InfoHub Logo

ەل تۇرعىندارى جۇرگىزۋشى كۋالىكتەرىن مامانداندىرىلعان حقو-عا بارماي-اق، كەز-كەلگەن ۋاقىتتا ەلەكتروندىق ۇكىمەت پورتالى ارقىلى اۋىستىرا الادى.

«مامانداندىرىلعان حالىققا قىزمەت كورسەتۋ ورتالىقتارىنا جۇرگىزۋشى كۋالىگىن اۋىستىرۋ ءۇشىن كەلەتىن ازاماتتاردىڭ سانى كۇرت وسكەندىگى بەلگىلى بولدى. وسى رەتتە، كولىك جۇرگىزۋشىلەرى ۇيدە وتىرىپ-اق، كەز-كەلگەن ۋاقىتتا ەلەكتروندىق ۇكىمەت پورتالى ارقىلى اۋىستىرا الاتىنىن ەستەرىڭىزگە سالامىز. بۇل ءادىس ۇزىن-سونار كەزەكتە تۇرۋ ماجبۇرلىگىنەن قۇتقارىپ قانا قويماي، ۋاقىتتى ۇنەمدەۋگە دە مۇمكىندىك بەرەدى»، - دەلىنگەن حابارلامادا.

ونداعى مالىمەت بويىنشا، جۇرگىزۋشى كۋالىگىن ونلاين تارتىپتە اۋىستىرۋ قىزمەتىن الۋ وڭاي ءارى جىلدام. الدىمەن ەgov.kz پورتالىنا كىرىپ، ەلەكتروندىق ءوتىنىشتى تولتىرىپ، ەلەكتروندىق سيفرلىق قولتاڭبامەن راستاۋ قاجەت. وتىنىشپەن قوسا فوتوسۋرەت جانە قويعان قولىنىڭ سكان-سۋرەتى دە جولدانادى. جەكە كابينەتكە قۇجاتتىڭ دايىن بولعاندىعى تۋرالى حابارلاما كەلگەن سوڭ (ءموبيلدى ازاماتتار بازاسىنا تىركەلگەن جاعدايدا حابارلاما SMS تۇرىندە كەلەدى) مامانداندىرىلعان حقو-عا بارىپ، دايىن جك الىپ كەتۋگە بولادى.

بولىمگە بارعاندا، اۋىستىراتىن جك، جەكە باسىڭىزدى كۋالاندىراتىن قۇجاتتى، ءوتىنىش پەن باج سالىعىن تولەۋ تۋرالى ەلەكتروندىق چەكتى ۇسىنۋ قاجەت. ايتا كەتسەك، جۇرگىزۋشى كۋالىگىنىڭ باج سالىعى بۇرىنعىداي 1،25 اەك، ياعني 3 006،25 تەڭگەنى قۇرايدى.

ەگەر جك مەرزىمى ءوتىپ كەتسە، پسيحياترلىق جانە ناركولوگيالىق ديسپانسەردەن انىقتاما، 083-نىسانداعى مەديسينالىق انىقتامانى اپارۋ قاجەت.

«جۇرگىزۋشى كۋالىگىن ونلاين تارتىپتە اۋىستىرۋ قىزمەتىن بيىل جىل باسىنان بەرى 1،6 مىڭ ادام پايدالانعان»، - دەيدى باسپا ءسوز قىزمەتىندەگىلەر.

ايتا كەتەيىك، قازىرگى ۋاقىتتا قازاقستاندا مامانداندىرىلعان حقو – استانا، الماتى، قاراعاندى، تاراز، اقتاۋ، پاۆلودار، پەتروپاۆل، قىزىلوردا، تالدىقورعان، قوستاناي، اقتوبە جانە شىمكەنت قالالارىندا، سونداي-اق ەكى مامانداندىرىلعان حقكو سەكتورى الماتىدا جانە وڭتۇستىك قازاقستان وبلىسىنىڭ سايرام اۋدانىندا جانە ت.ب. وڭىرلەردە جۇمىس ىستەيدى.بۇگىندە قازاقستاننىڭ ما­مان­داندىرىلعان حا­لىق­قا قىزمەت كورسەتۋ ورتالىقتارىندا 161780 ءجۇر­گى­ءزۋشى كۋالىگى بەرىلىپ، 592346 اۆتوكولىك تىركەلىپتى. ال، ەلىمىزدەگى ەڭ العاشقى مامانداندىرىلعان حقو 2012 جىلدىڭ جەلتوقسان ايىندا قاراعاندى قالاسىندا پيلوتتىق رەجيمدە ىسكە قوسىلعان بولاتىن.

---