InfoHub Logo

كەيبىر شەت ەلدەرگە ۇزاق ۋاقىتقا كەتۋگە قاشىقتىعى، ۇشۋ اقىسىنىڭ باعاسى، ول جاقتا تۇرعىن ءۇي جالداۋ مەن وقۋ اقىسىنىڭ قالتا كوتەرمەيتىندىگى كەدەرگى بولىپ جاتادى. الايدا كەي مەملەكەتتەردىڭ ۇكىمەتى جانە جوعارعى وقۋ ورىندارى ساپالى ءبىلىم الۋعا سەپتىگىن تيگىزەتىن شاكىرتاقىلار ۇسىنا الادى. وسى ماقالاعا سونداي مۇمكىندىكتەردىڭ ەڭ تيىمدىلەرىن توپتاستىردىق.

اتالمىش شاكىرتاقىلار جىل سايىن تاعايىندالادى. ولاردىڭ كەيبىرىنە 2018-2019 وقۋ جىلدارىنا ءوتىنىم تاستاۋعا ءالى دە مۇمكىندىك بار. وزگەلەرىندە مۇنداي مۇمكىندىكتەر بولمايدى. كەلەسى وقۋ جىلىنىڭ مەرزىمىن دۇرىس سارالاۋىڭىز ءۇشىن، ءبىز وتكەن دەدلاينداردى كورسەتۋدى ءجون سانادىق.

جاپونيا

توكيو ۋنيۆەرسيتەتىنىڭ شاكىرتاقىسى

توكيو ۋنيۆەرسيتەتى جىل سايىن ۋنيۆەرسيتەت جانىنداعى «Graduate School of Science» («عىلىمنىڭ جوعارى مەكتەبى»)  ماگيسترلىك باعدارلامالارىنىڭ بىرىنە وقۋعا تاپسىراتىن ستۋدەنتتەر ءۇشىن شاكىرتاقىلار تاعايىندايدى. وعان جاپونيادا تۇرمايتىن شەت ەل ازاماتتارى ۇمىتكەر بولا الادى. شاكىرتاقى تولىق وقۋ مەرزىمىنە ەسەپتەلىپ تاعايىندالعان، ءارى اي سايىن ستۋدەنتكە 150000 يەن (1300 اقش دوللارىنا جۋىق) تولەم قاراستىرىلعان. وقىتۋ مەرزىمى كەم دەگەندە بەس جىلعا سوزىلۋى مۇمكىن. ياعني ەكى جىلى ماگيستراتۋرانى جانە ءۇش جىلى اسپيرانتۋرانى قامتيدى.

وقۋعا جانە شاكىرتاقى الۋعا ءوتىنىم بىرگە قابىلدانادى. قارجىلانىرۋعا جازعان وتىنىمگە ءسىز ءتامامداپ جاتقان ۋنيۆەرسيتەتتەن جولداعان ۇسىنىسحات، سونىمەن قاتار ماگيسترلىك باعدارلاما بويىنشا وقۋعا جازعان ءوتىنىمىڭىزدىڭ كوشىرمەسى تىركەلەدى. 2018 جىلى قىركۇيەكتەن باستاپ وقيتىندار ءۇشىن قۇجاتتاردى قابىلداۋ 1ء-شى مامىردا اياقتالىپ، وقۋ جىلى ساۋىردە باستالاتىندار ءۇشىن 31ء-شى قازاندا توقتاتىلادى.

قوسىمشا مالىمەت →

ايەلدەر ۋنيۆەرسيتەتىنىڭ جاپون اسسوسياسى بولگەن گرانتتارمەن شاكىرتاقىلار

Japanese Association of University Women (JAUW) (ايەلدەر ۋنيۆەرسيتەتىنىڭ جاپون اسسوسياسى) ۇيىمى PhD دارەجەسىن العىسى نەمەسە پوستدوكتورلىق زەرتتەۋلەرمەن اينالىسقىسى كەلەتىن ستۋدەنت ايەلدەرگە شاكىرتاقى ۇسىنادى. JAUW 1946 جىلان باستاپ  ايەلدەردىڭ ءبىلىم الۋىنا قولداۋ ءبىلدىرىپ كەلەدى. قازىرگى تاڭدا بۇل ۇيىم وقۋ مەرزىمىنىڭ ۇزاقتىعىنا بايلانىستى 700 000-نان 1 000 000 يەنگە دەيىنگى كولەمدە  (~6 300 دان ~9 000 اقش دوللارىنا دەيىن)  گرانت بولەدى.

