ينفورماتيكا ءپانىن 1-سىنىپتان وقىتۋ قوعام تالقىسىنا شىعارىلماق
ينفورماتيكا ءپانىن 1-سىنىپتان باستاپ وقىتۋ مۇمكىندىگى زەرتتەلىپ جاتىر. بۇل تۋرالى ماجىلىستە ءبىلىم سالاسىنداعى سيفرلاندىرۋ تاقىرىبىنداعى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«مينيسترلىك ءبىلىم مەن عىلىمدى سيفرلاندىرۋ بويىنشا ءۇش باعىتتا جۇمىس جاساپ جاتىر. ءبىرىنشىسى - ول ورتا ءبىلىم جۇيەسىندە اقپاراتتاندىرۋدى دامىتۋعا نەگىزدەلگەن. ەكىنشىسى - ءبىلىم بەرۋ مەن عىلىمدى باسقارۋ پروسەستەرىن اۆتوماتتاندىرۋ، ال ءۇشىنشىسى - ءىت مامانداردى دايارلاۋ. ءبىرىنشى باعىت بويىنشا ەىدۇ ەلدەرىندە كوبىنەسە باعدارلامالار 1-سىنىپتان باستالادى. بىزدە ينفورماتيكا ءپانى مەكتەپتە 5-سىنىپتان باستالىپ وقىتىلعان، ەندى بيىل 3-سىنىپتان باستالادى. سونىمەن قاتار، ينفورماتيكانى وقىتۋدا 1-سىنىپتان باستاپ ەنگىزۋ مۇمكىندىگى بويىنشا ساراپشىلارمەن جۇمىس جۇرگىزىپ جاتىرمىز. ءقازىر جوبا جاسالىپ، قوعامدا تالقىلاناتىن بولادى»، - دەدى مينيستر.
ونىڭ سوزىنە قاراعاندا، 3 مىڭنان استام مەكتەپ پەن وقۋشىلار سارايىندا روبوت تەحنيكاسى بويىنشا ەلەكتيۆتىك كۋرس ەنگىزىلدى.
«ءبىراق بىزگە روبوت تەحيكاسىن بارلىق مەكتەپتەرگە دەيىن جەتكىزۋ كەرەك. بۇگىنگى مىندەت - ول اتالعان روبوت تەحنيكاسى كابينەتتەرىن قۇرالدارمەن جابدىقتاۋ. وتكەن جىلدار ىشىندە 5 400 پەداگوگ، ونىڭ ىشىندە 730-ى روبوت تەحنيكاسى بويىنشا بىلىكتىلىك كۋرستارىنان ءوتتى. 2018 جىلى تاعى 2 500 ءمۇعالىم وقىتامىز، سونىڭ ىشىندە اتالعان باعىت تا قامتىلادى»، - دەدى ە. ساعادييەۆ.
You Might Also Like
-
مەن قارا مرامور، قارا تاسپىن. ادام قولىنان وتكەن سوڭ اينادايمىن. الدىمداعىنىڭ ءبارىن كورەمىن، تۇگەل كورەمىن. ادام كۇنگە قاراي المايدى. مەن قاراي الامىن. ادام قىزىعا قارايدى، قۋانا قارايدى، قورقا قار...
-
ءىت-مامانداردىڭ ءبىلىم ساپاسىن ارتتىرۋ ماسەلەسىنە ەكپىن قويىلىپ جاتىر. بۇل تۋرالى ماجىلىستە ءبىلىم سالاسىنداعى سيفرلاندىرۋ تاقىرىبىنداعى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ ءما...
