دروندار قازپوشتا جۇمىسىن جەڭىلدەتىپ جاتىر
وزدىگىنەن ۇشاتىن اپپاراتتار ەلىمىزدىڭ شالعاي ايماقتارىنا سالەمدەمەلەر تاراتىپ، پوشتا قىزمەتىن جەڭىلدەتۋگە كومەكتەسىپ جاتىر. بۇل تۋرالى «قازپوشتا» اق ماڭعىستاۋ وبلىستىق فيليالىنىڭ ديرەكتورى ماحاببات سەيتوۆا digitalkz.kz سايتىنا بەرگەن سۇحباتىندا مالىمدەدى.
«ءبىزدىڭ باعىتتارىمىزدىڭ ءبىرى — لوگيستيكالىق ينفراقۇرىلىمدى مودەرنيزاسيالاۋ. وسى رەتتە، قازاقستاندا دروندار ىسكە قوسىلدى. ول شامامەن 8 كيلوگرامم جۇكتى كوتەرە الادى. ونىڭ ارقاسىندا اۋىلداعى اعايىنعا تاۋارلارىن جەتكىزىپ بەرە الامىز. ادەتتە ونىمەن گازەت-جۋرنالدار مەن سالەمدەمەلەر تاسىمالدانۋدا. وسىلايشا اۆتوموبيل جولدارى ناشار ايماقتارعا وزدىگىنەن ۇشاتىن اپپاراتتار تاۋارلاردى جەتكىزىپ بەرىپ، پوشتا قىزمەتىن جەڭىلدەتۋگە ءوز ۇلەسىن قوسۋدا»، — دەدى م. سەيتوۆا.
ال، ماڭعىستاۋ وبلىسى بولسا ۇشقىشسىز اپپاراتقا مۇقتاج ەمەس ەكەن. قازىرگى تاڭدا سالەمدەمەلەر مەن تاۋارلار اۆتوكولىك ارقىلى تاسىمالدانۋدا.
«وبلىستا درون قوسىلعان جوق. سەبەبى، ماڭعىستاۋ وبلىسىنداعى جول-كولىك تراسساسى جاقسى. سول سەبەپتەن اۆتوكولىكتەر ارقىلى جولدانادى. ال، ەگەر قيىندىقتار تۋىندايتىن بولسا درونداردى ىسكە قوسۋىمىز مۇمكىن»، — دەدى ول.
ونىڭ ايتۋىنشا، پوستاماتتار مەن جونەلتىم سۋپەرماركەتتەرىنىڭ اشىلۋى ءوز كەزەگىندە ۋاقىت ۇنەمدەۋگە جاردەمدەسىپ جاتىر.
«قازىرگى تاڭدا «قازپوشتا» جونەلتىمدەردى سۋپەرماركەتتەر نەمەسە پوستاماتتار ارقىلى جەتكىزەدى. كەز كەلگەن تۇتىنۋشى ءوزىنىڭ تاۋارى تۋرالى اقپاراتتى سمس ارقىلى نەمەسە سايتىمىزدان كورە الادى. سونىمەن قاتار، زاتىن الۋعا كەلگەن ءاربىر تۇرعىن كەم دەگەندە 2-3 مينۋت ۋاقىتىن جۇمسايدى. ال، بۇرىن 20-30 مينۋت كەتەتىن. نەگە دەسەڭىز، ول كەزدە قازپوشتا بولىمشەسىنە تىكەلەي كەلىپ الاتىن»، — دەپ اتاپ ءوتتى فيليال ديرەكتورى.
سونداي-اق، ول سيفرلىق تەحنولوگيالاردىڭ تۇرعىندارعا جايلىلىق پەن ساپالى قىزمەتتى ۇسىناتىنىن باسا ايتتى.
«سيفرلاندىرۋداعى باستى ماقسات — تۇرعىندارعا كورسەتىلەتىن قىزمەتتىڭ ساپاسىن جاقسارتۋ. ءبىز ءوز قىزمەتىمىزدىڭ تۇرعىندارعا جايلى بولعانىن قالايمىز، ول ءۇشىن بىزگە سيفرلىق تەحنولوگيالار كومەكتەسەدى»، — دەپ تۇيىندەدى «قازپوشتا» اق ماڭعىستاۋ وبلىستىق فيليالىنىڭ ديرەكتورى.
ايتا كەتەيىك، «سيفرلىق قازاقستان» مەملەكەتتىك باعدارلاماسىنىڭ اياسىندا قازپوشتاعا ءبىرشاما وزگەرىستەر ەنگىزىلدى. سونداي-اق، ونىڭ اقپاراتتىق پورتالى ارقىلى كوپتەگەن قىزمەتتەردى الۋعا بولادى. اتاپ ايتساق، ەلەكتروندى كونۆەرت، باسىلىمعا ونلاين جازىلۋ، QR-كود ارقىلى گازەتتەردى جەتكىزۋدى باقىلاۋ قىزمەتتەرى كورسەتىلەدى. بۇعان قوسا، ەلەكتروندىق پوشتا قىزمەتى دامىپ كەلەدى. ول بويىنشا كەز كەلگەن مەكەنجايعا ەلەكتروندىق حاتتى جولداۋعا بولادى. ال، تاۋاردى اۋىلدىق ەلدى مەكەندەرگە جىلدام ءارى وڭاي جەتكىزۋدەگى ماسەلەلەر درون ارقىلى شەشىلۋدە.
You Might Also Like
-
ەل تۇرعىندارى جۇرگىزۋشى كۋالىكتەرىن مامانداندىرىلعان حقو-عا بارماي-اق، كەز-كەلگەن ۋاقىتتا ەلەكتروندىق ۇكىمەت پورتالى ارقىلى اۋىستىرا الادى.
-
وحوت جاعالاۋىن تۇتاس تۇتىپ جاتقان تاستان قاراڭعى سۋىق تۇندە قۇرلىق پەن سۋلىقتىڭ ۇزىنا بويىنا جايلاعان ەكى زۇلمات دۇنيەنىڭ دامىلسىز ماڭگى-باقي شايقاسى تولاستاماعان. تەڭىز كوشكىنىن قۇرلىق كەسكەستەيدى...