شاكىرتاقى الۋعا  ءوتىنىم ۋنيۆەرسيتەكە قابىلدانعاننان كەيىن بەرىلەدى. ستۋدەنتتەر وقۋ ورنىن ءوز بەتىنشە ىزدەپ، وقۋ باعدارلاماسىن ءوزى تاڭدايدى. 2019-2020 جىلدارى بولىنگەن شاكىرتاقى جايلى اقپارات 2018 جىلدىڭ قازان ايىندا جاريالانادى.

قوسىمشا مالىمەت →

جاپونيا ۇكىمەتىنىڭ باعارلامالارى

جاپونيا ۇكىمەتى جاراتىلىستانۋ، گۋمانيتارلىق نەمەسە الەۋمەتتىك عىلىمدار سالاسىندا ءبىلىم الۋدى جوسپارلاعان بولاشاق باكالاۆر ستۋدەنتتەرىنە شاكىرتاقى تاعايىندايدى. باعدارلاما اياسىندا ءتىل ۇيرەنۋ دايىندىق كۋرستارىنان وتۋگە دە مۇمكىندىك بار.

قارجىلاندىرۋعا جاپونيامەن ديپلوماتيالىق قاتىناس ورناتقان كەز-كەلگەن مەملەكەتتىڭ ازاماتى ۇمىتكەر بولا الادى.
وقۋ باس-اياعى بەس جىلعا (ءبىر جىل دايىندىق جانە ءتورت جىلدىق باكالاۆريات) سوزىلادى.  ستۋدەنتتىڭ جەتكەن جەتىستىكتەرىنە بايلانىستى كەي جاعدايدا شاكىرتاقىنىڭ مەرزىمىن ماگيستراتۋراعا دەيىن ۇزارتىلادى. ۇكىمەت جول مەن وقۋ اقىسىن، سونىمەن قاتار ستۋدەنتتىڭ باسقا دا قاجەتتىلىكتەرى ءۇشىن ايىنا 11700 يەن (~1 000 اقش دوللارى) بولەدى. ءوتىنىم قابىلداۋ مەرزىمى 25ء-شى مامىردا ءوتتى.

وسىعان ۇقساس شاكىرتاقى ماگيستراتۋرا مەن دوكتورانتۋرا ستۋدەنتتەرى ءۇشىن دە قاراستىرىلعان. وقۋ باعدارلاماسىنا بايلانىستى اي سايىنعى تولەم 143000 يەندى (~1 300 اقش دوللارى) قۇرايدى.  ەكى باعدارلاما ءۇشىن دە جىل سايىن وزگەرىپ وتىراتىن جاس بويىنشا شەكتەۋلەردىڭ بارىن ەسكەرە كەتۋ قاجەت.

اۆستراليا

موناش ۋنيۆەرسيتەتىنىڭ شاكىرتاقىسى

مەلبرۋنداعى بۇل ۋنيۆەرسيتەت شەت ەلدىك باكالاۆر ستۋدەنتتەرگە تەگىن ءبىلىم الۋىنا زور مۇمكىندىكتەر بەرەدى. Monash International Leadership Scholarship  (حالىقارالىق موناش كوشباسشىلىعى شاكىرتاقىسى) شاكىرتاقىسىنا ۇمىتكەر بولۋ ءۇشىن باعدارلاماعا شاقىرتۋ الۋ كەرەك، ءارى باسقا شاكىرتاقىلارعا ۇمىتكەر بولماۋى ەسكەرىلەدى. ناتيجە ستۋدەنتتىڭ اكادەميالىق جەتىستىكتەرىنە جانە ازىرلەگەن موتيۆاسيالىق حاتىنا تىكەلەي بايلانىستى بولادى.

