InfoHub Logo

قولىڭداعى بارىڭا قاناعات قىلماي، وزگەنىڭ نەسىبەسىنە ۇمتىلامىن دەپ بارىڭنان ايرىلىپ قالىپ جاتقانداردىڭ قاتارىنان ءوزىڭدى كورگىڭ كەلەدى مە!؟ اللا ماڭدايىڭا جازعان ريزىعىڭنان ارتىق، يا كەم الامىن دەپ جانىڭ شىعىپ، كوڭىلىڭ الابۇرتپاسىن. ءبارى دە ءوز ورنىمەن. ءبارى دە ءوز ۋاقىتىمەن… كەيدە سەن ونى الۋعا لايىقتى بولساڭدا ول ريزىقتان ايىرىلىپ جاتقان كەزدەر بولادى. بۇل دەگەنىمىز – سىناق. ال، سىناق ارقىلى ءبىز شىڭدالا ءتۇسىپ، قاتەلىكتەرىمىز بولسا ويلانا تۇسۋگە مۇمكىندىك الامىز. ساناۋلى عانا عۇمىرىڭدى دۇنيەنىڭ ارتىنان ەرەمىن دەپ سارپ ەتىپ الۋدان ساقتان. سەبەبى، ءومىر ءبىز ويلاعاننان دا قىسقا. بۇل مەنىڭ كارانتيندە تۇيگەن ويىم…

شىنىندا دا، اللا اركىمدى ءارقالاي سىناپ جاتادى. بىرەۋدى دۇنيەمەن بولسا، ەكىنشىسىن جاقىن جانداردىڭ بىرىمەن، ەندى بىرەۋىن دەنساۋلىقپەن. كىمدى قالاي سىناعانى ماڭىزدى ەمەس، باستىسى سەنىڭ ول سىناقتان مۇدىرمەي ءوتۋىڭ. كەيدە ادامدار بىر-بىرىمەن رەنجىسىپ جاتادى. قاراپ تۇرساق مۇنىڭ بارلىعى ورىنسىز ەكەنىن جاقسى بىلەمىز. ءبىراق سوندادا قايتالاۋدان جالىقپايمىز. ءومىر بارىمىزگە دە تەك ءبىر عانا مۇمكىندىك بەرەدى. ول قاي كەز، قاي زامان بولسىن بارلىعىمىزعا دا قىمبات. سوندىقتان وتكەنىمىزدى وكپەمەن ەمەس، ءار كۇنىمىزدى تاۋبەمنەن وتكىزگەنىمىز ءجون بولار. بىردە ىستىق، بىردە سۋىق. بىردە باقىتتان باسىڭ اينالىپ جاتسا، بىردە قايعىدان جانىڭدى قويارعا جەر تاپپايسىڭ. قايسىسى قاي ۋاقىتتا كەلەرى بەلگىسىز، سونىمەن ءومىر قىزىقتى دا شىعار. الايدا بەلگىلىسى — «ءبارى وتكىنشى». قازىرگى كەيبىر ادامداردىڭ قاتەلىگى ول – قازىرگى ساتپەن ءومىر ءسۇرىپ، ونى سەزىنە بىلمەۋىندە... تەك بولاشاعىن ويلاپ جانتالاسىپ، جوسپارىنىڭ بارلىعىن ەرتەڭگە ىسىرىپ قويادى. جارقىن بولاشاق قايدان بولسىن، ەگەر سەن ءدال قازىرگى ساتپەن ءومىر ءسۇرىپ، ءار ءساتىڭدى تەك جاقسى جاڭالىق ، ەستەن كەتپەس ەستەلىكتەرمەن تولتىرا بىلمەسەڭ!؟ ءومىر اتتى ۇزاق ساپاردا بارلىعىمىز دا جولاۋشىمىز، جاي عانا قوناقپىز. ءبىر نارسە جاساۋدان، دەگەنىڭىزدى ورىنداي بىلۋدەن جاسقانباڭىز! ارمانداڭىز! عاشىق بولىڭىز! الداعى ومىرىڭىزگە ماقسات قويىڭىز! جاقىندارىڭىزدى بار كەزىندە باعالاڭىز! وزىڭىزگە سەنىڭىز! ەڭ باستىسى ءوز قالاۋىڭىزدى جاساۋدان قورقۋشى بولماڭىز! از عانا عۇمىرىمىزدا كوپ يگى ءىس جاساۋعا تالپىنىپ، اينالامىزعا تاڭ نۇرىن شاشىپ، جۇرەگىمىزدى جىلۋلىققا تولتىرىپ، ءوز جارىق ساۋلەمىزدى باسقاعا دا دارىتىپ ءومىر سۇرۋگە تىرىسۋىمىز قاجەت. سول سەبەپتى الەمدى وزگەرتۋدى ەڭ الدىمەن وزىمىزدەن باستايىق!!!

---