InfoHub Logo

كىتاپحانا – باسپا تۋىندىلارى مەن باسقا دا اقپارات كوزدەرىن قوعامدىق پايدالانۋ جولىن ۇيىمداستىراتىن مادەني-اعارتۋ اقپارات مەكەمەسى. مەكتەپ كىتاپحانالارى – مەكتەپ وقۋشىلارى مەن مۇعالىمدەرىنە كىتاپحانالىق قىزمەت كورسەتۋدى ۇيىمداستىراتىن ورىن.

كىتاپحاناشى – كوپ سالالى ەڭبەك ادامى. كىتاپحاناشىنىڭ جۇمىس جوسپارى ادامدارمەن قارىم- قاتىناس ءتۇرى بولىپ تابىلادى. كىتاپحاناشىلار ءاربىر وقۋشىنىڭ تالابىن ەسكەرىپ، جان-جاقتى دامۋىن ۇيىمداستىرۋشى بىردەن-بىر  تۇلعا. كىتاپحاناشى وقىرماننىڭ تەك كىتاپتى الۋىنا كومەكتەسىپ قانا قويماي، سول كىتاپتى ناسيحاتتاۋ جۇمىسىن دا قوسا مىندەتىنە الادى.

كىتاپحانا وقىرمانى –ول بەلگىلەنگەن قۇجاتتاردى  رەسمي تىركەۋ نەگىزىندە كىتاپحانانى  پايدالاناتىن ادام. كىتاپحانانىڭ نەگىزگى جۇمىسى وقىرماندارمەن بايلانىستى. سوندىقتان وقىرماندارعا قىزمەت كورسەتۋدى ۇيىمداستىرۋ دەگەنىمىزدىڭ ءوزى –كىتاپحانانىڭ كىتاپ قورىنىڭ دۇرىس ورنالاسۋى، كاتالوگ، كارتوتەكانىڭ ءالفاۆيتتى دۇرىس ورنالاسۋى. كىتاپ كورمەلەرىنىڭ دۇرىس ورنالاسۋى. مەكتەپتەگى كىتاپحاناشى مامان جۇمىستىڭ كۇردەلىگىنە قاراماستان بىلىكتىلىك دەڭگەيىمەن قوسا، تاجىريبەسىن دە دامىتىپ وتىرۋى قاجەت. كىتاپحانالىق قىزمەت كورسەتۋ كوپشىلىك كىتاپحانالارعا قاراعاندا، مەكتەپ كىتاپحانالارىندا جالعىز كىتاپحاناشى ماماننىڭ قولىندا. ول مەكتەپتە كىتاپحاناشى ماماندىعىمەن قوسا، پسيحولوگ، وقىتۋشى، تاربيەشى، ماركەتولوگ، مەنەدجمەنت، باعدارلاماشى سىندى ءتۇرلى ماماندىق يەلەرى جۇمىستارىن قوسا اتقارا ءبىلۋى قاجەت. سونىمەن قاتار، جاڭارتىلعان ءبىلىم بەرۋ جۇيەسى بويىنشا دا باعدارلاما نەگىزىن مۇعالىمدەرمەن بىردەي بىلە وتىرىپ، وقۋشىلاردىڭ قابىلەت-دارىنىن ودان ءارى جەتىلدىرۋگە ۇلەس قوسا ءبىلۋى قاجەت. فۋنسيونالدىق وقۋ ساۋاتتىلىعى بويىنشا كىتاپحاناشى مامان رەتىندە ءوز قىزمەتىندە كۇندەلىكتى تاجىريبەگە ەڭگىزىپ، وسى نەگىزدە جۇماسىنا ءبىر رەت وقۋشىلاردى قوسىمشا اقپاراتپەن قامتىپ، مەكتەپ باعدارلاماسىنا جاڭادان قوسىلعان «وقۋ ساۋاتتىلىعى»، «ماتەماتيكالىق ساۋاتتىلىق» سىندى پاندەرگە ادىستەمەلىك كومەك بەرە ءبىلۋى دە قاجەت. مەكتەپ كىتاپحاناشىسى تەك كوركەم ادەبيەتتى عانا ناسيحاتتاپ، سول بويىنشا شارا وتكىزىپ قويماي، نەگىزگى قور بويىنشا تولىق جۇمىس جاساۋى قاجەت. ول ەڭ ءبىرىنشى وقۋشىلاردىڭ بەيىندىلىگىن انىقتاي وتىرىپ (مىس، بيولوگيا، فيزيكا، حيميا)،  سول بويىنشا جۇمىس تاجىريبەسىن جەتىلدىرە دامىتۋى ءتيىس. كىتاپ پەن كىتاپحانانىڭ تىرشىلىگىنە جان بەرىپ، ۇلتتىق قۇندىلىقتار مەن وقىرماندار اراسىن جالعاستىرۋشى – ول ارينە كىتاپحاناشىلار. كىتاپحاناشى دەگەن ءسوز بىزگە قاراپايىم بولىپ ەستىلگەنىمەن، ول ماماندىقتىڭ قىرى مەن سىرىن، قىزىعى مەن قيىنشىلىعىن ءبىر اۋىزبەن ايتىپ جەتكىزۋ مۇمكىن ەمەس. قاسيەتتى قازىنامىزدى كوزدىڭ قاراشىعىنداي ساقتاپ، ناسيحاتتاپ، ەل يگىلىگىنە جاراتىپ جۇرگەن  كىتاپحاناشىلار – ەڭ قاجەتتى، ابىرويلى ماماندىق يەلەرىنىڭ ءبىرى. ويى زەرەك، قيالى ۇشقىر، ءوزىنىڭ كاسىبي شەبەرلىگىن شىڭداعان، وقىرماندارعا ءبىلىم مەن قاجەتتى اقپاراتتىڭ  ءتيىمدىسىن بەرىپ وتىرعان، ءوي-ورىسى كەڭ، جان-جاقتى ءبىلىمدى، پاراساتتى كىتاپحاناشىلاردىڭ ورنى دا وزىنشە ءبىر بولەك. بۇگىنگى كۇنى  كاسىبي شەبەرلىك، كەز-كەلگەن ماماننىڭ قوعامداعى سۇرانىسى مەن ورنىن انىقتايتىن باستى ۇستانىم. ءار مامان يەسىنىڭ قىزمەت كورسەتۋ دەڭگەيى ەڭ اۋەلى قىزمەتكەرلەردىڭ كاسىپتىك دەڭگەيىمەن انىقتالادى.

«ءححى عاسىر – مادەنيەتتىڭ، عىلىم مەن ءبىلىمنىڭ عاسىرى. بار ءبىلىمنىڭ قاينار كوزى – كىتاپحانا»،-دەپ تۇڭعىش پرەزيدەنتىمىز ن.ءا.نازاربايەۆ ايتقانداي وقۋعا ۇمتىلعان ءاربىر جاس ۇرپاقتىڭ ساناسىن، دۇنيەتانىمىن كەڭەيتىپ، جان-جاقتى ءبىلىم الۋىنا  كومەكتەسەتىن بىردەن-بىر وقۋ ورتالىعىنىڭ كيەلى ورداسى – كىتاپحانا. ال، كىتاپحاناشى وقىرمان مەن كىتاپ اراسىن بايلانىستىرۋشى كوپىر.

---