وقۋ مەرزىمىنىڭ سوڭىنا دەيىن شاكىرتاقى الۋ ءۇشىن ءبىلىم دەڭگەيىنىڭ ورتاشا كورسەتكىشى 70%- دان تومەن بولماۋى ءتيىس، ءارى ستۋدەنت ۋنيۆەرسيتەتتىڭ ماركەتينگتىك ءىس-شارالارىنا بەلسەنە قاتىسۋى كەرەك.

قوسىمشا مالىمەت →

مەلبرۋن ۋنيۆەرسيتەتىنىڭ باعدارلامالارى

بۇل شاكىرتاقى PhD دارەجەسىن يەمدەنگىسى كەلەتىن ستۋدەنتتەردىڭ جانە ماگيسترلەردىڭ وقۋ اقىسىن تولىعىمەن جابادى. سونىمەن قاتار ستۋدەنتكە 110 000 اۆستراليالىق دوللار (~81 700  اقش دوللارى) تولەم قاراستىرىلعان. قارجىلاندىرۋ كونكۋرستىق نەگىزدە تاعايىندالادى. ۋنيۆەرسيتەت ستۋدەنتتىڭ وتكەن وقۋ كەزەڭدەرىندەگى وقۋ ۇلگەرىمىن، بىلىكتىلىگىن، جاريالاعان عىلىمي جۇمىستارىن تولىق ەسكەرەدى.

زەرتتەۋ سالالارىنا شەكتەۋ قويىلمايدى. ويتكەنى شاكىرتاقىعى جەكە ءوتىنىم بولمايدى، بارلىق تالاپكەرلەردى ۇمىتكەر رەتىندە قاراستىرادى. دەدلاين ءسىز قۇجات تاپسىرعان ناقتى باعدارلاماعا بايلانىستى.

قوسىمشا مالىمەت →

سونىمەن قاتار، شەت ەلدىڭ باكالاۆرياتتار ءۇشىن Melbourne International Undergraduate Scholarship (مەلبۋرن حالىقارالىق شاكىراقىسى) باعدارلاماسىن ۇسىنادى. باعدارلاما ستۋدەنتتىڭ وقۋ اقىسى تولىق تولەيدى نەمەسە 10 000 دوللار (~7 400 اقش دوللارى) كولەمىندە جەڭىلدىك الۋعا مۇمكىندىكتەر بەرەدى. مۇندا دا دەدلاين باعدارلاماعا بايلانىستى وتەدى، جانە بارلىق تۇلەكتەر اۆتوماتتى تۇردە شاكىرتاقىعا ۇمىتكەر رەتىندە قاراستىرىلادى.

قوسىمشا مالىمەت →

اۆستراليا ۇلتتىق ۋنيۆەرسيتەتىنىڭ شاكىرتاقىسى

حالىقارالىق قاتىناستار ۋنيۆەرسيتەتى ماگيسترلىك باعدارلاماسى بويىنشا ءبىلىم الاتىن ستۋدەنتتەرگە حەدلي بۋللا اتىنداعى ستەپەنيا تولەيدى. وقۋ اقىسىن تولىعىمەن جاباتىن باس-اياعى ءتورت شاكىرتاقى بولىنەدى. وتىنىمگە موتيۆاسيالىق حات پەن باعدارلاما بويىنشا وقۋعا قاجەتتى قۇجاتتار تىركەلەدى.

قوسىمشا مالىمەت →

كانادا

نەگىزىنەن كانادادا شاكىرتاقى PhD  جانە باكالاۆريات باعدارلامالارى بويىنشا ءبىلىم الاتىن ستۋدەنتتەرگە تاعايىندالادى. سونىمەن قاتار پوستدوكتورلىق زەرتتەۋلەرگە بولىنەتىن شاكىرتاقىلار كەڭ تارالعان.

