرما جەتى جىل ءوتىپتى - اۋ زىمىراپ
سابەڭ الار،
سابەڭ بەرەر سالەمسىز!
ەرتىس، ەسىل كەتپەسە دە كەرى اعىپ،
الىپتارسىز كىم نە بەردى، نەنى الىپ؟
عاسىرلاردىڭ قايراڭىندا ەڭ الىپ.
كوڭىل شىركىن كەي - كەيدە ءوستىپ بۇزىلار -
تاعدىر - تايعاق، جاندى قىرار سىزى بار.
ءتاۋبا دەيمىز ءومىر اتتى ايدىندا
مۇقانوۆتىڭ مىڭدى ايداعان ءىزى بار!
ارتىعىراق كەتتىم بە دەپ مىنا مەن
ورىستان دا، قازاقتان دا... سۇراپ ەم.
ءبىر كىسىدەي كارىسى ايتتى، جاسى ايتتى
دەگەن ءسوزدى «سابەڭ – تۇتاس ءبىر الەم!»
شىندىق ايتساق جيا تۇرىپ ۇياتتى -
توبەمىزدەن جۇلدىزدار عوي ءجيى اقتى.
شوق جۇلدىزدىڭ ءبىرى – ءسابيت مۇقانوۆ،
ۇلتىمىزدىڭ بالاماسى سياقتى.
كەلدى مىنە قوس عاسىردىڭ توعىسى،
قازاق ەمەس،
ەمەس ءتىپتى ورىسى...
شالعاي جاتقان بىزدەن اتا قونىسى،
مەكەن - تۇراق جايىلىمى، ءورىسى...
تالايلاردىڭ وكىلى ايتتى -
دەگەندى: «ءسابيت - ويدىڭ جۇيرىك بايگە - تورىسى!»- دەي وتىرا ءسابيت مۇقانوۆتىڭ 114 جىلدىعىنا وراي «جول تاپتىم بار حالىقتىڭ جۇرەگىنە» اتتى تاربيە ساعاتىمىزدى باستاۋعا رۇقسات ەتىڭىزدەر.
ءىى. ءومىربايانى وقىلادى.

ءىىى. ولەڭدەرى:
1 - وقۋشى: ۋا، سابە، الاسارماس اسقار تاۋىم،
دۇرىس قوي، ساعان ارناپ ءسوز باستاۋىم.
ءبىر ءوزىڭ ءبىر الەمدەي الىپ تۇلعا،
وزىڭنەن ۇلگى الادى وسەر قاۋىم.
سەن ەدىڭ ونەگەسى مىقتىلىقتىڭ،
بار ءىسىڭ باستاۋى ەدى جاقسىلىقتىڭ.
ادىلەتتىڭ اق تۋىن اسپانداتىپ،
تابىڭدى الىپ شىقتىڭ تاپشىلىقتان.
جاسىڭدا ءبىلىم ىزدەپ الاسۇردىڭ،
جيىرماڭدا اق باندىمەن تالاس قۇردىڭ.
بايگەدەن وزىپ كەلەر سايگۇلىكتەي،
ءوزىڭدى ءوزىڭ كۇرەسكە جاراتتىردىڭ.
وتىزدا ەل بيلەپ شىعىندادىڭ،
جازىپ بەردىڭ نە ءتۇرىن شىعارمانىڭ.
بويىڭداعى دارىنىڭ جۇلقا تارتىپ،
تۇلەدى ويىڭداعى بار ارمانىڭ.
نەشەمە بيىكتەردى باعىندىردىڭ،
اينالاڭا كۇن نۇرىن جاعىپ ءجۇردىڭ.
دوستارىڭا شيپالى الاقان بوپ،
دۇشپانىڭدى ىزىڭە تابىندىردىڭ.
ايتۋعا شىندىقتى دا قورىقپادىڭ،
ەسىمدە جاپا كورىپ، تورىققانىڭ.
ارسىز توپ ارانداتتى پالە جاۋىپ،
«قۇرتتىق،- دەپ مۇقانوۆتىڭ سورىپ قانىن».
التىنعا تات تۇراما جاقساڭداعى،
تەمىرگە بالتا وتپەيدى شاپساڭداعى.
ىشىنەن جاققان وتتىڭ امان شىعىپ،
تاعى دا جاقسى اتاعىڭ اسپاندادى.
ادام جوق ءدامى ءبىتىپ، ولمەييتۇعىن.
«اققان جۇلدىز» سەكىلدى ءوزى جازعان.
سابەڭنىڭ ءىزى قالدى سونبەيتۇعىن.

2 - وقۋشى: و، تاعدىر، سەن ءتوندىردىڭ
باسىما تاعى اۋىر كۇن.
ەستىرتتىڭ ءولىمىن ءوندىردىڭ،
قايعىسى قاتتى باۋىردىڭ!...
قانىن نەگە تورسىققا
قارا نيەت قۇيدى ەكەن!...
جولىققىر ءومىىرى قىرسىققا
كھزى قالاي قيدى ەكەن!...
قايراتپەن قارسى الدىم مەن،
قايعىنىڭ بۇل داۋىلىن.
تۇكسيىپ جاۋعا قالدىم مەن،
كەگىڭ كەتپەس، باۋىرىم!