جۇسىپبەك ايماۋىت ۇلى
جۇسىپبەك ايماۋىت ۇلى (1889-1931) پاۆلودار وبلىسىنىڭ باياناۋىل اۋدانىندا ومىرگە كەلدى. اكەسى ايماۋىت، اتاسى داندەباي شارۋا ادامدارى ەدى. جۇسىپبەك ءوزى ساۋاتتى، جان-جاقتى ونەر يەسى بولعان. كەرەكۋدەگى ەكى سىنىپتىق ورىس-قازاق مەكتەبىندە، سەمەيدەگى مۇعالىمدەر سەمينارياسىندا وقىعان.
جۇسىپبەك قوعامدىق، ۇلتتىق ماسەلەلەرگە بەلسەنە ارالاسىپ، 1917-1919 جىلدارى «الاش» پارتياسىنىڭ مۇشەسى بولعان.
ج. ايماۋىت ۇلىنىڭ شىعارماشىلىعى ءار الۋاندىعىمەن نازار اۋدارتادى. «سارىارقانىڭ سالەمى»، «عاسكەر ولەڭى»، «ۇران»، «نۇر كۇيى» اتتى ولەڭدەرى ۇلتتىق سيپاتىمەن جانە كوركەمدىك ورنەكتەرىمەن ەرەكشەلەنەدى. «ءانشى»، «ەلەس»، «جول ۇستىندە» جانە ت.ب. پروزالىق ەڭبەكتەرىندە قازاق حالقىنىڭ ءومىرى مەن ءسالت-داستۇرى، تاريحى مەن ادامنىڭ قيلى تاعدىرلارى كوركەم، قىزىقتى باياندالادى.
جۇسىپبەك — اۋدارما ونەرىنە دە ۇلكەن ۇلەس قوسقان اتاقتى جازۋشى. ونىڭ شىعارماشىلىعىنان ءومىر-تۇرمىس سىرلارى، ادام ورنى مەن ەڭبەگى، ۇلت پەن ۇرپاق بولاشاعى كەڭ كولەمدە كورىنىس تابادى.
You Might Also Like
-
ءجۇسىپ بالاساعۇن (XI ع.) — اسا كورنەكتى اقىن، فيلوسوف، ادام جانىن تەرەڭ تۇسىنە بىلگەن دانىشپان. ول كاراحاندار مەملەكەتىنىڭ ساياسي جانە مادەني ورتالىعى — ءبالاساعۇن قالاسىندا دۇنيەگە كەلگەن...
-
جابى، جابى جىلقىسى — بايىرعى قازاق جىلقىسىنىڭ ءبىر ءتۇرى. قازاقستاننىڭ وڭت.-باتىس جانە وڭت.-شىعىسىندا وسىرىلەدى. دەنەسى ءىرى، باسى دورەكىلەۋ، موينى قىسقا، ومىراۋلى، كەۋدەسى كەڭ، جونى جالپاق ساۋى...
