كارىس ماماندارى اقتوبە وبلىسىنىڭ مەديسيناسىنا سيفرلىق تەحنولوگيالاردى ەنگىزۋدە
وڭتۇستىك كورەيانىڭ IRM كومپانياسىنىڭ ماماندارى اقتوبە مەديسينالىق ورتالىعىندا PACS-جۇيەسىنىڭ سەرۆەرىن ورناتتى دەپ حابارلايدى اقتوبە وبلىسى اكىمىنىڭ باسپا ءسوز قىزمەتى.
اتالعان جۇيەنى ءساتتى ورناتۋ «سيفرلىق مەديسينا: قازاقستان – كورەيا» ىنتىماقتاستىق مەموراندۋمىن ىسكە اسىرۋ شەڭبەرىندە جۇمىستاردىڭ ناتەجەلى اتقارىلىپ وتىرعانىن كورسەتەدى.
وسى تۇستا، اقتوبە وبلىسىنىڭ اكىمى بەردىبەك ساپاربايەۆ IRM كومپانياسىنىڭ پرەزيدەنتى سۋنگ-ۆۋك چويمەن كەزدەستى.
ءوڭىر باسشىسى IRM جانە PACS كومپانيالارىنىڭ وكىلدەرىنە اقتوبە مەديسينا كلاستەرىنىڭ ماتەريالدىق-تەحنيكالىق بازاسىن جەتىلدىرۋگە قوسقان ۇلەستەرى ءۇشىن ريزاشىلىعىن ءبىلدىردى.
اتاپ ايتقاندا، بۇرىن قول قويىلعان جوبا قايتارىمسىز نەگىزدە جۇزەگە اسىرىلدى، قارجىلاندىرۋ تولىقتاي وڭتۇستىك كورەيالىق كومپانيا وكىلدەرى ەسەبىنەن جۇرگىزىلەدى.
PACS جۇيەسى بارلىق دياگنوستيكالىق جابدىقتى بىرىكتىرۋگە مۇمكىندىك بەرەدى. بۇل بەينەلەردى (توموگرافيا، فليۋوروگرافيا، ەندوسكوپيا جانە ت.ب.) ءبىر جەردە ساقتاپ، ولاردى جىبەرۋ جانە وڭدەۋ پروسەستەرىن وڭتايلاندىرادى.
ورناتىلعان جابدىقتىڭ قۇنى شامامەن 180 ملن. تەڭگە، سونىمەن بىرگە جۇيەنى جاڭارتۋمەن قوسا جىل سايىنعى تەحنيكالىق قولداۋ كورسەتۋ دە وڭتۇستىك كورەيا تاراپىنان تەگىن جۇرگىزىلمەك.
وبلىستىڭ باسقا مەديسينالىق مەكەمەلەرىن ءبىرتۇتاس اقپاراتتىق جۇيەگە بىرتىندەپ ەنگىزۋ جوسپارلانۋدا، بۇل اۋرۋحانالار اراسىنداعى قارىم-قاتىناستى جاقسارتادى جانە ولاردىڭ جۇمىسىنداعى ساباقتاستىقتى قامتاماسىز ەتەدى.
«اتقارعان جۇمىستارىڭىز ءۇشىن العىس ايتامىز جانە قول قويىلعان مەموراندۋم نەگىزىندەگى، اسىرەسە ەمدەۋ مەكەمeلەرىنە سيفرلاندىرۋدى ەنگىزۋ ماسەلەلەرىندەگى ىنتىماقتاستىقتى جالعاستىرۋعا قىزىعۋشىلىق تانىتاتىنىمىزدى راستايمىز. سونداي-اق، ءبىز ءۇشىن دارىگەرلەردىڭ بىلىكتىلىگىن ارتتىرۋ دا ماڭىزدى»، – دەپ اتاپ ءوتتى وبلىس اكىمى كەزەدەسۋ كەزىندە.
پروفەسسور سۋنگ-ۆۋك چوي PACS جۇيەسىن ەنگىزۋ مەديسينا كلاستەرىنىڭ جۇمىسىن ەمدەۋ-دياگنوستيكالىق پروسەسىن زاماناۋي كوزقاراسقا سايۇيىمداستىرۋعا جانە مەديسينالىق قىزمەتتەردى ۇسىنۋدىڭ حالىقارالىق ستاندارتتارىنا جاۋاپ بەرەتىن جاڭا ساپالى دەڭگەيگە قوياتىنىڭ اتاپ ءوتتى.
«بارلىق مەديسينالىق مەكەمەلەردى ءبىر جۇيەگە ەنگىزۋ جوباسى وڭتۇستىك كورەيادا بىلتىر ىسكە قوسىلعان. بۇگىندە مىڭ جارىم وڭتۇستىك كورەيالىق اۋرۋحانا مالىمەتتەر الماسۋ جۇيەسىن جولعا قويدى. قازاقستانعا قاتىستى ايتار بولساق، مۇمكىندىك بار جانە ءبىز بارلىق اۋرۋحانالاردىڭ ءوزارا مالىمەتتەر الماستىرا الۋلارى ءۇشىن اقتوبەدەن باستاپ، بۇكىل اۋرۋحانالاردى بىرىكتىرۋگە جۇمىستاناتىن بولامىز. ارينە، الدا كوپ جۇمىس تۇر»، – دەپ جەتكىزدى IRM پرەزيدەنتى. كەزدەسۋ كەزىندە ول سونداي-اق، وبلىستاعى ەمدەۋ مەكەمەلەرىنىڭ جاراقتانۋى مەن قولدا بار كادر الەۋەتىنە جوعارى باعا بەردى.
You Might Also Like
-
قازىرگى تاڭدا 9 مىڭنان اسا ەلوردالىق تۇرعىن سيفرلىق ساۋاتتىلىق كۋرسىنان ءوتتى. اتالعانكۋرسقا كەلىپ جاتقان ادامداردىڭ سانى كوپ. ونىڭ ىشىندە ەگدە تارتقان ادامدار، ستۋدەنتتەر مەن وقۋشىلار دا بار.
-
ءبىر جۇمىس باستاۋ نەمەسە ءبىر كۋرسقا قاتىسۋ سەكىلدى جاڭا نارسە جاساماق بولعان كەزدە، «بۇل ءىسىڭنىڭ كەلەشەگى جوق»، «مۇنىڭنان تۇك شىقپايدى»، «ىستەيتىن باسقا تىرلىگىڭ جوق پا...