Banting Postdoctoral Fellowships باعدارلاماسى

بۇل باعدارلاما جۇمىستارى مەملەكەت ومىرىنە وڭ ىقپالىن تيگىزەدى دەپ تانىلعان زەرتتەۋشىلەر ءۇشىن تاعايىندالادى. ءوتىنىم بەرۋ ءۇشىن ۇمىتكەر Canadian Institutes of Health Research، Natural Sciences and Engineering Research Council (دەنساۋلىق ساقتاۋ، جاراتىلىستانۋ عىلىمدارى جانە ينجەنەرلىك زەرتتەۋ بويىنشا كانادا ينستيتۋتى) نەمەسە Social Sciences and Humanities Research Council (الەۋمەتتىك عىلىمدار مەن گۋمانيتارلىق عىلىمدار بويىنشا كەڭەس) زەرتتەۋ كەڭەستەرىنە كىرەتىن ءبىر ينستيتۋتپەن كەلىسۋ كەرەك.

ەكى جىلبويى ستۋدەنت جىل سايىن 70 000 كانادالىق دوللاردان (~53 500 اقش دوللارى) الىپ وتىرادى. ءوتىنىم قابىلداۋ 19-شى قىركۇيەكتە  اياقتالادى.

قوسىمشا مالىمەت →

Vanier Canada Graduate Scholarships شاكىرتاقىسى

بۇل شاكىرتاقى زەرتتەۋ كەڭەستەرى جانىندا جۇمىس اتقاراتىن زەرتتەۋشىلەر ءۇشىن قاراستىرىلعان. قارجىلاندىرۋ ءۇش جىل بويى تولەنەدى دە، 50 000 كانادالىق دوللاردى (~38 200 اقش دوللارى) قۇرايدى. ۇمىتكەرلەر 31–ءشى قازانعا دەيىن تاڭدالادى.

قوسىمشا مالىمەت →

ونتاريو ۇكىمەتىنىڭ باعدارلامالارى

دوكتورلىق دارەجە الۋدى كوزدەگەن ستۋدەنتتەرگە ونتاريو ۇكىمەتى Ontario Trillium Scholarship (ونتاريو تريلليۋم شاكىرتاقىسى) باعدارلاماسىن ۇسىنادى. قارجىلاندىرۋعا كەز-كەلگەن زەرتتەۋ سالاسى بويىنشا پروۆينسياداعى ۋنيۆەرسيتەتتەردىڭ بىرىنە وقۋعا تۇسكەن ستۋدەنتتەر ۇمىتكەر بولا الادى. ۇكىمەت ءتورت جىل بويى، جىل سايىن 40 000 كانادالىق دوللاردان (~30 500 اقش دوللارى) تولەپ وتىرادى. ءسىز شاكىرتاقىعا ءوتىنىم بەرمەيسىز، سەبەبى ۇمىتكەرلەردى ۋنيۆەرسيتتەتىڭ ءوزى تاڭدايدى.

قوسىمشا مالىمەت →

فەرلي ديكينسون ۋنيۆەرسيتەتىنىڭ شاكىرتاقىسى

ۋنيۆەرسيتەتەگى پرەزيدەنتتىك شاكىرتاقى ستۋدەنتتىڭ وقۋ جارناسىن تولىق تولەيدى. بۇل ءۇشىن ۇمىتكەر جاقسى اكادەميالىق ۇلگەرىمىن كورسەتۋى، سونىمەن قاتار 500-گە جۋىق ءسوزدى قامتيتىن ەسسە جازۋى ءتيىس. ءوتىنىم قابىلداۋ 15ء-شى قاڭتاردا اياقتالادى.

