جۇمباقتار جاۋابىمەن
سارى قوزى، كوك قوزى،
قارىندارى توق قوزى.
كۇزدىگۇنى كوپ قوزى،
قىستىگۇنى جوق قوزى.
(قاۋىن-قاربىز)
تەمىر اياقتى،
اعاش تاياقتى.
(سيركۋل مەن قارىنداش)
وت ىشىندە – ءۇش تاياق،
ۇشەۋى دە كۇشتى اياق.
ورتاسىندا ىلگەگى،
ىلگەگىندە ىلگەنى.
(موسى مەن شاۋگىم)
تورى تاي،
تابانىندا ءتورت اي.
(تاعا)
قاۋىن، قاربىز دەي المايسىڭ،
پىسكەنمەن، جەي المايسىڭ.
جارعانىڭمەن، قاپ-قاتتى،
ال اسقاندا، ءتاپ-تاتتى.
(اسقاباق)
ءبىر جىلاندى تاياققا ءىلىپ الدىم،
ەرگە قونا، پايداسىن ءبىلىپ الدىم.
(قامشى)
ءبىرىنىڭ ءىزىن ءبىرى باسادى،
بىرىنە جەتكىزبەي، ءبىرى قاشادى.
(دوڭگەلەكتەر)
تاقيا، مۇرىن، ءبىر قۇلاعى بار،
ساماۋرىن قاسىندا تۇراعى بار.
(شاينەك)
ءبىرى ءۇي كۇزەتىپ قالسا دا،
ءبىرى جۇرەر قالتادا.
(قۇلىپ پەن كىلت)
اسپانعا جايىپ قويعان
اق ماقتام عايىپ بولعان.
(اقشا بۇلت)
وق جىلاندى اسپاننان ءتونىپ كەلگەن،
ۇزىن نايزام جەر قازباي كومىپ بەرگەن.
(جايتارتقىش)
تىلدەن ۇشىپ،
قۇلاققا قونادى.
(ءسوز)
ويدىڭ اياقتالۋىن كۇتپەيدى،
ونى قويساڭ، سويلەم بىتپەيدى.
(ءۇتىر)
سىرعالى قۇلاق ءبىر،
ءۇن-تۇنسىز سۇراپ تۇر.
(سۇراق بەلگى)
قادالدى ءبىر ينە
نۇكتەدەي تۇيمەگە.
(لەپ بەلگىسى)
اشىلىپ، جابىلادى،
ءار ۇيدەن تابىلادى.
(ەسىك)
قاۋاققا دا ۇقساعان،
المۇرتقا دا ۇقساعان،
اۋزى بار، ءتىلى بار،
بىلەر كورىپ، ۇستاعان.
(قوڭىراۋ)
ءبىر تۇلپار سۋ ىشپەيدى، جەم جەمەيدى،
ەسىركەپ ەشبىر ادام جەمدەمەيدى.
جۇك ەمەس جانۋارعا ءجۇز ادام دا،
دوعاسىن سىمعا سۇيكەپ، جول جونەيدى.
(ترامۆاي)
ءبىر ماقۇلىق جۇمىستا سورلايدى،
ميسىز دەپ ونى جۇرت ويلايدى.
ساۋمايدى، سوعىمعا سويمايدى،
ءبىراق تا ءمىنۋىن قويمايدى.
(قول)
ەگىز قايىڭ،
بوي-باستارى تەڭ وسكەن.
ىسكە دايىن،
بۇتاقتارى بەس-بەستەن.
(قول)
الۋان ءتۇرلى ءىز سالعاننىڭ ءوزى ەدى،
وزىنەن دە پايدالىسى وزەگى.
(قارىنداش)
ءبىر مالعا ەكى بالا مىنگەسەدى،
ايلاپ-جىلداپ تۇسپەستەن كۇن كەشەدى.
(تۇيەنىڭ وركەشى)
ءبىر قالتانىڭ ىشىندە بىرنەشە شار،
ءاربىر شاردىڭ وزىندىك ۇياسى بار.
(اس بۇرشاق)
كولدەنەڭ ىلگەن اق تاياق،
تۇتانار وتپەن جاقپاي-اق.
(كۇندىزگى ساۋلەلى شام)
مۇزداي ءمولدىر جۇمىرتقا،
جارىق بەرەر ىمىرتتا.
(ەلەكتر شامى)
مىنا سىلتەمەلەردى دە قاراپ كورىڭىز:
سايتتاعى بارلىق جۇمباقتار
Cۋرەتتى جۇمباقتار
لوگيكالىق جۇمباقتار
مەتاگراممالار
الفاۆيت، ارىپتەر جۇمباقتار
جانۋارلار مەن قۇستار
You Might Also Like
-
اتا سالتىم – اسىل قازىنام بەكتۇر قىزى ايعانىم، 264 مەكتەپ-ليسەيىنىڭ 2 سىنىپ وقۋشىسى وميرالييەۆا ايگۋل دانكيبەكوۆنا 264 مەكتەپ-ليسەيىنىڭ باستاۋىش سىنىپ ءمۇعالىمى. قىزىلوردا قالاسى. قازا...
-
قازاقستان رەسپۋبليكاسى كىشى عىلىم اكادەمياسىنىڭ اقتوبە فيلالى. اقتوبە قالاسى №23 ورتا مەكتەپ-ليسەيىنىڭ «سوزيداتەل» وقۋشىلار عىلىمي قوعامى. تاقىرىبى: «پيراميدانىڭ قۇدىرەتى&raq...
