جولبارىس جەگەن تۇلكى
بىردە تىمىسكىلەنە سۇمەڭدەپ كەلە جاتقان تۇلكىگە توعايدى شارلاپ جۇرگەن جولبارىس كەزدەسىپتى. سونان سوڭ ەكەۋى جولداس بولىپ، ساپار شەگىپتى. كەشكە تامان ءبىر كولدىڭ جاعاسىنا كەلىپ، سول ارادا تۇنەمەك بولىپتى. جاردىڭ قاباعىنا جاتىپتى. ۇيقتار مەزگىل بولعاندا:
– مەنىڭ ۇيقىم قاتتى ەدى، اۋناقشىپ جاتىپ، جاردان قۇلاپ كەتەرمىن. تۇلكىجان، سەن مەنىڭ وڭ جاعىما جاتشى، – دەپتى جولبارىس.
تۇلكى سەرىگىنىڭ ايتقانىنا كونىپ:
– جارايدى، ايتقانىڭ بولسىن، – دەپ، كورسەتكەن جەرگە جاتىپتى.
ءبىر ۋاقىتتا جولبارىس پىرىلداپ، ۇيقىعا كەتەدى. ال تۇلكى سول كەزدە بىلدىرمەي تۇرەگەلىپ، ورىن اۋىستىرىپ، جولبارىستىڭ ىرگە جاعىنا شىعىپ الىپتى. سونان سوڭ:
– اي، جوكە، ارى تامان جاتشى، مەنى باسىپ، جانشىپ تاستايتىن بولدىڭ عوي، – دەپ، يتەرىپ-يتەرىپ قويادى.
وسىلايشا جولبارىستى جىلجىتا-جىلجىتا جاردان ۇشىرىپ جىبەرىپتى. جولبارىس قازاعا ۇشىراپتى. ەرتەڭىنە تۇلكى قۇلاپ ولگەن جولبارىستىڭ ەتىنە تويىپ الىپ، ءوز جونىنە كەتە بەرىپتى.
You Might Also Like
-
ەرتەدە ءبىر ساراڭ باي بولىپتى. ونىڭ ادام بالاسىندا جوق جالعىز قۇلا تۇلپارى بار ەكەن. باي قۇلا تۇلپارىنىڭ تۇقىمىن ءوسىرىپ، داڭقىن اسىرا تۇسكىسى كەلىپتى. ءسويتىپ، قۇلا تۇلپاردىڭ قاسىنا ءبىر بيەنى قوسىپ، ...
-
ءبىر كۇنى الىس ساپاردان شارشاپ، بولدىرىپ كەلە جاتقان تۇلكى جول جاعاسىندا جورتاقتاپ جۇرگەن قوياندى كورىپتى. سونان سوڭ تۇلكى اۋىرعان بولىپ، قوياننىڭ جولىنا سۇلاي كەتەدى دە ونى قاسىنا شاقىرادى.
