جولىڭ بولسىن، جولاۋشى!
ءبىز مىنگەن ۆاگون لەزدە لىق تولدى. ادامنىڭ ءار ءتۇرىن كوردىك. ءار جاقتان مىنسەك تە، بىر-بىرىمىزبەن تەز ءتىل تابىسىپ كەتتىك. بىزبەن بىرگە مەكتەپ وقۋشىلارى دا مىنگەن بولاتىن. پوەزعا مىنگەننەن كوزىمە العاش كورىنگەن سولار ەدى. اڭگىمەلەسە كەلە، ولاردىڭ قايدا، نە سەبەپپەن بارا جاتقانىن ءبىلدىم.
ولار ءداستۇرلى ءان ايتۋدان رەسپۋبليكالىق دەڭگەيدەگى جارىسقا بارا جاتىر ەكەن. كۇنى بويى دومبىرالارىن تاستاماي، ءان ايتىپ، جاتتىقتى. اسقاقتاعان داۋىسقا قازاقي دومبىرانىڭ كۇمبىرى قوسىلعاندا ءداستۇرلى ءاننىڭ ولمەگەنىن سەزىنەدى ەكەنسىڭ. ءداستۇرلى ءان – ۇلت قازىناسى. وسى قاناتتى ءسوزدى ۇرانىنداي كورەتىن جانداردىڭ ءبىرى – وسىلار.
مەن بۇل بالالاردىڭ ونەرىن كورگەندە، قاتتى قۋاندىم. ولاردىڭ „91” توبى سەكىلدى شەتەلدىك جۇلدىزدارعا ەلىكتەمەي، ەلىمنىڭ ءداستۇرلى ءانىن تاڭداۋى جانىمدى جادىراتتى. ايگۇل قوسانوۆا، نۇرىم اسقانوۆتار سياقتى ماڭعىستاۋدى الەمگە تانىتاتىن جاڭا ۇرپاق ءوسىپ كەلە جاتىر. ونەردىڭ ولمەيتىندىگىنىڭ بۇل دا ءبىر ايعاعى. قوڭىر دومبىراعا قۇس قاناتتى اۋەن قوندىرعان ءاننىڭ بولاشاعى الدا دا بيىك. كۇي مەن ءاندى كەزەكتەستىرە تارتىپ، ولار بىزگە دە شابىت سىيلادى. ولاردىڭ تۇسەتىن كەزى كەلدى. مەن ولارعا شىن جۇرەكتەن ساتتىلىك تىلەپ، „جولىڭ بولسىن، جولاۋشى”- دەپ قالا بەردىم.
You Might Also Like
-
XXI-عاسىر – قولىنا قاعاز بەن قالام الىپ، بولماشى دۇنيە جازىپ، كىتاپ شىعارىپ، ءوزىن جازۋشى سەزىنىپ جۇرگەندەردىڭ زامانىنداي كورىنەدى. شىعارىلعان كىتاپتار سۇرانىسقا يە بولىپ، حالىقتىڭ يگىلىگىنە ج...
-
جۇرتتىڭ ءبارىن ىنتىقتىراتىن، ايتسە دە ادەبيەتتىڭ زاڭدى يگىلىگىنە اينالۋ ءۇشىن اسا ۇرەيلى تاقىرىپتار بار. ەگەر وقۋشىلاردى جابىرلەپ الدە شوشىتقىسى كەلمەسە، رومانشىنىڭ ادەتتە ودان اۋلاق جۇرگەنى ابزال. ا...
