ءبىرىنشى بولۋ – ءوز قولىڭدا!
XXI-عاسىر – قولىنا قاعاز بەن قالام الىپ، بولماشى دۇنيە جازىپ، كىتاپ شىعارىپ، ءوزىن جازۋشى سەزىنىپ جۇرگەندەردىڭ زامانىنداي كورىنەدى. شىعارىلعان كىتاپتار سۇرانىسقا يە بولىپ، حالىقتىڭ يگىلىگىنە جاراسا كوڭىل قۋانتادى. ال دۇكەننەن ساتىپ الىنىپ، ۇيدەگى شكاف سورەلەرىندە سۋۆەنير بولىپ تۇرۋعا عانا جاراسا نە بولماق؟
وسى جىلى ەل اراسىندا قۋانىش شونباي اتتى كاسىپكەردىڭ „ەكىنشى بولما” كىتابى قولدانىستا بولدى. الەۋمەتتىك جەلى پايدالانۋشىلارىنىڭ كىتاپ جايىنداعى پىكىرلەرىنە قاراعاندا بۇل كىتاپ – وقىعان ءاربىر ادامعا وزگەشە اسەر قالدىرىپ، جەتكىلىكتى پايداسىن تيگىزگەن. ماعان دا پايداسى ءتيىپ قالادى-اۋ دەگەن نيەتپەن كىتاپتى وقىدىم. تۇيسىگىم قاتەلەسپەپتى. كىتاپ، اۆتور ءوز پايداسىن تيگىزدى. كىتاپقا قىزىققانىم سونشا 2 كۇندە وقىپ ءبىتىردىم. اۆتور ويىنىڭ، كىتاپتىڭ ادامعا تيگىزەتىن پايدالارى قانداي؟
كىتاپتاعى ماعان ۇناعانى – اۆتور ءتىلىنىڭ قاراپايىمدىلىعى. بارىمىزگە ورتاق سوزدەردى قولدانۋ ارقىلى كىتاپ جازعانىن ونىڭ جەتىستىگى سانايمىن. ەگەر كىتاپ ادەبي ستيلدە جازىلعاندا وقىرمان ونى ءبىلىم الۋ ءۇشىن ەمەس، جاي عانا كرۋگوزورىن كەڭەيتۋ ءۇشىن الار ەدى.
كىتاپتى وقىعان باسقا ادامدارعا اسەرى قانداي بولعانىن بىلمەيمىن. كىتاپ، ونداعى ويلار، ايتىلعان ءاربىر سويلەم ماعان شابىت سىيلادى، موتيۆاسيا بەردى. بۇرىن ءدال وسى جانردا جازىلعان بىرنەشە كىتاپ وقىعانمىن. ءبىراق ولار ورىس تىلىندەگى اعىلشىن اۆتورلارىنىڭ جازعانى بولعان سوڭ ولاردان الارىم از سەكىلدى بولدى. ال بۇل كىتاپ ءاربىر قازاققا ارناپ جازىلعان سوڭ، ماعان جاقىن كورىندى.
كىتاپ شىندىقتان قۇرالعان. قازاقستانداعى ءاربىر ادامنىڭ بويىندا بار قاسيەتتەردى الىپ، ەگەر ولار جاعىمسىز قاسيەتتەر، وقيعالار بولسا، ودان شىعاتىن جولداردى دا ايتقان. وقىرماندى وزىنە ءتانتى ەتكەن كىتاپتىڭ ەرەكشەلىگى وسىندا. ەگەر كىتاپ فانتاستيكا جانرىندا جازىلعاندا، ونى وقيتىندار سانى ساناۋلى بولاتىن ەدى. كىتاپ شىندىقتان قۇرالعان سوڭ، ونىڭ ىشىندە سەنىڭ بويىڭدا بار قاسيەتتەر مەن بويىڭا كەرەك قاجەتتىلىكتەر ايتىلعان سوڭ، قالاي ونى الىپ وقىمايسىڭ؟!
مىنە، كىتاپتىڭ ماعان تيگىزگەن پايدالارى – وسى. جەكە تۇلعا بولىپ قالىپتاسۋدى قالايتىن ادامدارعا بۇل كىتاپتى وقۋعا كەڭەس بەرەمىن. پايداسى بولماسا، كىتاپتىڭ زيان كەلتىرمەيتىنىن ەسكەرتەمىن. ساتتىلىك وقىرمان!
You Might Also Like
-
مىرزالار اۋلاسىنداعى ۇيرەك پەن تاۋىققا ارناپ سالىنعان اسەم جاڭا ۇيشىكتە گرەتا دەيتىن قۇس ءوسىرۋشى ايەل جاپادان-جالعىز قۇستارمەن بىرگە تۇراتىن. بۇل ۇيشىك مىرزانىڭ قامال سياقتاندىرىپ اينالا op قازىپ، ...
-
ءبىز مىنگەن ۆاگون لەزدە لىق تولدى. ادامنىڭ ءار ءتۇرىن كوردىك. ءار جاقتان مىنسەك تە، بىر-بىرىمىزبەن تەز ءتىل تابىسىپ كەتتىك. بىزبەن بىرگە مەكتەپ وقۋشىلارى دا مىنگەن بولاتىن. پوەزعا مىنگەننەن كوزىمە العاش...
