InfoHub Logo

ءتىل ءبىلۋ – باسقا ادامداردان ەرەكشەلىگىڭ، ءوز ورتاڭداعى ارتىقشىلىعىڭ. ءتىل ءبىلۋ – ونەر. ونى ءبىلۋ ءۇشىن ادامدا، ەڭ الدىمەن، قىزىعۋشىلىق، الدىنا قويىلعان ايقىن ماقسات كەرەك. كەز كەلگەن ءىس ادامدى ەڭبەكقور بولۋعا تاربيەلەيدى. بىزگە تەك قانا جاقسى جاعىنان كومەك بەرەدى. ءبىر ەمەس بىرنەشە ءتىل ءبىلۋ – سەنىڭ جادىڭنىڭ قالىپتى ەكەندىگىنىڭ دالەلى. جەتى ءتۇرلى ءتىل ءبىلۋ ماڭىزدى ما؟ ونىڭ قانداي پايداسى بار؟ 

الەمدە قانشا مەملەكەت بولسا، سونشا ءتىل بار. سەن سونىڭ كوبىسىن بىلەر بولساڭ، پوليگلوت دەگەن اتقا يە بولاسىڭ. كوپ ءتىل بىلەتىن ادام جۇمىسسىز قالمايدى. مەكتەپتەرگە ءمۇعالىم بولىپ كىرۋگە بولادى.

جەكەمەنشىك بالا وقىتۋ ورتالىعىن اشۋىڭا بولادى. بۇل دا ناعىز پايدانىڭ كوزى. ءوزىم سونداي ورتالىققا بارىپ، ءدارىس الدىم. ول جەرگە مەن سەكىلدى ورتا ەسەپپەن 30 بالا بارادى. ايىنا 8000 تەڭگە تولەپ وقيدى. دەمەك 240000 تەڭگە ول ادامعا كىرىس كىرىپ تۇر. سەن ۇيدە جاتىپ ءبىر ايدا بۇل اقشانى تابا المايسىڭ.

ەگەر جوعارى ءبىلىمىڭ، ديپلومىڭ بولسا، ءبىر كومپانياعا اۋدارماشى رەتىندە كىرك الاسىڭ. اۋدارماشى ءار سوزىنە اقشا الادى. دەمەك بۇل دا ناعىز تابىستىڭ كىلتى.

ادام بالاسى ومىردە ءوزىن باقىتتى سەزىنۋ ءۇشىن ءوزى قالايتىن ءىستى ورىنداۋى كەرەك، سول ىستەن لاززات الۋعا ءتيىس. ونداي وزىڭە ۇنايتىن ءىس بولماسا، ءومىر ءسۇرىپ جاتقانىڭ بەكەر. مەن سىزدەرگە ءتىل ۇيرەنگەننىڭ پايداسىن ايتتىم. ونىمەن كەلىسۋ، كەلىسپەۋ ءوز ەرىكتەرىڭىزدە. بولاشاقتا تاڭدايتىن ماماندىعىم تىلگە قاتىستى. ونىڭ جاعىمدى جاقتارىن ءبىلۋ – مەنىڭ مىندەتىم.

---