قوسىمشا مالىمەت →

تورونتو ۋنيۆەرسيتەتىنىڭ شاكىرتاقىسى

Lester B. Pearson International Scholarship Program (لەستەر ب.پيرسون حالىقارالىق شاكىرتاقىسى باعدارلاماسى) ستۋدەنتتىڭ تەك وقۋ اقىسىن تولەپ قانا قويماي، ونىڭ باسقا دا شىعىندارىنا قارجى بولەدى. قىركۇيەك ايىنىڭ 20-سىنا دەيىن ۇمىتكەر ءتامامداعان مەكتەپ ءوتىنىم بەرۋى كەرەك. شاكىرتاقىعا يە بولاتىن ستۋدەنتتى جەتكەن جەتىستىكتەرى مەن مەكتەپ ومىرىنە قوسقان ۇلەسىن نەگىزگە الا وتىرىپ تاڭدايدى.

قوسىمشا مالىمەت →

جاڭا زەلانديا

وكلەند ۋنيۆەرسيتەتىنىڭ بيزنەس-مەكتەپ شاكىرتاقىسى

2013-جىلدان باستاپ بيزنەس-مەكتەپ Management، International Business، Marketing and Professional Accounting  Degree (مەنەدجمەنت، حالىقارالىق بيزنەس جانە بۋحگالتەرلىك ەسەپ) ماگيسترلىك باعدارلامالارىنا شاكىرتاقى تاعايىندايدى. قارجىلاندىرۋ مولشەرى 30 000 جاڭازەلانديالىق دوللاردى (~20 500 اقش دوللارىن) قۇرايدى. وقۋ جىلى ءساۋىر ايىندا باستالاتىندارعا ءوتىنىم قابىلداۋ 15ء-شى قاڭتاردا، ال  قىركۇيەك ايىندا باستايتىندارعا ءوتىنىم قابىلداۋ شىلدەنىڭ 1-ىندە اياقتالدى.

قوسىمشا مالىمەت →

جاڭا زەلانديا ۇكىمەتىنىڭ شاكىرتاقىسى

PhD دارەجەسى ءۇشىن New Zealand International Doctoral Research Scholarship (NZIDRS) (جاڭا زەلانديانىڭ جاڭا عىلىمي شاكىرتاقىسى) شاكىرتاقىسى بار. قارجىلاندىرۋ ءۇش جىلعا سوزىلادى. وقۋ اقىسى مەن ستۋدەنتتىڭ تۇرعىن ءۇي اقىسىن دا قامتيدى. شاكىرتاقىعا يە بولۋ ءۇشىن ۇمىتكەردىڭ ورتاشا باعاسى 3،6 GPA نەمەسە ودان جوعارى بولۋى ءتيىس، ال جوسپارلى زەرتتەۋ جۇمىستارى جاڭا زەلانديانىڭ الەۋمەتتى-ەكونوميكالىق سالاسىنا وڭ ىقپالىن تيگىزۋى كەرەك. ءوتىنىم بەرۋدىڭ سوڭعى كۇنى - 15 شىلدە. شاكىرتاقى جىل سايىن بەرىلەدى، الايدا 2018 جىلعا ءوتىنىم قابىلدانبايدى.

قوسىمشا مالىمەت →

وكلەند ۋنيۆەرسيتەتىنىڭ جازعى باعدارلامالارى

وكلەند ۋنيۆەرسيتەتى قىسقا مەرزىمدى جازعى زەرتتەۋ جوبالارىنا شاكىرتاقى تاعايىندايدى. بۇنداي تاجىريبە ستۋدەنتكە الداعى وقۋىنا بايلانىستى ءوز جوسپارىن انىقتاۋىنا سەپتىگىن تيگىزەدى. ءسىز ءوزىڭىز قالاعان سالا بويىنشا قاجەتتى جوبانى تاڭداۋعا، ۋنيۆەرسيتەت ۇستازدارىمەن بىرلەسە جۇمىس جاساۋعا، سونىمەن قاتار 6000 جاڭازەلانديالىق دوللار  (~4 100 اقش دوللارى) شاكىرتاقى الۋعا مۇمكىندىگىڭىز بار.

