جوو-داعى ءبىلىم باعدارلاماسىنىڭ 73% جۇمىس بەرۋشىلەردىڭ سۇرانىسىنا ساي ەمەس — بعم
وتاندىق جوو-داعى ءبىلىم بەرۋ باعدارلامالارىنىڭ 73 پايىزى جۇمىس بەرۋشىلەردىڭ سۇرانىسىنا ساي كەلمەيدى. بۇل تۋرالى ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى گۇلزات كوبەنوۆا ءمالىم ەتتى.
«بيىل ق ر ءبىلىم جانە عىلىم مينيسترلىگىنىڭ تاپسىرىسى بويىنشا، «اتامەكەن» ۇكپ جوعارى وقۋ ورىندارىنىڭ ءبىلىم بەرۋ باعدارلامالارىنىڭ رەيتينگىسىن دايىندادى. بۇگىنگى كۇنى ءبىلىم بەرۋ باعدارلامالارى بىلتىرمەن سالىستىرعاندا ادىستەمەسى وزگەردى. جالپى، رەيتينگتە 109 جوعارى وقۋ ورنىنان 2000 ءبىلىم بەرۋ باعدارلاماسى قامتىلدى»، — دەدى گ. كوبەنوۆا ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، رەيتينگ جۇرگىزۋ بارىسىندا نەگىزگى 17 كريتەريي نازارعا الىندى. ولاردىڭ ىشىندە تۇلەكتەردىڭ جۇمىسقا ورنالاسۋى، ولاردىڭ ورتاشا جالاقىسى، وقۋ اياقتالعان سوڭ جۇمىس ىزدەۋ ۇزاقتىعى سەكىلدى جاعدايلار زەردەلەندى.
بەلگىلى بولعانداي، ەلىمىزدىڭ وڭىرلەرىنەن 700-دەن استام ساراپشى قاتىسىپ، ولار 6 مىڭنان استام وزدەرىنىڭ قورىتىندىسىن ۇسىندى.
«ونىڭ ناتيجەسىنە توقتالساق، جوعارى وقۋ ورىندارى ءبىلىم بەرۋ باعدارلامالارىنىڭ 73 پايىزى جۇمىس بەرۋشىلەردىڭ كوڭىلىنەن شىقپاي وتىر»، — دەدى كوميتەت باسشىسى.
جۇرگىزىلگەن رەيتينگ بارىسىندا تۇلەكتەردىڭ جۇمىسقا تۇرۋى 74 پايىزدى قۇرايتىنى انىقتالدى. ولاردىڭ ورتاشا ەڭبەكاقىسى 103 مىڭ تەڭگەدەن اسادى.
«اتامەكەن» ۇلتتىق كاسىپكەرلەر پالاتاسى ەكى جىل قاتارىنان ق ر ءبىلىم جانە عىلىم مينيسترلىگى مەن «ەڭبەك رەسۋرستارىن دامىتۋ ورتالىعى» اق-مەن بىرلەسىپ، وتاندىق جوعارى وقۋ ورىندارىنىڭ ءبىلىم بەرۋ باعدارلامالارىنا تاۋەلسىز باعالاۋ جۇرگىزىپ كەلەدى.
You Might Also Like
-
كىتاپحانا – باسپا تۋىندىلارى مەن باسقا دا اقپارات كوزدەرىن قوعامدىق پايدالانۋ جولىن ۇيىمداستىراتىن مادەني-اعارتۋ اقپارات مەكەمەسى. مەكتەپ كىتاپحانالارى – مەكتەپ وقۋشىلارى مەن مۇعالىمدەر...
-
ق ر ءبىلىم جانە عىلىم ءمينيسترى اسحات ايماعامبەتوۆ كاسىپتىك جانە جوعارى ءبىلىم ساپاسىن جوعارىلاتۋعا قاتىستى پىكىر ءبىلدىردى.
