InfoHub Logo

ءبىلىم مينيسترلىگى جاڭا سيفرلاندىرۋ تۇجىرىمداماسىن دايارلادى. بۇل تۋرالى ماجىلىستە ءبىلىم سالاسىنداعى سيفرلاندىرۋ تاقىرىبىنداعى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.

«الەم تەز دامۋدا. ءبىز ونى كورىپ وتىرمىز. ءبىزدىڭ بالالار جىلدام وزگەرەتىن الەمدە ءومىر سۇرەتىن بولادى. ءبىز باسقا مەملەكەتتەردىڭ جەتىستىكتەرى مەن كەمشىلىكتەرىن ساراپتاپ، جاڭا سيفرلاندىرۋ تۇجىرىمداماسىن دايىندادىق. وسى تۇجىرىمداما نەگىزىندە ءبىر ۇلكەن سۇراققا جاۋاپ بەرۋ كەرەك، ياعني سيفرلاندىرۋ اياسىندا بالالار، مۇعالىمدەر، ۇكىمەت، حالىقپەن بارلىعىمىز قانداي ناتيجەگە قول جەتكىزەمىز؟ بىرىنشىدەن، بۇل - بار اقپاراتقا جالپى قولجەتىمدىلىك جانە موبيلدىك. وسى ورايدا، بالالار، مۇعالىمدەر، مەكتەپ ديرەكتورى، اتا-انا بولسىن قاجەتتى اقپاراتتى ءارى قىزمەتتەردى كەز كەلگەن جەردەن ءوز ۇيالى تەلەفونىنان الۋعا مۇمكىندىك بولادى»، - دەپ توقتالدى ە. ساعادييەۆ.

بۇل تۇرعىدا قويىلعان باعا، ءۇي تاپسىرماسى، بۇكىل الەمنىڭ ۇزدىك سيفرلىق ءبىلىم بەرۋ رەسۋرستاردى، وقۋلىقتاردى كورۋگە بولادى.

«سونىمەن قاتار، ۇيدەن شىقپاي ول مەكتەپكە، كوللەدجدەرگە، جوعارى وقۋ ورىندارىنا ءتۇسۋ، قۇجاتتارىن تاپسىرۋ، باسقا مەكتەپكە اۋىسۋ جانە سول سياقتى جۇمىستاردى ۇيالى تەلەفونمەن جاساۋ مۇمكىندىگى بولۋى ءتيىس. مۇنىمەن قوسا، ساباق كەستەسىن جالپى دەرەكتەر بازاسىنا جيناقتاي الامىز. وندا وقۋشى مەن ءمۇعالىم ءوز پورتفوليوسىن قاراي الادى»، - دەدى مينيستر.

ونىڭ اتاپ وتۋىنشە، سيفرلاندىرۋ حالىققا اشىقتىقتىقتى قامتاماسىز ەتەدى. مىندەتتى تۇردە بارلىق اقپارات، ياعني مەكتەپتەردىڭ، جوعارى وقۋ ورىندارىنىڭ باسشىلارىن تاعايىنداۋ بويىنشا، گرانتتاردى بولۋدە، بالاباقشاعا كەزەككە تۇرۋدا، اتتەستات پەن ديپلوم الۋدىڭ بارلىعى پورتالدا اشىق بولادى.

قازاقپارات

---