قوسىمشا مالىمەت →

وكلەند تەحنولوگيالىق ۋنيۆەرسيتەتىنىڭ شاكىرتاقىسى

ۋنيۆەرسيتەت PhD دارەجەسىنە ۇمىتكەر ستۋدەنتتەردى قارجىلاندىرادى. وقۋ اقىسىن تولەيدى، ءارى جىل سايىن 25000 جاڭازەلانديالىق دوللار  (~17 100 اقش دوللارى) كولەمىندە شاكىرتاقىسىمەن قامتاماسىز ەتەدى. وتىنىمگە تۇيىندەمە، زەرتتەۋ ۇسىنىسى جانە الدىڭعى وقۋ ورنىنان بەرىلگەن باعا ترانسكريپتى تىركەلەدى. ءوتىنىم قابىلداۋىڭ سوڭعى كۇنى — 15 قازان.

قوسىمشا مالىمەت →

يرلانديا

يرلانديا كوپتەگەن شاكىرتاقى ۇسىنعانىمەن كوبى وقۋ اقىسىن تولىق جابا المايدى. شىعىنداردىڭ ەداۋىر بولىگىن تولەي الاتىن تەك ەكى نۇسقانى اتاپ وتسەك بولادى.

يرلانديا ۇكىمەتىنىڭ باعدارلاماسى

International Education Scholarship (حالىقارالىق ءبىلىم شاكىرتاقىسى) باعدارلاماسى بارلىق ماماندىقتارعا جانە وقىتۋ دەڭگەيلەرىنە شاكىرتاقى تاعايىندايدى. وقۋ جارناسى مەن ءبىر جىلدىق تۇرعىن ءۇي اقىسىنا 10 000 ەۆرو بولەدى. كەلەسى وقۋ جىلىنا 60 شاكىرتاقى بولىنگەن.

قوسىمشا مالىمەت →

يرلانديا ۇلتتىق ۋنيۆەرسيتەتىنىڭ باعدارلاماسى

PhD دارەجەسىنە ۇمىتكەرلەرگە ۋنيۆەرسيتەتتە Hardiman PhD Scholarships (حاريدمان PhD شاكىرتاقىسى) باعدارلاماسى بار. شاكىرتاقى وقۋ جارناسىن تولىق تولەيدى، سونىمەن قاتار جىل سايىن 16 000 ەۆرو كولەمىندە تولەم قاراستىرىلعان. ۇمىتكەرلەردى اكادەميالىق جانە قوعامىق جەتىستىكتەرى نەگىزىندە قابىلدايدى.

قوسىمشا مالىمەت→

يسلانديا

يسلانديانىڭ وقۋ ورىندارى شاكىرتاقىنى از بولەدى، ال كەيدە ءتىپتى مۇلدە تاعايىندامايدى. الايدا كەيبىر ەلدەردىڭ ازاماتتارى ءۇشىن مەملەكەتتىڭ ءتىلى مەن مادەنيەتىنە بايلانىستى ءبىلىم الۋعا مۇمكىندىكتەر بەرىلەدى.

يسلانديا ۋنيۆەرسيتەتىنىڭ شاكىرتاقىسى

يسلانديا ۇكىمەتى يسلاند ءتىلىن ۇيرەتۋ باعدارلامالارى ءۇشىن قارجى بولەدى. ستۋدەنتتەر ءتىل ءبىلىمىنىڭ باستاپقى دەڭگەيىن بىلۋلەرى كەرەك. باعدارلاما بويىنشا ءبىلىم الۋدىڭ ءبىر جىلىن ۋنيۆەرسيتەت تولەيدى. اي سايىن ستۋدەنتتىڭ قاجەتتىلىگىنە قارجى ءبولىپ وتىرادى. ۇمىتكەرلەر قۇجات تاپسىراردا تۇيىندەمەسىن، ەكى دانا ۇسىنىس حاتتى، ترانسكريپتتەر مەن ءتىل مەڭگەرۋ سەرتيفيكاتتارىن ۇسىنۋلارى قاجەت. قۇجات قابىلداۋ جەلتوقسان ايىنىڭ بىرىنە دەيىن جالعاسادى.

قوسىمشا مالىمەت →

---