InfoHub Logo

„اباي جولى” ەپوپەياسى – مۇحتار ومارحانۇلىن پروزا شىڭىنا شىعارعان تۋىندى. ول شىعارماسى ارقىلى جازۋشى الەمنىڭ ۇزدىكتەرىنىڭ قاتارىنان كورىندى. مۇحتاردى الەمگە تانىتقان „اباي جولى” بولسا، اقىن ابايدىڭ ادەبي تۇلعاسىن ەل ەسىندە قالدىرعان جازۋشى مۇحتار ەدى. ەپوپەياداعى وزگەشە بەينە – قۇنانباي. بۇل تۋىندىنى جازۋدا اۋەزوۆ قۇنانباي بەينەسىن ءمىنسىز كەيىپكەر رەتىندە كورسەتتى. الدىمەن، قۇنانباي كىم؟ قۇنانباي قانداي اكە؟ قانداي ادام؟

قۇنانباي – بۇكىل توبىقتى رۋىنداعى ءسوز ۇستار تۇلعا. ول – شەشەن. ول سويلەگەندە ، بولىس، قاراپايىم حالىق ۇيىپ تىڭداپ، قۇنانبايدىڭ شەشەندىگىنە تامسانعان. قۇنانبايدىڭ شەشەندىگىن ۇلى ابايعا ايتقان ءۇش مىنىنەن، قاجىلىققا اتتاناردا ايتقان قوشتاسۋ سوزىنەن بايقاۋعا بولادى. 

ساياسات – ادام بالاسىن قاتىگەزدىككە تاربيەلەيتىن فاكتور. ساياسات – قۇنانباي. قۇنانباي – ساياسات. بۇل ەكەۋى – ەگىز ۇعىم. سول ولكەنىڭ ساياسات الەمىن قۇنانبايسىز ەلەستەتۋ قيىن. قۇنانبايدىڭ ۇلى ساياساتكەر ەكەنى الشىنبايدىڭ قىزى ءدىلدانى ابايعا باس پايداسى ءۇشىن الىپ بەرگەنىنەن، قوداردىڭ ارتىندا قالعان جەردى ءوزىنىڭ جايىلىمى قىلىپ جىبەرگەنىنەن تانىلدى. 

قۇنانباي – ءدىن جولىنداعى ادام. ول ءومىرىنىڭ سوڭعى جىلدارىندا قاسيەتتى مەكەن مەككەگە بارىپ، كۇنالى ىستەرىنەن رۋحاني تازارىپ كەلدى. ول ءوزى تۇرعان مەكەندە مەشىت سالدىردى. بەس ۋاقىت نامازىن قازا قىلمايتىن قۇنانباي بالالارىنان دا ناماز وقۋدى تالاپ ەتتى. قۇراندا كورسەتىلگەن بەس پارىزدى تۇگەل ورىنداپ، ومىردەن تازا بولىپ كەتتى. 

ەپوپەيادا مەن تانىعان قۇنانبايدىڭ بەينەلەرى – وسى. قۇنانبايعا شەشەندىك قابىلەتى – ەلگە سىيلى بولۋىنا، ساياساتكەرلىگى – ءاربىر ءىستى ءوز پايداسىنا شەشۋىنە، ءدىني كوزعاراستى بولعاندىعى – قازاق جەرىنە تانىمال بولۋىنا ىقپالىن تيگىزدى. مەنىڭ ايتقاندارىم – قۇنانبايدىڭ جاعىمدى بەينەسى. قۇنانباي – ۇلى ابايدىڭ ۇلى بولۋىنا سەبەپكەر سىنشى اكە. قۇنانبايدى بىلمەي – ابايدى، ابايدى بىلمەي، مۇحتار اۋەزوۆتى ءبىلۋ مۇمكىن ەمەس. بۇل – بىر-بىرىنەن اجىرامايتىن ۇلى تۇلعالار ۇشتىگى.

---