InfoHub Logo

ءىت-مامانداردىڭ ءبىلىم ساپاسىن ارتتىرۋ ماسەلەسىنە ەكپىن قويىلىپ جاتىر. بۇل تۋرالى ماجىلىستە ءبىلىم سالاسىنداعى سيفرلاندىرۋ تاقىرىبىنداعى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.

«بۇگىندە IT ماماندىعى بويىنشا 84 جوو-دا 33 مىڭ ستۋدەنت جانە 300  كوللەدجدە 24 مىڭ ستۋدەنت وقيدى. جىل سايىن وقۋ ورىندارىن 10 مىڭ ستۋدەنت جانە كوللەدجدى 8 مىڭ ستۋدەنت بىتىرەدى. ءبىز جوعارى ءبىلىم بەرۋدە ءىT-ماماندىقتارعا گرانتتى جىل سايىن كوبەيتىپ جاتىرمىز. بيىل ەلباسىنىڭ تاپسىرماسى بويىنشا، 20 مىڭ قوسىمشا گرانت بولىنەدى، ونىڭ ىشىندە 11 مىڭ گرانت تەحنيكالىق ماماندىقتارعا بولىنبەك. سونىڭ اراسىندا IT ستۋدەنتتەر دە بار. ءبىراق بىزگە ءىت مامانداردىڭ ءبىلىم ساپاسىن ارتتىرۋ ماسەلەسى ماڭىزدى. بىزگە سانىنان گورى ساپاسى قاجەت. سول ءۇشىن وسى ماماندىقتار بويىنشا دايىندايتىن ۋنيۆەرسيتەتتەردىڭ رەيتينگىن IT قاۋىمداستىقتارمەن، «اتامەكەن» پالاتاسىمەن بىرگە جاسادىق. ءبىرىنشى رەيتينگ دايىن، وعان  IT باعىتىندا ءبىلىم بەرەتىن 30 جوو كىردى»، - دەپ توقتالدى مينيستر.

ونىڭ سوزىنە قاراعاندا، العاشكى ءىت رەيتيننگى رەكتورلارعا كورسەتىلىپ، تانىستىرىلدى.

«رەكتورلار رەيتينگتى ءتۇسىنىپ، قولداپ وتىر. ولاردىڭ اراسىندا جاقسى باسەكەلەستىك باستالىپ كەتتi. ءبىز ەندى 40 ۋنيۆەرسيتەت كوسىپ، كەلەسى ايدا، اشىق تۋردە بارلىق بالدارعا جەتكىزىپ، جاريالايمىز. وسىنىڭ ناتيجەسىندە جوو-لاردىڭ ءبىلىم باعدارلامالارى تەز جاڭارتىلىپ جانە ساپاسى جاقسارادى. سونىمەن قاتار، «بولاشاق» ارقىلى IT باعىتى بويىنشا ماماندار دايىندايمىز. شامامەن 1 000 ستۋدەنت وقۋدى ءبىتىردى، بۇل «بولاشاق» باعدارلاماسى تۇلەكتەرىنىڭ 10 پايىزىن قۇرايدى.  ولاردىڭ بارلىعى ۇلىبريتانيانىڭ، امەريكانىڭ، مالايزيانىڭ، كانادانىڭ، سينگاپۋردىڭ جانە تاعى باسقا ەلدەردىڭ ۇزدىك ۋنيۆەرسيتەتتەرىندە وقىپ، oلاردىڭ كوبى مەملەكەتتىك ورگانداردا، IT كومپانيالاردا، ۋنيۆەرسيتەتتەردە جۇمىس ىستەيدى»، - دەدى ەرلان ساعادييەۆ.

ونىڭ اتاپ وتۋىنشە، بيىلعى جىلدان باستاپ ەلىمىزگە قاجەت بولاتىن جاڭا ماماندىقتار بويىنشا ۋنيۆەرسيتەتتەر كادر دايىنداۋدى باستايدى. مىسالى، IT-گەنەتيك، IT-مەديك، جەلىلىك زاڭگەر، اگروينفورماتيك جانە تاعى دا باسقا دا ماماندىقتار بار.

---